doctor sudhakar: విశాఖ డాక్టర్ సుధాకర్ కేసులో మరో ట్విస్ట్ – vizag doctor sudhakar mother filed habeas corpus petition in ap high court


విశాఖ డాక్టర్ సుధాకర్ కేసులో మరో ట్విస్ట్ వచ్చి పడింది. సుధాకర్ తల్లి కావేరిబాయి హైకోర్టులో హెబియస్‌ కార్పస్‌ పిటిషన్‌ దాఖలు చేశారు. సుధాకర్‌ను అక్రమంగా కస్టడీలోకి తీసుకున్నారని.. 24 గంటల్లో డాక్టర్ ఆయనను కోర్టులో ప్రవేశపెట్టాలంటూ పిటిషన్‌‌ వేశారు. డాక్టర్ సుధాకర్ కేసును సీబీఐ దర్యాప్తు చేస్తున్న సమయంలో సుధాకర్ తల్లి కావేరిబాయి హైకోర్టులో హెబియస్‌ కార్పస్‌ పిటిషన్‌ దాఖలు చేయడం ఆసక్తికరంగా మారింది. మరోవైపు తనను విశాఖ మెంటల్‌ ఆస్పత్రి నుంచి మరో ఆస్పత్రికి తరలించాలని డాక్టర్‌ సుధాకర్‌ వేసిన పిటిషన్‌పై కౌంటర్‌ దాఖలు చేయాలని హైకోర్టు ప్రభుత్వాన్ని ఆదేశించింది. తదుపరి విచారణను రెండు వారాలకు వాయిదావేసింది.

Read Also:ఏపీ ప్రజలకు గుడ్‌న్యూస్.. హైదరాబాద్, బెంగళూరు నుంచి బస్సులు!

గత నెల 16న డాక్టర్ సుధాకర్‌ను విశాఖ పోలీసులు అరెస్ట్ చేసిన సంగతి తెలిసిందే. సుధాకర్‌ మానసిక పరిస్థితి సరిగా లేదని కేజీహెచ్‌ వైద్యులు చెప్పడంతో.. పోలీసులు ప్రభుత్వ మెంటల్ ఆస్పత్రికి తరలించారు. అయితే డాక్టర్ సుధాకర్‌ విషయంలో విశాఖ పోలీసులు వ్యవహరించిన తీరుపై వీడియోలతో ఏపీ టీడీపీ రాష్ట్ర మహిళా అధ్యక్షురాలు వంగలపూడి అనిత హైకోర్టుకు లేఖ రాశారు. దీంతో కోర్టు ఈ లేఖను సుమోటో పిల్‌గా పరిగణించి విచారణ జరిపింది. అలాగే మరో వ్యక్తి పిటిషన్ దాఖలు చేశారు.

విశాఖ మెంటల్ ఆస్పత్రిలో చికిత్సపొందుతున్నట్లు ప్రభుత్వం కోర్టులో కౌంటర్ దాఖలు చేసింది. దీంతో కోర్టు కీలక ఉత్తర్వులు జారీ చేసింది. సుధాకర్‌ చికిత్సపొందుతున్న ఆస్పత్రికి వెళ్లి వాంగ్మూలం నమోదు చేయాలని విశాఖ సెషన్స్‌ జడ్జిని ఆదేశించింది. గురువారం సాయంత్రంలోగా వాంగ్మూలాన్ని హైకోర్టుకు సమర్పించాలని సూచించింది. తర్వాత సుధాకర్ స్టేట్మెంట్ పరిశీలించి.. ఈ కేసును సీబీఐకి అప్పగించింది.

డాక్టర్ సుధాకర్ విశాఖ జిల్లా నర్సీపట్నం ప్రభుత్వ ఆస్పత్రిలో పనిచేస్తున్నాడు. కరోనా సమయంలో ఆస్పత్రిలో మాస్కులు, పీపీఈ కిట్లు లేవంటూ ఆరోపించారు. ఆ తర్వాత ప్రభుత్వం ఆయన్ను సస్పెండ్ చేసింది.. ఈ నిర్ణయంపై విపక్షాల నుంచి విమర్శలు వచ్చాయి. సుధాకర్‌పై సస్పెన్షన్ ఎత్తేయాలని డిమాండ్ చేశారు. ఆ తర్వాత కొద్దిరోజులు ఆయన కనిపించ లేదు. మళ్లీ గత నెల 16న విశాఖలో ప్రత్యక్షమయ్యారు.



Source link

Leave a Reply

Your email address will not be published. Required fields are marked *