ECB: వాటి కోసం భారీగా ఖ‌ర్చు చేయ‌నున్న ఈసీబీ – coronavirus update: ecb will spend nearly rs 1 cr on hand sanitisers to host 18 international cricket matches


కరోనా వైరస్ విస్తరణ కారణంగా ఆగిపోయిన క్రికెట్ కార్య‌క‌లాపాల‌ను ఇంగ్లాండ క్రికెట్ బోర్డు (ఈసీబీ) పున‌:ప‌్రారంభించాల‌ని ప్ర‌య‌త్నిస్తున్న సంగ‌తి తెలిసిందే. ఈక్ర‌మంలోనే వ‌చ్చేవారంలో క్రికెట‌ర్ల‌కు ట్రైనింగ్‌ను స్టార్ట్ చేయాల‌ని నిర్ణ‌యించింది. మ‌రోవైపు ఈ ఏడాది స‌మ్మ‌ర్ సీజ‌న్‌లో 18 అంత‌ర్జాతీయ మ్యాచ్‌ల‌ను నిర్వ‌హించాల‌ని ఈసీబీ యోచిస్తోంది. క‌ట్టుదిట్ట‌మైన ప‌రిస్థితుల్లో నిర్వ‌హించే ఈ మ్యాచ్‌ల‌కు శానిటైజ‌న్ కోస‌మే కోటి రూపాయ‌ల‌ను వెచ్చించ‌నున్న‌ట్లు తెలుస్తోంది. ప్రస్తుత పరిస్థితుల్లో ప్లేయర్ల ఆటగాళ్ల భద్రతే ముఖ్యమని పేర్కొంది.


ప్ర‌స్తుతానికి ప్లేయ‌ర్ల ట్రైనింగ్‌కే ప‌రిమిత‌మైన ఈసీబీ.. అన్నీ అనుకున్న‌ట్లు జ‌రిగితే వ‌చ్చే జూలైలో వెస్టిండీస్‌తో ద్వైపాక్షిక టెస్టు సిరీస్‌ను నిర్వ‌హించాల‌ని భావిస్తోంది. ఖాళీ స్టేడియాల్లో మ్యాచ్‌ల‌ను నిర్వ‌హించ‌డం ద్వారా క‌రోనా ముప్పును త‌ప్పించుకోవ‌చ్చ‌ని ఈసీబీ అధికారులు యోచిస్తున్నారు.


ఇక ఆతిథ్య‌జ‌ట్టుతోపాటు ప్ర‌త్య‌ర్థి ప్లేయ‌ర్లకు మ్యాచ్ అధికారుల‌కు, స‌హాయ‌క సిబ్బందికి శానిటైజర్ల‌ను ఇవ్వ‌నున్న‌ట్లు తెలుస్తోంది. వీటితోపాటు క్రికెట్ టీమ్‌ల‌కు వ‌స‌తి, ప్ర‌యాణ ఖ‌ర్చులు త‌దిత‌రం అద‌నంగా బోర్డు భరించనుంది. ప్రేక్ష‌కులు లేక‌పోవ‌డంతో టికెట్ల ద్వారా ఆదాయం లేకపోవడంతో ప్ర‌సార హ‌క్కుల‌పైనే ఈసీబీ ఆశ‌లు పెట్టుకుంది.



Source link

Leave a Reply

Your email address will not be published. Required fields are marked *