earphones fungus: ఇయర్ ఫోన్స్ అతిగా వాడుతున్నారా? మీ చెవులూ ఇలాగే మారిపోతాయ్, జాగ్రత్త! – black forest of fungus grows inside boy’s ear after leaving earphones in too long


రోజంతా చెవిలో ఇయర్ ఫోన్స్ పెట్టుకుని గడిపేస్తున్నారా? అయితే, జాగ్రత్త.. మీ చెవిలో ‘అడవులు’ పెరిగే ప్రమాదముంది. చాలామందికి ఇయర్ ఫోన్స్ పెట్టుకుని రోజంతా పాటలు వినడం, ఫోన్లో మాట్లాడే అలవాటు ఉంటుంది. లాక్‌డౌన్ నేపథ్యంలో ఆ అలవాటు లేనివాళ్లు కూడా ఎక్కువ సేపు ఇయర్ ఫోన్స్ పెట్టుకుంటున్నారు. ఇది ఆరోగ్యానికి మంచిది కాదని వైద్యులు హెచ్చరిస్తున్నారు. విచ్చలవిడిగా ఇయర్ ఫోన్స్ వాడితే ఏం జరుగుతుందో తెలియాలంటే.. చైనాలో చోటుచేసుకున్న ఈ ఘటన గురించి తెలుసుకోవల్సిందే.

బీజింగ్‌కు చెందిన ప‌దేళ్ల బాలుడు గత కొన్ని రోజులుగా చెవి నొప్పితో బాధపడుతున్నాడు. అయితే, సాధారణ చెవి నొప్పి అనుకున్ని ఇన్నాళ్లు మందులు వాడారు. అయితే, సమస్య మాత్రం మారలేదు. నొప్పి ఇంకా తీవ్రమైంది. దీంతో తల్లిదండ్రులు ఆ పిల్లాడిని మళ్లీ హాస్పిటల్‌కు తీసుకెళ్లారు. వైద్యులు అతడి చెవిలోకి మైక్రో కెమేరాను పంపి పరిశీలించారు.

ఆశ్చర్యం.. అతడి చెవి మొత్తం ఫంగస్‌తో నిండిపోయింది. నల్లగా భయానకంగా కనిపించిన ఆ ఫంగస్‌ను చూసి వైద్యులు కూడా షాకయ్యారు. అంత చిన్న వయస్సులో అలాంటివి రావడం చాలా ప్రమాదకరమని, వెంటనే చికిత్స చేయాలని తెలిపారు. అతడి చెవిలో పెరిగినదాన్ని ‘బ్లాక్ ఫారెస్ట్ ఆఫ్ ఫంగస్’ అంటారని, పిల్లాడు ఎక్కువ సేపు ఇయర్ ఫోన్స్ పెట్టుకోవడం వల్ల చెవిలోకి గాలి, వెలుతురు నిలిచిపోయి.. ఆ ఫంగస్ అడవిలా పెరిగిపోయిందని వైద్యులు వివరించారు.

Also Read: వేసవిలో వచ్చే ఈ వ్యాధులు యమ డేంజర్.. ఈ జాగ్రత్తలు పాటించండి

ఆ బాలుడికి చికిత్స అందించిన డాక్టర్ వు యుహువా సోషల్ మీడియాలో షేర్ చేశాడు. అతిగా ఇయర్ ఫోన్స్ వాడితే మీ చెవులు కూడా ఇలాగే పాడైపోతాయని హెచ్చరించారు. చెవులను ఎప్పుడూ మూసి ఉంచడం మంచిది కాదని, పొడిగా ఉండేలా చూసుకోవాలని సూచించారు. ఇటీవల మార్కెట్లో లభిస్తున్న వైర్‌లెస్ ఇయర్ ఫోన్స్ మరింత ప్రమాదకరమని, వాటి వల్ల రేడియేషన్‌కు గురయ్యే ప్రమాదం ఉందని తెలుపుతున్నారు.

Also Read: వడదెబ్బ ప్రాణం తీస్తుంది.. ఈ జాగ్రత్తలు పాటించండి

అలాగే, వైర్లతో పనిలేకపోవడం వల్ల వాటిని ఎక్కువ సేపు చెవికే ఉంచేస్తున్నారని, ఇది చాలా డేంజర్ అని అంటున్నారు. మీకు కూడా ఈ అలవాటు ఉంటే తగ్గించుకోండి. స్నానం చేసిన తర్వాత లేదా ముఖం కడిగిన తర్వాత చెవిలో తేమ లేకుండా శుభ్రం చేసుకోండి. చెవి పూర్తిగా డ్రైగా ఉన్నప్పుడే ఇయర్ ఫోన్స్ పెట్టుకోండి. వారంలో మూడుసార్లైనా చెవిని శుభ్రం చేసుకోండి.



Source link

Leave a Reply

Your email address will not be published. Required fields are marked *