Dubai Couple Marathon : కరోనా ఎఫెక్ట్: బాల్క‌నీలోనే దంప‌తుల‌ మార‌థాన్ – dubai couple run in the balcony marathon to beat coronavirus blues


కరోనా వైరస్ కారణంగా దుబాయలో 468 పాజిటివ్ కేసులు నమోదయ్యాయి. ఇప్ప‌టికే ఇద్ద‌రు మ‌ర‌ణించారు. క‌రోనా బాధితుల్లో స్ఫూర్తినింపేందుకు దంపతులు ఈ రేసును నిర్వ‌హించారు.

Subani Shaik |
Samayam Telugu | Updated:

క‌రోనా వైర‌స్ ప్ర‌పంచ‌వ్యాప్తంగా వ‌ణికిస్తున్న సంగ‌తి తెలిసిందే. చాలా దేశాల్లో వైర‌స్ వ్యాప్తిని అడ్డుకునేందుకు లాక్‌డౌన్‌ను ప్ర‌క‌టిస్తున్నారు. దీంతో ప్ర‌జ‌లు ఇళ్లల్లోనే ఉంటున్నారు. అయితే యూఏఈ దుబాయ్‌లోని ఓ జంట‌.. లాక్‌డౌన్ వేళ వినూత్న ప్ర‌య‌త్నం చేసింది. క‌రోనా వైర‌స్ బాధితుల్లో స్ఫూర్తినింపేందుకుగాను త‌మ బాల్కనీలోనే మార‌థాన్ రేసు (42.2 కిలోమీట‌ర్లు)ను పూర్తి చేశారు. త‌మ బాల్కానీలోని 20 మీట‌ర్ల ఖాళీ ప్ర‌దేశంలో ఈ రేసును శ‌నివారం ఉద‌యం పూర్తి చేయ‌డం విశేషం. మొత్తం 2100 ల్యాప్‌ల‌ను పూర్తి చేసిన ఈ జంట మార‌థాన్‌ను పూర్తి చేసింది.

Read Also: రీల్ కాదు..రియల్ లైఫ్ హీరో.. అక్ష‌య్‌ కుమార్పై భారత క్రికెట‌ర్ల పొగ‌డ్త‌లు

దుబాయ్‌కు చెందిన కొలిన్ అల‌న్ (41), అత‌ని భార్య హిల్డా ఈ మార‌థాన్ రేసును కేవ‌లం ఐదు గంట‌ల 9 నిమిషాల్లో పూర్తి చేసింది. ఈ రేసుకు సంబంధించిన విశేషాల‌ను తాజాగా ఈ జంట సోష‌ల్ మీడియా దిగ్గ‌జం ఇన్‌స్టాగ్రామ్‌లో పోస్టు చేసింది. ఈ రేసుకు దంప‌తుల ప‌దేళ్ల కుమార్తె గీనా స‌మ‌న్వ‌యక‌ర్త‌గా వ్య‌వ‌హ‌రించింది.

Read Also: బెడిసికొట్టిన ముంబై ట్వీట్‌.. నెటిజ‌న్ల ట్రోల్‌

మార‌థాన్‌ను ప‌రీక్షిస్తూనే, త‌న త‌ల్లిదండ్రుల‌కు స్నాక్స్‌, నీళ్ల‌ను గీనానే అందించింది. అంత‌కుముందు ఫ్రాన్స్‌లోని టౌలోస్‌కు చెందిన 32 ఏళ్ల ఎలీషా నొకోమోవిజ్ మార‌థాన్‌ను త‌న ఇంటిలోనే పూర్తి చేశాడు. ఈ రేసును త‌ను ఆరు గంట‌లా 48 నిమిషాల్లో పూర్తి చేశాడు. కేవ‌లం ఏడు మీట‌ర్ల ఖాళీ ప్ర‌దేశంలో త‌ను ఈ మార‌థాన్‌ను పూర్తి చేశాడు.

 

Telugu News App ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Web Title dubai couple run in the balcony marathon to beat coronavirus blues

(Telugu News from Samayam Telugu , TIL Network)





Source link

Leave a Reply

Your email address will not be published. Required fields are marked *