Divi And Amma Rajasekhar: Amma Rajasekhar Wife: నా భర్త దివితో క్లోజ్‌గా ఉంటే ఏదో ఉన్నట్టా.. మీకు ఏ యాంగిల్‌లో కనిపిస్తుందలా?: అమ్మా రాజశేఖర్ భార్య ఫైర్ – amma rajasekhar wife radha comments on amma rajasekhar and divi relation


దివి ఎలిమినేషన్‌కి కారణం ఏంటి?? ఆమె సరిగా ఆట ఆడలేనందువల్లే.. బిగ్ బాస్ హౌస్ నుంచి బయటకు వచ్చేసింది అంటే.. మరి హౌస్‌లో ఉన్న అఖిల్, మోనాల్, అభిజిత్, లాస్య మిగిలిన వాళ్లు పొడిచేస్తున్నారా?? అనే ప్రశ్నలు తలెత్తుతున్నాయి.

గత వారంలో కుమార్ సాయి ఎలిమినేషన్ సందర్భంగా వచ్చిన విమర్శలే ఈవారం కూడా వస్తున్నాయి. మోనాల్‌ని కాపాడటం కోసం స్ట్రాంగ్ కంటెస్టెంట్స్ అని కూడా చూడకుండా ఎలిమినేట్ చేస్తున్నారని.. ఓటింగ్ ప్రకారం కాకుండా బిగ్ బాస్ తమకు నచ్చిన వాళ్లని హౌస్‌లో ఉంచి.. నచ్చని వాళ్లను ఎలిమినేట్ చేస్తున్నారనే విమర్శలు వస్తున్నాయి.

లేకపోతే.. కుమార్ సాయి, దేవి, దివి లాంటి స్ట్రాంగ్ కంటెస్టెంట్స్‌ని ఎలిమినేట్ చేసి మోనాల్‌ లాంటి వీక్ కంటెస్టెంట్‌ని కంటిన్యూ చేయడం ఏంటి అని ప్రశ్నిస్తున్నారు. మొత్తానికి బిగ్ బాస్ లెక్కలు ఎలా ఉన్నాయో ఏమో తెలియదు కానీ.. పరిస్థితి చూస్తుంటే.. బిగ్ బాస్ ఓటింగ్, ఎలిమినేషన్ ప్రక్రియ ఫెయిర్‌గా జరగడం లేదనే అనిపిస్తుంది.

ఈ అపోహలు, విమర్శలు, వ్యతిరేకతల్ని పక్కనపెడితే.. బిగ్ బాస్ వాళ్లు చెప్పింది నిజం అనే అనుకుందాం కాసేపు. ఓట్లు తక్కువ వచ్చాయి కాబట్టే దివి ఎలిమినేట్ అయ్యిందనే అనుకుందాం.. గుజరాతీ పాప మోనాల్‌కి తెలుగు నటి దివి కంటే ఎక్కువ ఓట్లు పడ్డాయనే అనుకుందాం.. అది కూడా మన తెలుగు బిగ్ బాస్‌లో.

ఇంకా దివికి మైనస్‌గా మారింది ఎవరయ్యా అంటే.. ఆ అరవమేళం అమ్మా రాజశేఖర్ అని ఆమె ఫ్యాన్సే ఆరోపిస్తున్నారు. అమ్మా రాజశేఖర్‌తో బాండింగ్ దివికి బాగా దెబ్బేసింది. మొదట్లో గేమ్‌ని జన్యున్‌గా ఆడిన అమ్మా రాజశేఖర్ ఆ తరువాత సెల్ఫిష్‌గా మారిపోయాడు. అవసరం ఉంటే ఒకలా.. లేకపోతే మరోలా మాట్లాడి.. సెల్ఫిష్ గేమ్ ఆడుతూ అపరిచితుడిలా మారిపోతుంటారు.

