dhoolpet corona cases: హైదరాబాద్‌‌: షాకింగ్! నిశ్చితార్థానికి 300 మంది.. ఒకే ఫ్యామిలీలో 15 కరోనా కేసులు – 15 members of a family tested for coronavirus positive in hyderabad’s dhoolpet


హైదరాబాద్‌లో కరోనా వైరస్ సామాజిక వ్యాప్తి ఘటన కలకలం రేపుతోంది. కొద్ది రోజుల క్రితమే మాదన్న పేటలోని ఓ అపార్ట్‌మెంట్‌లో కరోనా సామాజిక వ్యాప్తి చెందిన ఘటన తెలిసిందే. ఓ పుట్టిన రోజు వేడుక జరపగా దానికి హాజరైన వారిలో మొత్తం 28 పాజిటివ్ కేసులు నమోదయ్యాయి. వారంతా అదే అపార్ట్‌మెంట్‌లోని వారు కావడం గమనించదగ్గ విషయం. తాజాగా హైదరాబాద్‌లో మరో కరోనా క్లస్టర్ కేసు నమోదైంది.

మే 11న ధూల్ పేట్‌లో ఓ నిశ్చితార్థం జరిగింది. ఆ తర్వాత కొద్ది రోజులకు పెళ్లి కొడుకు కుటుంబ సభ్యులకు కరోనా వ్యాపించినట్లు గుర్తించారు. దీని ప్రభావంతో పెళ్లి కొడుకు తండ్రి చికిత్స పొందుతూ మృతి చెందాడు. అంతేకాక, ఆ కుటుంబం, బంధువుల్లో 15 మందికి కరోనా నిర్ధారణ కావడం అధికార వర్గాల్లో ఆందోళన కలిగిస్తోంది. ఈ నిశ్చితార్థ వేడుకకు దాదాపుగా 300 మంది బంధు మిత్రులు హాజరైనట్లుగా సమాచారం. ఈ కుటుంబానికి చెందిన ఓ వ్యక్తి (58) కరోనాతో మరణించడంతో ఈ కేసులన్నీ వెలుగులోకి వచ్చినట్టు తెలుస్తోంది.

Also Read:

‘ఆ ప్యాకేజీ మోచేతికి బెల్లం పెట్టి నాకమన్నట్లే ఉంది’

ఈ నిశ్చితార్థం మే 11న హైదరాబాద్‌లోని ధూల్ పేట్‌లో జరిగింది. ఈ కార్యక్రమానికి లాక్ డౌన్ నిబంధనలు, భౌతిక దూరం జాగ్రత్తలు పక్కన పెట్టి పెద్ద సంఖ్యలో బంధువులు హాజరైనట్టు సమాచారం. లాక్ డౌన్ నిబంధనలు పూర్తిగా తుంగలో తొక్కి పెద్ద ఎత్తున పార్టీ నిర్వహించినట్లుగా తెలుస్తోంది. అయితే ఎవరి ద్వారా కరోనా ఆ కుటుంబ సభ్యులకు సోకిందనే అంశంపై విచారణ జరుగుతోంది. పార్టీకి హాజరైన వారందరికీ వివరాలను అధికారులు సేకరిస్తున్నారు. వాళ్ళకు సంబంధించిన ప్రైమరీ కాంటాక్ట్‌ల వివరాలు సేకరించేందుకు అధికారులు తీవ్రంగా ప్రయత్నిస్తున్నారు.



Source link

Leave a Reply

Your email address will not be published. Required fields are marked *