drain cleaning tips: కిచెన్ సింక్‌ నుంచి నీరు పోవట్లేదా.. ఇలా చేయండి.. – natural homemade drain cleaners know here details


సింక్ లోంచి, బాల్కనిలో గిన్నెలు కడిగే దగ్గరా నీళ్ళు వెళ్ళకపోడమన్నది అందరిళ్ళలో జరిగేదే కానీ చాలా చిరాగ్గా ఉండే విషయం. దానికి తోడు ఎవరైనా గెస్ట్స్ వచ్చినప్పుడే ఇలా జరిగితే ఇంకా విసుగ్గా ఉంటుంది. పైగా, హార్ష్ కెమికల్స్ వాడడానికి మనలో చాలా మందిమి సిద్ధంగా లేము. వీలైనంతవరకూ ఎకొ ఫ్రెండ్లీ గా ఉండటానికే అందరం చూస్తున్నాం కదా. మరి ఏం చెయ్యాలి అంటే దానికి కూడా కొన్ని చిట్కాలున్నాయి.

1. వేడి నీళ్ళు, లిక్విడ్ సోప్

రెండు లీటర్ల నీళ్ళు మరగబెట్టి, అందులో ఒక పావు లీటరు లిక్విడ్ సోప్ కలపండి. దీన్ని జాగ్రత్తగా సింక్ లో పొయ్యండి. ఇలా నాలుగైదు సార్లు చేయాలి. ఇది బాగా పని చేస్తుంది. సింక్ గొట్టాల్లో అతుక్కుపోయిన జిడ్డుని వేడి నీరూ, సోప్ మిశ్రమం వదిలించి బయటికి పంపింస్తుంది. సింక్ బానే ఉన్నా కూడా నెలకి ఓసారైనా ఇలా చేయడం వల్ల అసలు ఈ సమస్య తలెత్తకుండా ఉంటుంది.

Also Read : వర్క్ ఫ్రమ్ టైమ్‌లో ఈ టిప్స్ పాటించకపోతే కష్టమే..

2. వైర్ హాంగర్

ఈ హాంగర్‌ని జాగ్రత్తగా విడదీయండి. హుక్ మాత్రం అలాగే ఉంచండి. దీన్ని జాగ్రత్తగా లోపలికి పంపి ఇరుక్కుపోయిన తొక్కలు గానీ, జుట్టు కానీ ఉంటే లాగితే వస్తుంది. మీకు వీలున్నంత లాగేసిన తరువాత డ్రెయిన్ లో వేడి నీళ్ళు పోసెయ్యండి.

3. బేకింగ్ సోడా, వెనిగర్

సింక్ డ్రెయిన్ దగ్గర అర కప్పు బేకింగ్ సోడా వేయండి. దాని మీద అర కప్పు వెనిగర్ పోయండి. ఒక గంట అలా వదిలేయండి. ఇప్పుడు డ్రెయిన్ క్లియర్ అయ్యే వరకూ వేడి నీళ్ళు పొయ్యండి.

4. సాల్ట్, బొరాక్స్, వెనిగర్

పావు కప్పు ఉప్పూ, పావు కప్పు బొరాక్స్, అర కప్పు వెనిగర్ వేసి ఉంచి దాని మీద వేడి నీళ్ళు పోయండి. క్లియర్ అయ్యే వరకూ వేడి నీళ్ళు పోయండి.

Also Read : బ్రా వేసుకోకపోతేనే షేప్ బావుంటుందా..

5. సాల్ట్, బేకింగ్ సోడా

అర కప్పు ఉప్పూ, అర కప్పు బేకింగ్ సోడా తీసుకోండి. ఈ మిశ్రమాన్ని డ్రెయిన్ లో వేసి అరగంట నుంచి రాత్రంతా మీకు కావాల్సినంత సేపు ఉంచండి. తరవాత దాని మీద వేడి నీళ్ళు పోయండి.

6. ప్లంజర్

ఇది ఎక్కువ కిచెన్ సింక్ కి పనికొస్తుంది. సింక్ పైప్ ఒంపు తిరిగే చోట ఫుడ్ పార్టికల్స్ ఉండిపోతాయి. ఇవి హుక్‌తో అందవు. ప్లంజర్ వాడాల్సిందే. సింక్‌లో వేడి నీళ్ళు పోసి రబ్బర్ ప్లంజర్ వాడితే సరిపోతుంది.

కెమికల్ క్లీనర్స్ తొందరగా క్లీన్ చేస్తాయి, ఎఫిషియెంట్ గా క్లీన్ చేస్తాయి కాబట్టి అందరం అటు వేపే మొగ్గు చూపుతాం. కానీ, అందులో ఉండే కెమికల్స్ పైప్స్ ని పాడు చేస్తాయి. పైగా అవి తయారు చేయడం, వాడడం కూడా ఎకో ఫ్రెండ్లీ కాదు. కాబట్టి.. ఇలాంటి చిట్కాల వల్ల డ్రెయిన్స్ క్లాగ్ అయినా నాచురల్ గా క్లీన్ చేయొచ్చు.

Also Read : ఆలుగడ్డతో ఫేస్ మాస్క్‌తో తెల్లగా అవుతారా..

డ్రెయిన్స్ జామ్ అవ్వకుండా ఉండాలంటే..

1. సింక్ లో మెతుకులు కానీ, నూనె కానీ పడకుండా జాగ్రత్త పడండి. వేపుళ్ళు లాంటివి చేసిన మూకుడుని టిష్యూ తో తుడిచి డస్ట్ బిన్ లో పడేస్తే సింక్ లో నూనె చేరకుండా ఉంటుంది. అలాగే, గిన్నెలు, ప్లేట్స్ పెట్టేటప్పుడు అందులో మెతుకులు, మిరపకాయ గింజలు లాంటివి లేకుండా చూస్తే సరిపోతుంది.

2. రాత్రి సింక్ లో గిన్నెలు ఉంచకపోవడం మంచిది. ఏదైనా టబ్ లో వేసి, సింక్ కడిగేసి, సింక్ లో కాసిని గోరు వెచ్చటి నీరు పోసి సింక్ డ్రెయిన్ మీద గుప్పెడు రాళ్ళ ఉప్పు వేసి రాత్రంతా ఉంచెయ్యండి. ఇలా చెస్తే సింక్ తొందరగా జామ్ అవ్వదు.

3. బాల్కనీలో డ్రెయిన్ దగ్గర జుట్టూ, ఆకులు, కాగితం ముక్కలూ చేరకుండా చూసుకోండి.



Source link

Leave a Reply

Your email address will not be published. Required fields are marked *