Dwayne Bravo: ధోనీ సూపర్ స్టార్‌లా ఎప్పుడూ బిహేవ్ చేయలేదు: డ్వేన్ బ్రావో – chennai super kings skipper ms dhoni doesn’t behave like a superstar: dwayne bravo


చెన్నై సూపర్ కింగ్స్ కెప్టెన్ మహేంద్రసింగ్ ధోనీ ఐపీఎల్ సమయంలో ఎప్పుడూ సూపర్ స్టార్‌లా బిహేవ్ చేయలేదని ఆ జట్టు సీనియర్ ఆల్‌రౌండర్ డ్వేన్ బ్రావో వెల్లడించాడు. 2008 నుంచి ఐపీఎల్ జరుగుతుండగా.. అప్పటి నుంచి చెన్నై కెప్టెన్‌గా కొనసాగుతున్న ధోనీ.. ఇప్పటికే ఆ టీమ్‌ని మూడు సార్లు టైటిల్ విజేతగా నిలిపాడు. అయినప్పటికీ ధోనీలో ఇసుమంత కూడా గర్వం లేదని చెప్పుకొచ్చిన బ్రావో.. టీమ్‌లో అందరూ సౌకర్యంగా ఉండేలా చూసుకుంటాడని వెల్లడించాడు. కరోనా వైరస్ కారణంగా మార్చి 29 నుంచి ప్రారంభంకావాల్సిన ఐపీఎల్ 2020 సీజన్ నిరవధికంగా వాయిదాపడిన విషయం తెలిసిందే.

‘‘మహేంద్రసింగ్ ధోనీ ఎవరిపైనా ఒత్తిడి పెంచడు. క్రికెట్ లేని సమయాల్లో అతను కనిపించడం చాలా అరుదు. కానీ.. మ్యాచ్‌ల సమయంలో మాత్రం ధోనీ రూము ఎప్పుడూ తెరిచే ఉంటుంది. ఎవరైనా సరే నిరభ్యంతరంగా అతని రూములోకి వెళ్లి మాట్లాడొచ్చు. జట్టులోనూ సౌకర్యవంతమైన వాతావారణాన్ని అతను నెలకొల్పాడు. ఎన్ని ఘనతలు సాధించినా.. ధోనీ ఎప్పుడూ సూపర్ స్టార్‌లా బిహేవ్ చేయలేదు’’ అని బ్రావో వెల్లడించాడు.

చెన్నై సూపర్ కింగ్స్ జట్టులో కొంత మంది కెప్టెన్లు కూడా మ్యాచ్‌లు ఆడారు. డుప్లెసిస్ (దక్షిణాఫ్రికా కెప్టెన్), బ్రెండన్ మెక్‌కలమ్ (న్యూజిలాండ్) ఆడే సమయంలోనూ ధోనీ హుందాగానే ప్రవర్తించాడని చెప్పుకొచ్చిన డ్వేన్ బ్రావో.. మీరు కొత్తగా ఇక్కడ నిరూపించుకోవాల్సింది ఏమీ లేదు.. మీ సహజసిద్ధమైన ఆటని ఆడండని తరచూ చెప్పేవాడని వెల్లడించాడు.



Source link

Leave a Reply

Your email address will not be published. Required fields are marked *