ENG vs IRE 1st ODI Highlights: సూపర్ లీగ్‌లో ఇంగ్లాండ్ బోణి.. ఐర్లాండ్‌పై తొలి వన్డేలో అలవోక గెలుపు – odi super league: england beat ireland by six wickets in 1st odi


భారత్ వేదికగా 2023లో జరగనున్న వన్డే ప్రపంచకప్‌కి అర్హత సాధించాలంటే.. తాజాగా ఐసీసీ ప్రారంభించిన సూపర్ లీగ్‌లో జట్లు సత్తాచాటాల్సిందే. వరల్డ్‌కప్‌లో మొత్తం 10 జట్లు బరిలోకి దిగనుండగా.. ఆతిథ్య హోదాలో టీమిండియా‌కి డైరెక్ట్‌గా ఎంట్రీ లభిస్తుంది. మిగిలిన 9 స్థానాల కోసం సూపర్ లీగ్‌లో మూడేళ్లపాటు పోటీపడనున్న జట్లు.. సొంతగడ్డపై నాలుగు, విదేశీ గడ్డపై నాలుగు సిరీస్‌లు ఆడనున్నాయి. ఒక్కో సిరీస్‌లో మూడు వన్డేలు ఉండనున్నాయి.

సూపర్ లీగ్‌‌లో భాగంగా ఐర్లాండ్‌తో సౌథాంప్టన్ వేదికగా జరిగిన తొలి వన్డేలో ఇంగ్లాండ్ 6 వికెట్ల తేడాతో అలవోక విజయాన్ని అందుకుని.. బోణి కొట్టింది. మ్యాచ్‌లో టాస్ గెలిచిన ఇంగ్లాండ్ టీమ్ కెప్టెన్ ఇయాన్ మోర్గాన్ ఫీల్డింగ్ ఎంచుకోగా.. తొలుత బ్యాటింగ్ చేసిన ఐర్లాండ్ జట్టు పేలవంగా 172 పరుగులకే కుప్పకూలిపోయింది. ఆ జట్టులో కర్టీస్ క్యాంపెర్ (59 నాటౌట్: 118 బంతుల్లో 4×4) హాఫ్ సెంచరీతో ఆకట్టుకోగా.. ఆండీ మెక్‌బ్రైన్ (40: 48 బంతుల్లో 3×4, 1×6) ఫర్వాలేదనిపించాడు. ఇంగ్లాండ్ బౌలర్లలో డేవిడ్ విల్లీ (5/30) వరుస ఓవర్లలో వికెట్లు పడగొట్టి ఐర్లాండ్‌ని ఆరంభంలోనే ఒత్తిడిలోకి నెట్టగా.. మహ్మద్ (2/36), ఆదిల్ రషీద్ (26/1), టామ్ కుర్రాన్ (1/37) అతనికి సపోర్ట్‌గా నిలిచారు. సిమీ సింగ్ (0) రనౌట్‌గా వెనుదిరిగాడు. మొత్తంగా.. 44.4 ఓవర్లలోనే ఐర్లాండ్ ఇన్నింగ్స్ ముగిసింది.

అనంతరం లక్ష్యఛేదనలో ఇంగ్లాండ్ ఓపెనర్లు జేసన్ రాయ్ (24), జానీ బెయిర్ స్టో (2) నిరాశపరిచినా.. శామ్ బిల్లింగ్స్ (67 నాటౌట్: 54 బంతుల్లో 11×4), ఇయాన్ మోర్గాన్ (36 నాటౌట్: 40 బంతుల్లో 4×4, 2×6) జోడీ దూకుడుగా ఆడటంతో ఇంగ్లాండ్ టీమ్ లక్ష్యాన్ని 27.5 ఓవర్లలోనే 174/4తో ఛేదించింది. మ్యాచ్‌లో 5 వికెట్లు పడగొట్టిన ఇంగ్లాండ్ బౌలర్ డేవిడ్ విల్లీ ‘మ్యాన్ ఆఫ్ ద మ్యాచ్‌’గా నిలిచాడు. ఇక రెండో వన్డే సౌథాంప్టన్ వేదికగానే ఆగస్టు 1న జరగనుంది.



Source link

Leave a Reply

Your email address will not be published. Required fields are marked *