అలాంటి అమ్మా రాజశేఖర్‌తో దివి బాండింగ్ పెట్టుకోవడం.. ఈ ఇద్దరూ కలిసికట్టుగా గేమ్ ఆడటం.. ఒకర్నొకరు సపోర్ట్ చేసుకోవడం.. చాలా మంది ప్రేక్షకులకు నచ్చలేదు. ఆ గుండు కొట్టించుకునే ఎపిసోడ్‌లో అయితే అమ్మా రాజశేఖర్ కమల్ హాసన్‌ని మంచిపోతే.. దివి తెగ ఏడ్చేసింది. పోనీ.. దివిని ఏమైనా సేవ్ చేశాడా అంటే అదీ లేదు.. తనకు తాను సేఫ్ కావడం కోసం అర్థగుండుతో దర్శనం ఇచ్చాడు. దీన్ని నాగార్జున మహా త్యాగం అంటూ తెగ పొగిడేశారు అనుకోండి అది వేరే విషయం.

ఇదిలా ఉంటే.. మొత్తానికి దివి ఎలిమినేషన్‌కి అమ్మా రాజశేఖర్ కూడా ఒక కారణం అనేది తప్పక ఒప్పుకోవాల్సిన విషయం కాగా.. ఈ ఇద్దరి బాండింగ్‌పై బయట రకరకాల గాసిప్ వినిపిస్తున్నాయి. పాపం మాస్టర్‌ని అమ్మా.. అమ్మా అంటూ దివి ఆప్యాయంగా పలకరించినా ఆ పిలుపులో వేరే అర్థాన్ని తీసుకుంటూ పుకార్లు పుట్టిస్తుండటంతో అమ్మా రాజశేఖర్ భార్య రాధ ఫైర్ అయ్యారు.

ఓ యూట్యూబ్ ఛానల్‌కి ఇచ్చిన ఇంటర్వ్యూలో అమ్మా రాజశేఖర్ భార్య మాట్లాడుతూ.. తన భర్తపైన, దివిపైన వస్తున్న రూమర్లను ఖండించారు. ఆమె మాట్లాడుతూ.. ‘దివి-రాజశేఖర్ సపోర్టర్స్‌గా మాత్రమే ఉన్నారు.. వాళ్లది జన్యున్ బాండింగ్. ఆయనకు లవ్ ట్రాక్‌లు ఉన్నాయి అంటే అది కామెడీనే. నాకైతే అలాంటివి ఉన్నాయని అనిపించలేదు. మేల్, ఫిమేల్ కాస్త క్లోజ్‌గా ఉంటే.. లవ్ వచ్చేస్తుందా??

కరాటే కళ్యాణితో మొదట్లో రొమాంటిక్‌గా చేశారు.. అది నాకు కామెడీగా అనిపించింది. వాళ్లిద్దరి మధ్య ఏదో ఉందని అనుకునేవాళ్లకి ఏ యాంగిల్‌లో అలా అనిపించిందో నాకు తెలియదు. దివి విషయంలోనూ అంతే.. వాళ్లేమీ సీక్రెట్‌గా మాట్లాడుకోలేదు.. ఆయన సిన్సిటివ్‌గానే ఉంటారు కానీ ఎంత వరకూ ఉండాలో అంతవరకే ఉంటారు. సెన్సిటివ్‌గా ఉన్నవాళ్లకి అమ్మాయిలు పడతారు అంటే.. ఆయన దూరం పెడతారు.. కొంతవరకే ఆయన సెన్సిటివ్. అలా అనుకుంటే ఊరంతా బోలెడు మంది ఉండాలి.. ఆయన వందల మంది అమ్మాయిలతో పని చేశారు.. ఏనాడూ కూడా ఎలాంటి డిస్టబెన్స్‌ జరగలేదు’ అంటూ చెప్పుకొచ్చింది అమ్మా రాజశేఖర్ భార్య రాధ.



Source link

Leave a Reply

Your email address will not be published. Required fields are marked *