dogs death in peddapalli : పెద్దపల్లి: కుప్పకూలుతున్న కుక్కలు.. వింత రోగమా? – dogs suspected death in oded village in peddapalli district, 12 dogs die in 2 days


రోనా వైరస్‌ భయంతో ఆ గ్రామంలో ప్రజలు ఓ వైపు ఇంటి నుంచి బయట అడుగు పెట్టడానికే వణుకుతుండగా.. కుక్కలు వింత రోగంతో కుప్పకూలుతున్నాయి. 24 గంటల్లో గ్రామంలో పదికి పైగా వీధి కుక్కలు మరణించాయి. దీంతో గ్రామస్థులు ఆందోళన చెందుతున్నారు. ఏదైనా వింత వ్యాధి ప్రబలుతోందా అని అనుమానం వ్యక్తం చేస్తున్నారు. పెద్దపల్లి జిల్లా ఓడేడ్ గ్రామంలో ఈ ఘటన చోటు చేసుకుంది. పలు గ్రామాల్లోనూ కుక్కలు ఇలాగే మృత్యువాత పడుతున్నట్లు ఈ ఘటన తర్వాత వెలుగులోకి వచ్చింది.


పెద్దపల్లి జిల్లా ముత్తారం మండలంలోని ఓడేడ్‌ గ్రామంలో రెండు రోజులుగా సుమారుగా 12 కుక్కల వరకు రోడ్లపై ఎక్కడికక్కడే కుప్పకూలి మరణించాయని గ్రామస్థులు తెలిపారు. అమెరికాలో పులికి కరోనా వైరస్ సోకిందనే వార్తలతో వారు ఆందోళన చెందుతున్నారు. విషయాన్ని అధికారుల దృష్టికి తీసెకెళ్లారు.

Must Read:
కొండగట్టులో హనుమాన్ జయంతి వేడుకలు.. 25 ఏళ్లలో తొలిసారిగా ఇలా!

ఈ ఘటనపై పశు వైధ్యాధికారి హన్నన్‌ స్పందిస్తూ ఓడేడ్‌లో కుక్కలు మృతి చెందాయని గ్రామస్థులు తమ దృష్టికి తీసుకొచ్చారని తెలిపారు. కారణాలపై దర్యాప్తు చేస్తున్నామని చెప్పారు. వైరస్ నివారణ కోసం మూడు రోజుల కిందట గ్రామంలో సోడియం హైపో క్లోరైడ్‌ ద్రావణాన్ని పిచికారి చేసినట్లు తమ పరిశీలనలో తేలిందని.. ఆ తర్వాత రోజు నుంచి కుక్కలు మరణిస్తున్నాయని ఆయన తెలిపారు. ద్రావణం పిచికారి చేసిన ఆహారం తినడం లేదా నీటిని తాగడం వల్ల కుక్కలు ఇలా చనిపోయి ఉంటాయని ఆయన అనుమానం వ్యక్తం చేశారు.

మళ్లీ కుక్కలు మృతి చెందినట్లు తమ దృష్టికి వస్తే పోస్ట్‌మార్టం నిర్వహిస్తామని అధికారులు తెలిపారు. కుక్కలకు సరైన ఆహారం లభించకపోవడం వల్ల కూడా చనిపోయి ఉంటాయని అనుమానం వ్యక్తం చేస్తున్నారు. ఎలాంటి వింత వ్యాధి లేదని.. గ్రామస్థులు ఆందోళన చెందాల్సిన పనిలేదని స్పష్టం చేశారు.

Also Read:
మాస్కులు లేకుండా బయటకొస్తే అరెస్ట్





Source link

Leave a Reply

Your email address will not be published. Required fields are marked *