england: ఇంగ్లాండ్‌లో జులై 1 వరకూ క్రికెట్ బంద్ – coronavirus: no cricket in england till july 1


కరోనా వైరస్ క్రీడారంగాన్ని కుదిపేస్తోంది. ఇప్పటికే టోక్యో వేదికగా ఈ ఏడాది జరగాల్సిన ఒలింపిక్స్ వచ్చే ఏడాదికి వాయిదాపడగా.. ప్రతిష్ఠాత్మక వింబుల్డన్‌ టోర్నీ కూడా వాయిదాపడింది. ఇక ప్రపంచవ్యాప్తంగా క్రికెట్ సిరీస్‌లన్నీ వాయిదాపడగా.. కరోనా వైరస్‌ ప్రభావం అధికంగా ఉన్న యూకే‌‌లో అయితే జులై 1 వరకూ క్రికెట్‌ని రద్దు చేస్తున్నట్లు ఇంగ్లాండ్ అండ్ వేల్స్ క్రికెట్ బోర్డు (ఈసీబీ) ప్రకటించింది.

వాస్తవానికి కరోనా వైరస్ వ్యాప్తి గత నెలలోనే పతాకస్థాయికి చేరడంతో దేశంలో క్రికెట్‌ని మే 29 వరకూ రద్దు చేసిన ఈసీబీ.. పరిస్థితులు ఇంకా అదుపులోకి రాకపోవడంతో తాజాగా జూలై 1 వరకూ ఆ గడువుని పొడిగించింది. దీంతో.. ఇంగ్లాండ్, వెస్టిండీస్ మధ్య జరగాల్సి సిరీస్ ఆటోమేటిక్‌గా వాయిదాపడింది. శనివారానికి యూకేలో కరోనా వైరస్ పాజిటివ్ కేసుల సంఖ్య లక్షన్నరకి చేరువైంది.

ఇంగ్లాండ్‌లోనే కాదు.. భారత్‌లోనూ ఇప్పట్లో క్రికెట్ జరిగే సూచనలు కనిపించడం లేదు. మార్చి 29 నుంచి ఐపీఎల్ 2020 సీజన్ ప్రారంభంకావాల్సి ఉండగా.. ఇటీవల టోర్నీని నిరవధికంగా వాయిదా వేస్తూ బీసీసీఐ నిర్ణయం తీసుకుంది. కరోనా వైరస్ కారణంగా ఆస్ట్రేలియా వేదికగా అక్టోబరులో జరగాల్సిన టీ20 వరల్డ్‌కప్ కూడా వాయిదాపడే సూచనలు కనిపిస్తున్నాయి.



Source link

Leave a Reply

Your email address will not be published. Required fields are marked *