economic package: కేంద్ర నుంచి రూ.లక్ష కోట్ల ప్యాకేజీ రెడీ.. నిర్మలమ్మ వద్దకు ఫైల్! – modi government working on ₹1 tn package for msmes, says nitin gadkari


ప్రధానాంశాలు:

  • ఎంఎస్ఎంఈలకు ప్రత్యేక ఆర్థిక ప్యాకేజీ
  • ఆర్థిక శాఖ వద్దకు ప్రతిపాదనలు
  • కేంద్ర మంత్రి నితిన్ గడ్కరీ వెల్లడి

కరోనా వైరస్ దెబ్బకి ఆర్థిక వ్యవస్థ కుప్పకూలుతోంది. దాదాపు అన్ని రంగాలపై ప్రతికూల ప్రభావం పడుతోంది. దీంతో ఇప్పటికే రూ.1.7 లక్షల కోట్లతో ఆర్థిక ప్యాకేజ్ ప్రకటించిన మోదీ సర్కార్ ఇప్పుడు కొత్త ఆర్థిక ప్యాకేజ్‌పై పనిచేస్తోంది. ఈసారి ప్రభుత్వం ప్రకటించబోయే రిలీఫ్ ప్యాకేజ్ రూ.లక్ష కోట్లుగా ఉండనుంది. దీని ద్వారా సూక్ష్మ స్థూల మధ్యతరహా పరిశ్రమలకు (ఎంఎస్ఎంఈ) కేంద్రం ఊరట కలిగించనుంది.

అంతేకాకుండా కేంద్ర ప్రభుత్వం ఎంఎస్ఎంఈ నిర్వచనం కూడా మార్చాలనే యోచనలో ఉంది. ఇప్పటికే దీనికి సంబంధించిన ప్రక్రియ కూడా పూర్తియ్యింది. అయితే ఈ అంశంపై ప్రధాని మోదీ వద్ద పెండింగ్‌లో ఉంది. రూ.లక్ష కోట్ల ప్యాకేజీపై కేంద్రం పనిచేస్తోందని అసోచామ్ నిర్వహించిన వీడియో కాన్ఫరెన్స్‌లో కేంద్ర మంత్రి నితిన్ గడ్కరీ తెలిపారు.

Also Read: రోజుకు రూ.287 కోట్ల సంపాదన… ఆయనకు కరోనాతో కాసుల వర్షం!

‘కొత్త ఆర్థిక ప్యాకేజీకి సంబంధించిన కొత్త స్కీమ్‌ను త్వరలోనే ఫైనలైజ్ చేస్తాం. తర్వాత వెంటనే ఈ ప్యాకేజీని ఆర్థిక మంత్రిత్వ శాఖకు పంపిస్తాం. ఆర్థిక శాఖ ఆమోదం అనంతరం ఆర్థిక ప్యాకేజీ వివరాలు వెల్లడిస్తాం. దీంతో వ్యవస్థలో లిక్విడిటీ పెరుగుతుంది’ అని నితిన్ గడ్కరీ తెలిపారు.

అంతేకాకుండా కేంద్ర ఆర్థిక మంత్రి నిర్మలా సీతారామన్‌కు నితిన్ గడ్కరీ మరో సూచన కూడా చేశారు. ట్యాక్స్ రిఫండ్స్‌ను వెంటనే ప్రాసెస్ చేయాలని పేర్కొన్నారు. రిటర్న్స్ దాఖలు చేసిన ఎనిమిది రోజుల్లోనే రిఫండ్ చెల్లించాలని తెలిపారు. ఇకపోతే పరిశ్రమ వర్గాలు ప్రభుత్వ డిపార్ట్‌మెంట్స్, పబ్లిక్ సెక్టార్ సంస్థల చెల్లించాల్సిన బకాయిలను కేంద్రం క్లియర్ చేయాలని కోరుతున్నాయి.



Source link

Leave a Reply

Your email address will not be published. Required fields are marked *