EMI moratorium : ఇప్పుడు 2 ఈఎంఐలు కట్టకపోతే.. తర్వాత 15 ఈఎంఐలు కట్టాలి.. జాగ్రత్త! – loan moratorium: missing 2 instalments may extend your home loan tenure by 15 months


రిజర్వు బ్యాంక్ ఆఫ్ ఇండియా (RBI) లోన్ తీసుకున్న వారికి 3 నెలల మారటోరియం వెసులుబాటు కల్పించాలని బ్యాంకులను ఆదేశించింది. చాలా బ్యాంకులు వాటి కస్టమర్లకు ఈ ప్రయోజనాన్ని అందిస్తున్నాయి. అయితే ఇక్కడ ఒక విషయాన్ని గుర్తు పెట్టుకోవాలి. మీరు ఈఎంఐ మారటోరియం ఆప్షన్ ఎంచుకుంటే.. 3 నెలలకు చెల్లించని మొత్తంపై (అసలు, వడ్డీ) వడ్డీ పడుతూనే వస్తుంది.


మీరు ఈఎంఐ మారటోరియం ఆప్షన్ ఎంచుకుంటే.. మీ హోమ్ లోన్ టెన్యూర్ 1-15 నెలలు పెరిగే అవకాశముంది. లేదంటే ఈఎంఐ మొత్తం 1.5 శాతం పెరగొచ్చు. మారటోరియం ముగిసిన తర్వాత లోన్ తీసుకున్న వారికి మూడు ఆప్షన్లు అందుబాటులో ఉండొచ్చు. ఆ మూడు ఆప్షన్లు ఏంటివో ఒకసారి చూద్దాం.

Also Read: రైల్వే ప్రయాణికులకు షాక్.. ట్రైన్స్ ఇప్పట్లో తిరిగేలా లేవు!

ఆప్షన్ 1: మీ బ్యాంక్ మారటోరియం కాలంలో మీరు చెల్లించాల్సిన మొత్తాన్ని ఒకేసారి కట్టే ఆప్షన్ అందించొచ్చు. జూన్ నెలలో ఈ మూడు నెలల అసలు, వడ్డీ చెల్లించాల్సి ఉంటుంది.

ఆప్షన్ 2: ఈ మూడు నెలల కాలంలో మీరు చెల్లించని మొత్తంపై పడే వడ్డీని అసలుకు కలిపి మీ ఈఎంఐ మొత్తాన్ని పెంచొచ్చు.

ఆప్షన్ 3: ఈఎంఐ మొత్తం స్థిరంగానే ఉండొచ్చు. అయితే మీ లోన్ టెన్యూర్ పెరిగే ఛాన్స్ ఉంది.

ఈ మూడు ఆప్షన్‌లో మిగిలి ఉన్న లోన్ టెన్యూర్, వడ్డీ రేటు అంశంపై ఆధారపడి అదనపు ఈఎంఐలు ఆధారపడతాయి. ఉదాహరణకు మీరు రూ.30 లక్షల లోన్ తీసుకున్నారు. వడ్డీ రేటు 8.5 శాతం. లోన్ టెన్యూర్ 25 ఏళ్లు. మిగిలి ఉన్న లోన్ టెన్యూర్ 24. ఇప్పుడు మీ ఈఎంఐ రూ.24,157.

Also Read: గుడ్ న్యూస్.. గ్యాస్ సిలిండర్ డబ్బులు పూర్తిగా వెనక్కి.. వారికి మాత్రమే ఈ బెనిఫిట్!

ఇప్పుడు మీరు ఏప్రిల్, మే నెల ఈఎంఐ కట్టకూడదని భావించారు. అప్పుడు వడ్డీ మొత్తం రూ.41,964 అవుతుంది. అసలు రూ.6350. వడ్డీ, అసలు జూన్ నెలలో మీ లోన్ అమౌంట్‌కు (రూ.29,60,563) యాడ్ అవుతుంది. అంటే ఇప్పుడు మీ ఔట్‌స్టాండింగ్ అమౌంట్ రూ.30,08,877 అవుతుంది.

మీరు ఆప్షన్ 1 ఎంచుకుంటే మారటోరియం పీరియడ్‌లోని వడ్డీతోపాటు రూ.48,314 చెల్లించాల్సి వస్తుంది. అదే ఆప్షన్ 2 ఎంపిక చేసుకుంటే.. అప్పుడు లోన్ టెన్యూర్ స్థిరంగా ఉంటుంది. కానీ ఈఎంఐ మాత్రం రూ.24,157 నుంచి రూ.24,525కు పెరుగుతుంది. అదే ఆప్షన్ 3 ఎంచుకుంటే.. ఈఎంఐ స్థిరంగా ఉంటుంది. కానీ లోన్ టెన్యూర్ 15 నెలలు పెరుగుతుంది.





Source link

Leave a Reply

Your email address will not be published. Required fields are marked *