doctors corona cases in telangana: డాక్టర్లకు కరోనా సోకడానికి కారణం అది కాదు.. మంత్రి ఈటల స్పష్టం – in future wants to do more corona tests in telangana says minister etala rajender


తెలంగాణలో వైద్య విద్యార్థులు, సిబ్బంది కరోనా వైరస్ బారిన పడుతున్న వేళ ఆరోగ్య సిబ్బంది రక్షణకు ప్రత్యేక చర్యలు చేపడుతున్నట్లు మంత్రి ఈటల రాజేందర్ స్పష్టం చేశారు. కరోనా ఆస్పత్రుల్లో రెండంచెల విదానాన్ని ఏర్పాటు చేసుకుంటున్నట్లు ఈటల వెల్లడించారు. నిమ్స్ ఆస్పత్రిలో కరోనా సోకిన వైద్యులకు ప్రత్యేక చికిత్స అందిస్తున్నట్లు చెప్పారు. గాంధీ, పేట్లబురుజు, నిలోఫర్, సుల్తాన్ పూర్ ఆస్పత్రుల్లో అన్ని కల్పించామని చెప్పారు. కేంద్రం నుంచి వచ్చిన ప్రత్యేక అధికారులే తెలంగాణలో అన్ని కొవిడ్ ఆస్పత్రులను పరిశీలించి కితాబిచ్చారని గుర్తు చేశారు.

క్వారంటైన్ కేంద్రాల్లో సరైన వసతులు లేవనే ఆరోపణలను మంత్రి ఖండించారు. దమ్ముంటే వాస్తవాలను తమకు తెలపాలని చెప్పారు. వైద్యుల పనితనాన్ని అంతా అభినందించాలని అన్నారు. వైద్యులకు పీపీఈ కిట్లు సరైన విధంగా అందుబాటులో ఉంచనందునే వారికి కరోనా సోకిందన్న ప్రచారాన్ని మంత్రి ఈటల కొట్టిపారేశారు. డాక్టర్లకు అన్ని రాష్ట్రాల్లో కరోనా పాజిటివ్ వచ్చిందని.. దేశవ్యాప్తంగా ఈ సమస్య ఉందని గుర్తు చేశారు. ఆరోగ్య సిబ్బంది రక్షణకు తాము అన్ని చర్యలు తీసుకుంటున్నామని తెలిపారు. పీపీఈ కిట్లు 10 లక్షలు ఉన్నాయని, మాస్కులు, మందుల కొరత మన దగ్గర లేదని తెలిపారు.

కరోనా లక్షణాలు, హై రిస్క్‌ ఉన్నవారికే పరీక్షలు నిర్వహించాలన్న ఐసీఎంఆర్‌ సూచనల మేరకే పరీక్షలు చేస్తున్నామని తెలంగాణ మంత్రి ఈటల రాజేందర్‌ తెలిపారు. రాబోయే కాలంలో కరోనా పరీక్షలను పెంచుతామని స్పష్టం చేశారు. లాక్ డౌన్ సడలింపు తర్వాతే రాష్ట్రంలో ఎక్కువ కేసులు పెరిగాయన్నారు. ఈ వ్యవహారాన్ని రాజకీయ కోణంలో చూడొద్దని.. ట్రీట్‌మెంట్‌పై సోషల్ మీడియాలో తప్పుడు ప్రచారం జరుగుతుందని అన్నారు.

ఇలాంటి ఆరోపణలు ప్రభుత్వానికి ఆటంకంగా మారుతున్నాయని.. ప్రజల పట్ల ప్రేమ ఉంటే సరైన సూచనలు చేయాలని ప్రతిపక్షాలకు సూచించారు. అంతేకానీ, అవాస్తవాలను ప్రచారం చేయడం మంచి పద్ధతి కాదని హితవు పలికారు.

రాబోయే రోజుల్లో కరోనా వైరస్‌ను ఎదుర్కొనేందుకు ప్రభుత్వం అన్ని విధాలుగా సిద్ధంగా ఉందని మంత్రి ఈటల వెల్లడించారు. కరోనా కేసులు పెరుగుతున్న వేళ లాక్ డౌన్ సడలింపులు ఎందుకని విలేకరులు ప్రశ్నించగా కేంద్రం విడుదల చేసిన మార్గదర్శకాలను తెలంగాణ తూచ తప్పకుండా పాటిస్తోందని మంత్రి చెప్పారు.



Source link

Leave a Reply

Your email address will not be published. Required fields are marked *