delhi noida taxi prices: బాబోయ్.. ప్రభుత్వ ట్యాక్సీలకు రూ.10 వేల ఛార్జీ! – upsrtc to charge rs 10000 for taxi rides from delhi airport to noida for evacuated indians


లాక్‌డౌన్‌తో వివిధ దేశాల్లో చిక్కుకొని ఇబ్బందులు పడుతున్న భారతీయులకు ఊరటనిస్తూ కేంద్ర ప్రభుత్వం ‘వందే భారత్ మిషన్‌’ పేరుతో ప్రత్యేక కార్యక్రమం చేపట్టిన విషయం తెలిసిందే. అయితే.. ఈ ఆపరేషన్‌లో భాగంగా స్వదేశానికి రాదలచుకున్న ఛార్జీల రూపంలో భారీ మొత్తం చెల్లించుకోవాల్సి వస్తోంది. డబ్బులు పోయినా పర్వాలేదు గానీ సొంత గూటికి చేరుకోవాల్సిందేనని నిర్ణయించుకున్న వారు ఈ విమానాల్లో రావడానికి సిద్ధమవుతున్నారు. అయితే.. స్వదేశంలో అడుగుపెట్టిన తర్వాత సదరు ప్రయాణికులు సొంత ఖర్చులతో క్వారంటైన్‌లో ఉండటం కూడా తలకు మించిన భారం అవుతోంది. ఇదిలా ఉండగా.. ఉత్తర ప్రదేశ్ ప్రభుత్వం మరో షాక్ ఇచ్చింది.

వందే భారత్ మిషన్ ఆపరేషన్‌లో భాగంగా ఢిల్లీకి చేరుకొని క్వారంటైన్ ముగించుకున్న వారు సొంత ప్రాంతాలకు వెళ్లడానికి ఉత్తర ప్రదేశ్ ప్రభుత్వం రవాణా సదుపాయం ఏర్పాటు చేసింది. యూపీ రోడ్డు రవాణా సంస్థ (యూపీఎస్‌ఆర్టీసీ) ద్వారా క్యాబ్, బస్సు సర్వీసులు అందుబాటులో ఉంచుతున్నట్లు ప్రకటించింది. అయితే.. ఈ సేవలకుగాను వసూలు చేస్తున్న ఛార్జీలను చూసి ప్రయాణికులు నోరెళ్లబెట్టారు.

Must Read:శ్రామిక్‌ రైలు గమ్యం చేరే సరికి 167 మంది మాయం

250 కి.మీ. ప్రయాణానికి రూ.10,000 ఛార్జీలు (ఒక వైపు మాత్రమే) వసూలు చేయనున్నట్లు యూపీ రవాణా శాఖ తెలిపింది. ఢిల్లీలోని ఇందిరాగాంధీ అంతర్జాతీయ విమానాశ్రయం (ఐజీఐఏ) నుంచి నోయిడా, ఘజియాబాద్‌తో పాటు 250 కి.మీ. పరిధిలో ఎక్కడికి ప్రయాణించాలన్నా.. ఎస్‌యూవీ మోడల్ కారుకు రూ.12,000, సెడాన్‌ మోడల్ కారుకు రూ.10,000 ఛార్జీగా చెల్లించాలని పేర్కొంది. లాక్‌డౌన్‌కు ముందు ఢిల్లీ విమానాశ్రయం నుంచి నోయిడాకు క్యాబ్ సర్వీసులు రూ. 800లు ఉండగా.. అది ఇప్పుడు ఏకంగా పదింతలకు పైగా ఎగబాకడం ప్రయాణికులకు ఆశ్చర్యాన్ని కల్గిస్తోంది.

26 సీట్లున్న బస్సులో 100 కి.మీ. దూరానికి ఒక్కో ప్రయాణికుడు రూ.1000 చెల్లించాలని యూపీఎస్‌ఆర్టీసీ అధికారులు తెలిపారు. ఈ అంశంపై విపక్షాలు విమర్శల వర్షం కురిపిస్తున్నాయి. లాక్‌డౌన్‌తో క్యాబ్ సేవలు రద్దవడంతో ప్రభుత్వమే కొన్ని క్యాబ్‌లను అందుబాటులో ఉంచింది. వాటికి యూపీ ప్రభుత్వం భారీ మొత్తంలో ఛార్జీలు నిర్ణయించడం ప్రయాణికులను ఆగ్రహానికి గురి చేస్తోంది. కానీ, సొంతూరుకు వెళ్లాలంటే వారికి ఈ మొత్తం చెల్లించక తప్పడం లేదు.

అయితే.. వలస కార్మికుల విషయంలో మాత్రం ఉదారత కనబరుస్తున్నారు. క్వారంటైన్‌ ముగిసించుకున్న వలస కార్మికులకు రవాణా సౌకర్యాన్ని ఉచితంగానే కల్పించనున్నట్లు యూపీఎస్‌ఆర్టీసీ అధికారులు స్పష్టం చేశారు. శ్రామిక్ రైళ్ల ద్వారా గురువారం (మే 14) నాటికి 10 లక్షల కార్మికులను స్వస్థలాలకు చేర్చారు. వీరి ప్రయాణికయ్యే వ్యయాన్ని కేంద్ర, రాష్ట్ర ప్రభుత్వాలే భరిస్తున్నాయి.

Also Read:ఇంటికి 30 కి.మీ దూరంలో వలస కూలీ మృతి.. వైద్య పరీక్షల్లో షాక్



Source link

Leave a Reply

Your email address will not be published. Required fields are marked *