delhi lockdown : ఢిల్లీలో లాక్‌డౌన్ యథాతథం.. ఎలాంటి మినహాయింపుల్లేవ్: కేజ్రీ స్పష్టీకరణ – no relaxation in delhi lockdown for now, says cm kejriwal as cases rise


రెండో దశ లాక్‌డౌన్ సమయంలో పరిమిత సంఖ్యలో కొన్ని కార్యకలాపాలకు కేంద్రం అనుమతినిచ్చిన విషయం తెలిసిందే. కేంద్రం విడుదల చేసిన మార్గదర్శకాలను అనుసరించి పలు రాష్ట్రాలు కార్యాచరణ రూపొందించుకున్నాయి. అయితే, ఢిల్లీలో మాత్రం మినహాయింపులకు అవకాశం లేదని ముఖ్యమంత్రి అరవింద్ కేజ్రీవాల్ స్పష్టం చేశారు. ఇప్పటి వరకూ అయితే ఆంక్షలు సడలించే ఆలోచన తనకు లేదని, వారం రోజుల తర్వాత పరిస్థితిని బట్టి నిర్ణయం తీసుకుంటామని తేల్చిచెప్పారు. లాక్‌డౌన్ నుంచి ఎలాంటి మినహాయింపులు ఉండవని అన్నారు. ఢిల్లీని సురక్షితంగా ఉంచడమే తమ లక్ష్యమని కేజ్రీవాల్ పేర్కొన్నారు. కేసుల సంఖ్య పెరుగుతున్నందన ఈ నిర్ణయం తీసుకున్నట్టు ఢిల్లీ సీఎం వివరించారు. దీనికి ప్రజలు సహకరించాలని కేజ్రీ మరోసారి అభ్యర్థించారు.


ప్ర‌మాద‌క‌ర క‌రోనా వైర‌స్ ఢిల్లీలో వేగంగా విస్త‌రిస్తోంది. ఇప్ప‌టివ‌ర‌కు 1890కిపైగా కేసులు నిర్ధారణ కాగా.. 43 మంది ప్రాణాలు కోల్పోయారు. ఢిల్లీ వ్యాప్తంగా ఇప్పటికే 71 కంటైన్‌మెంట్ జోన్ల‌ను ఏర్పాటు చేశారు. లాక్‌డౌన్ సమయంలో అంద‌రూ ఇంటిలోనే గ‌డ‌పాలని ముఖ్య‌మంత్రి అర‌వింద్ కేజ్రీవాల్ సూచించారు. ఢిల్లీలో ఒకే కుటుంబానికి చెంది 26 మందికి కరోనా పాజిటివ్‌గా శనివారం తేలింది. జ‌హంగీర్‌పురిలో నివసిస్తున్న ఒక కుటుంబంలో ఇంత పెద్ద సంఖ్య‌లో క‌రోనా వైర‌స్ బారిన ప‌డ‌టం అంద‌రినీ షాక్‌కు గురిచేస్తోంది. జహంగీర్‌పురి ప్రాంతాన్ని ఇప్ప‌టికే క‌రోనా హాట్‌స్పాట్‌గా నిర్దారించారు. అయిన‌ప్ప‌టికీ ప్ర‌భుత్వ మార్గ‌ద‌ర్శ‌కాల‌ను ప్ర‌జ‌లు ఏమాత్రం పాటించ‌డంలేదు.

కాగా, ఇంత వరకూ తబ్లీగ్ జమాత్ ప్రార్థనల్లో పాల్గొన్నవారిలోనే వైరస్ నిర్ధారణ కాగా.. ప్రస్తుతం నాన్-తబ్లీగ్ కేసులు కూడా నమోదుకావడం ఆందోళనకు గురిచేస్తోంది. శనివారం మొత్తం 186 కేసులు నమోదు కాగా.. ఇందులో తబ్లీగ్‌ జమాత్ ప్రార్తనల్లో పాల్గొన్నవారు ఎవరూ లేరు. అలాగే, దేశవ్యాప్తంగా ఇప్పటి వరకూ 2,500పైగా కరోనా బాధితులు కోలుకున్నారు. ఢిల్లీలో మాత్రం ఇప్పటి వరకూ 200 మంది కోలుకుని ఇళ్లకు వెళ్లారు. రికవరీ రేటు కూడా తక్కువగా ఉండటంతో లాక్‌డౌన్‌ను మరింత కట్టుదిట్టంగా అమలుచేయాలని నిర్ణయించారు.





Source link

Leave a Reply

Your email address will not be published. Required fields are marked *