devineni uma: మీ ఎమ్మెల్యేలే అడుగుతున్నారు.. సమాధానం చెప్పండి జగన్ గారూ: దేవినేని – ex minister devineni uma questions cm ys jagan on ysrcp mlas comments


వైఎస్సార్‌సీపీ ఎమ్మెల్యేల వ్యవహారం ఏపీ రాజకీయాల్లో కాకరేపుతోంది. అధికార పార్టీలో ఉంటూ ప్రభుత్వం, అధికారులపై చేస్తున్న వ్యాఖ్యలు కలకలంరేపుతున్నాయి. ఏడాది అవుతున్నా నియోజకవర్గాల్లో ఏమీ చేయలేకపోతున్నామంటూ బహిరంగంగా మాట్లాడారు. ముగ్గురు, నలుగురు ఎమ్మెల్యేలు ఇదే దారిలో నడిచారు. వీరిలో మంత్రులుగా పనిచేసినవారు కూడా ఉండటం హాట్‌టాపిక్ అయ్యింది. ప్రతిపక్షం కూడా దీనిని ఆయుధంగా మార్చుకుంది. ఎమ్మెల్యేలు చేసిన వ్యాఖ్యలతో ప్రభుత్వాన్ని ఇరుకునపెట్టే పనిలో ఉంది.

ఈ వ్యాఖ్యలపై మాజీ మంత్రి దేవినేని ఉమామహేశ్వరరావు స్పందించారు. ‘చిన్న ఉద్యోగాలకు లక్షలు వసూలు చేస్తున్నారు.. ఏడాదిపాలనలో అభివృద్ధి ఎక్కడ? కేకులు కట్ చేసుకోవడానికి సంబరాలా? దోసెడుఇసుక దొరకడంలేదు నీళ్లు అమ్ముకుంటున్నారని మీఎంపీలు, శాసనసభ్యులు, మంత్రులు, నాయకులే అడుగుతున్నారు. ప్రజలకు సమాధానం చెప్పండి వైఎస్ జగన్ గారు’అంటూ ప్రశ్నిస్తూ ట్వీట్ చేశారు ఉమా.

‘50వేలు ఇస్తేనే పేదవాడికి ఇంటిస్థలమా? భూసేకరణ పేరిట మీవాళ్లు కోట్లరూపాయల డబ్బులు వసూలు చేస్తున్నారు అడిగితే బెదిరింపులు..దాడులు.. వందలకోట్ల కుంభకోణం.. ఇంత విధ్వంసం ఎప్పుడూ చూడలేదని ప్రజల తరుపున చంద్రబాబు అడుగుతున్నారు చెప్పండి వైఎస్ జగన్ గారు’అంటూ దేవినేని మరో ట్వీట్ చేశారు దేవినేని.



Source link

Leave a Reply

Your email address will not be published. Required fields are marked *