england vs west indies 2020: వెస్టిండీస్‌తో జులైలో టెస్టు సిరీస్‌కి ఇంగ్లాండ్ గ్రీన్‌సిగ్నల్ – eng vs wi 2020: england confirm west indies test series for july


వెస్టిండీస్‌తో సొంతగడ్డపై జులైలో మూడు టెస్టుల సిరీస్ ఆడేందుకు ఇంగ్లాండ్ వేల్స్ క్రికెట్ బోర్డు (ఈసీబీ) అంగీకారం తెలిపింది. స్టేడియాల్లోకి ప్రేక్షకుల్ని అనుమతించకుండా సిరీస్‌ని నిర్వహించుకోవచ్చని బ్రిటీష్ ప్రభుత్వం పర్మీషన్ ఇవ్వడంతో.. ఈసీబీ షెడ్యూల్‌ని కూడా ప్రకటించేసింది. జులై 8న ప్రారంభంకానున్న ఈ సిరీస్.. 28తో ముగియనుంది.

వాస్తవానికి షెడ్యూల్ ప్రకారం జూన్‌లో ఈ సిరీస్ జరగాల్సి ఉంది. కానీ.. కరోనా వైరస్ కారణంగా షెడ్యూల్‌ని మార్చిన ఈసీబీ.. రెండు వేదికల్లోనే మూడు టెస్టులు నిర్వహించబోతోంది. జులై 8 నుంచి 12 వరకూ ఏజెస్ బౌల్ గ్రౌండ్‌లో తొలి టెస్టు మ్యాచ్ జరగనుండగా.. జులై 16 నుంచి 20 మధ్య రెండో టెస్టు, 24 నుంచి 28 వరకూ మూడో టెస్టు మ్యాచ్‌ మాంచెస్టర్ వేదికగా జరగనున్నాయి.

ఇంగ్లాండ్‌లో క్వారంటైన్ నిబంధనల ప్రకారం.. సిరీస్‌ కంటే నెల రోజుల ముందే అక్కడికి వెస్టిండీస్ క్రికెట్ జట్టు అక్కడికి వెళ్లాల్సి ఉంటుంది. ఫస్ట్ 14 రోజుల పాటు క్వారంటైన్‌లో ఉన్న విండీస్ టీమ్ .. అక్కడే ప్రాక్టీస్ సెషన్‌ని కూడా పూర్తి చేసుకుని అనంతరం ఫస్ట్ టెస్టు మ్యాచ్ వేదిక వద్దకి ఒక్క రోజు ముందు మాత్రమే వెళ్లే సూచనలు కనిపిస్తున్నాయి.



Source link

Leave a Reply

Your email address will not be published. Required fields are marked *