Ebola virus: కరోనాకు తోడైన కొత్తరకం ఎబోలా వైరస్.. డబ్ల్యూహెచ్ఓ ఆందోళన – new ebola outbreak detected in northwest democratic republic of the congo


ప్రపంచమంతా కరోనా వైరస్‌తో పోరాటం చేస్తున్న వేళ.. మళ్లీ ఎబొలా వైరస్ వెలుగుచూడటం ఆందోళన కలిగిస్తోంది. తమ దేశంలో ఎబోలా వైరస్ కొత్తగా వ్యాపిస్తున్నట్టు కాంగో సోమవారం వెల్లడించింది. ఈక్వెటార్ ప్రావిన్సుల్లోని వాంగటా, ఎంబడకాలో ఎబోలా ప్రబలినట్టు కాంగో ప్రభుత్వం వెల్లడించింది. తూర్పు డెమొక్రాటిక్ రిపబ్లిక్ ఆఫ్ కాంగోలో సుదీర్ఘమైన ఎబోలా వ్యాప్తి చివరి దశలో ఉంది.. అయితే ఆ దేశం కూడా కోవిడ్-19తో పోరాడుతుంది.

కాంగో ఆరోగ్య మంత్రిత్వ శాఖ ప్రాథమిక సమాచారం ప్రకారం.. వంగటాలో ఇప్పటివరకు ఆరు ఎబోలా కేసులు నమోదుకాగా.. వారిలో నలుగురు మరణించారు. నిర్ధారణ పరీక్షలు పెరిగేకొద్దీ ఎక్కువ మందిలో వైరస్ నిర్ధారణ అయ్యే అవకాశం ఉంది. కోవిడ్-19 మాత్రమే ప్రజలు ఎదుర్కొంటున్న ఆరోగ్య సమస్య కాదని, దీనిపై మరింత అప్రమత్తంగా ఉండాలని ప్రపంచ ఆరోగ్య సంస్థ డైరెక్టర్ జనరల్ టెడ్రోస్ అధ్నామ్ ఘోబ్రియోసిస్ వ్యాఖ్యానించారు.

ఇక, 1976లో తొలిసారిగా కాంగోలో ఎబోలా వైరస్ వెలుగుచూడగా.. ప్రస్తుతం రావడం ఇది 11వ సారి. జులై 2018లో వంగాటాలో ఎబోలా వ్యాపించింది. ఈ సమయంలో ఎబోలా ప్రబలడం సవాళ్లతో కూడుకున్నది, కానీ, గత రెండేళ్లుగా ఆరోగ్య వ్యవస్థలు, ఆఫ్రికా సీడీసీ, ఇతర భాగస్వాములతో కలిసి డబ్ల్యూహెచ్ఓ పనిచేస్తోందని ఆఫ్రికా ప్రాంతీయ విభాగం డైరెక్టర్ డాక్టర్ మాట్స్‌హిడిసో మెయిటీ అన్నారు.

‘స్థానిక నాయకత్వాన్ని బలోపేతం చేయడానికి, డబ్ల్యూహెచ్ ప్రతిస్పందనను పెంచడానికి ఒక బృందాన్ని పంపాలని యోచిస్తోంది. రవాణా మార్గాల ద్వారా పొరుగు దేశాలకు ఈ కొత్త వ్యాప్తి చెందే అవవకాశం ఉన్నందున త్వరగా మేల్కోవాల్సి ఉందన్నారు. 2018 నుంచి ఎంబడకాలో డబ్ల్యూహెచ్ఓ పనిచేస్తోంది. బృందం నమూనాల సేకరణ, పరీక్షలకు మద్దతు ఇచ్చింది.. నిర్ధారణ కొరకు జాతీయ ప్రయోగశాలకు ఏర్పాటుచేసి, కాంటాక్ట్ ట్రేసింగ్ నిర్వహిస్తోంది.



Source link

Leave a Reply

Your email address will not be published. Required fields are marked *