ecommerce companies: రెడ్ జోన్లలోనూ ఈ కామర్స్ ‘నాన్-ఎసెన్షియల్స్’ డెలివరీ – e-commerce delivery non-essentials allowed for red zones


లాక్ డౌన్ లో నాన్–ఎసెన్షియల్ గూడ్స్ డెలివరీకి అనుమతి ఇవ్వాలని ఈ–కామర్స్ దిగ్గజాలు అమెజాన్ ఇండియా, ఫ్లిప్ కార్ట్ కేంద్ర ప్రభుత్వాన్ని కోరాయి. దీంతో ప్రభుత్వం తాజాగా లాక్ డౌన్ 4.0లో కొన్ని సడలింపులు చేసింది. రెడ్ జోన్లలో నాన్ ఎసెన్షియల్ గూడ్స్ డెలివరీకి అనుమతి ఇచ్చింది. కరోనా లాక్ డౌన్ సమయంలో ఈ కామర్స్ కంపెనీలకు ఊరట లభించింది. ఇకపై రెడ్ జోన్లలోనూ నాన్ ఎసెన్షియల్ వస్తువుల డెలివరీకి కేంద్రం గ్రీన్ సిగ్నల్ ఇచ్చేసింది. ఇప్పటివరకూ కంటైన్మెంట్ జోన్లు బయట మాత్రమే నిత్యావసర, నిత్యావసరేతర సరుకులను డెలివరీ చేసేందుకు అనుమతి ఉండేది. అయితే ఇప్పటినుంచి రెడ్ జోన్లలో కూడా నిత్యావసరేతర సరకుల డెలివరీకి అనుమతినిచ్చింది. గ్రీన్, ఆరెంజ్ జోన్లలోనూ నిత్యావసర వస్తువులకు మాత్రమే అనుమితినిచ్చింది. దేశవ్యాప్తంగా మూడోసారి లాక్ డౌన్ గడువును మే 31 వరకు పొడిగిస్తున్నట్టు కేంద్రం ప్రకటించింది.

తమకు అనుమతినిస్తే ప్రాడక్ట్స్ ను సేఫ్ గా, సెక్యూర్ గా సోషల్ డిస్టెన్స్ పాటిస్తూ డెలివర్ చేస్తామని ఇప్పటికే ఈ కామర్స్ దిగ్గజాలు పేర్కొన్నాయి. ఈ–కామర్స్ ను అనుమతించి కరోనా మహమ్మారిపై పోరులో తమకూ భాగస్వామ్యం కల్పించాలని అమెజాన్ ఇండియా గవర్నమెంట్ కు విజ్ఞప్తి చేసింది. ఎమ్ ఎస్ ఎమ్ ఈపై పడే భారాన్ని తగ్గించడంలో ఈ–కామర్స్ దోహదపడుతుందని, డెలివరీలను రోబస్ట్ సేఫ్టీ ఏవోపీతో సురక్షితంగా డెలివరీ చేస్తామని ఫ్లిప్ కార్ట్ కోరింది. దీంతో ఈ–కామర్స్ కంపెనీలు మొబైల్ ఫోన్స్, రిఫ్రిజిరేటర్స్, ల్యాప్ టాప్స్, ఫోన్స్ ఏసీలు లాంటి వాటిని ఇప్పుడు రెడ్ జోన్లలో కూడా డెలివరీ చేయవచ్చు. దీంతో ఈ కామర్స్ దిగ్గజాలకు ఊరట లభించింది.

భారతదేశంలో అంతర్జాతీయంగా తన వ్యాపారంపై కరోనావైరస్ మహమ్మారి పెను ప్రభావాన్ని చూపిందని తెలిపింది అమెజాన్. లాక్‌డౌన్ కారణంగా దేశంలో బలమైన ఉనికిని కలిగి ఉన్న ఇ-కామర్స్ దిగ్గజం అమెజాన్ తన వ్యాపారాన్ని కిరాణా వంటి ముఖ్యమైన వస్తువులకు తాత్కాలికంగా ఒప్పందం కుదుర్చుకుంది. అయితే కేంద్రం అనుమతి ఇచ్చినా.. బాల్ మాత్రం రాష్ట్రాల కోర్టులో ఉంది. రాష్ట్రాలు అనుమతిస్తేనే రెడ్ జోన్లలో సైతం… నాన్ ఎసెన్షియల్ గూడ్సుకు అనుమతి లభిస్తోంది. ఏదిఏమైనా సెలూన్లు, మాల్స్ తెరిచేందుకు అనుమతి లేదు. మూడో దశ లాక్ డౌన్ సమయంలో బార్బర్ షాపులు, సెలూన్లను కూడా గ్రీన్, ఆరెంజ్ జోన్లలో తెరిచేందుకు అనుమతి ఉంది. మార్చి 25 లాక్ డౌన్ ప్రారంభమైనప్పటి నుంచి నిత్యావసర వస్తువులను మాత్రమే అనుమతి ఉంది.



Source link

Leave a Reply

Your email address will not be published. Required fields are marked *