english medium in ap: హైకోర్టు నిర్ణయంపై ఏపీ సర్కార్ సవాల్.. సుప్రీంకోర్టులో పిటిషన్ – ap govt challenges high court verdict and went to supreme court over english medium issue


రాష్ట్రంలో ఇంగ్లీష్ మీడియం స్కూళ్ల విషయంలో హైకోర్టు ఇచ్చిన ఆదేశాలను ఏపీ ప్రభుత్వం సుప్రీంకోర్టులో సవాలు చేసింది. ఇంగ్లీష్ మీడియం పైన హైకోర్టు రద్దు చేసిన జీవోలను వెంటనే పునరుద్ధరించాలని కోరింది. రాష్ట్రంలో పూర్తిగా ఇంగ్లీష్ మీడియం అమలుపై ఆంధ్రప్రదేశ్ ప్రభుత్వం గతంలో రెండు జీవోలు 81, 85లను జారీ చేసిన సంగతి తెలిసిందే. తెలుగు మీడియం లేకుండా కేవలం ఇంగ్లీష్ మాత్రమే ఉండేలా జీవో జారీ చేయడాన్ని వ్యతిరేకిస్తూ గతంలో కొంత మంది ఆంధ్రప్రదేశ్ హైకోర్టును ఆశ్రయించారు. పేద విద్యార్థుల కోసమే ఇంగ్లీష్‌ మీడియం తప్పనిసరి చేస్తున్నామన్న ప్రభుత్వం తెలిపింది.

దీనిపై వాదప్రతివాదాలు విన్న అనంతరం ఏపీ హైకోర్టు ప్రభుత్వం జారీ చేసిన రెండు జీవోలను రద్దు చేస్తూ తీర్పు వెలువరించింది. మాతృభాషలోనే ప్రాథమిక విద్య సాగాలని హైకోర్టు అభిప్రాయపడింది. ప్రభుత్వం జారీ చేసిన జీవోలను హైకోర్టు కొట్టివేసింది. అయితే, తాజాగా హైకోర్టు తీర్పును సవాల్‌ చేస్తూ ఏపీ ప్రభుత్వం సుప్రీంకోర్టును ఆశ్రయించడం ప్రాధాన్యం సంతరించుకుంది. 80 శాతానికి పైగా విద్యార్థుల తల్లిదండ్రులు ఇంగ్లీష్‌ మీడియాన్ని కోరుకుంటున్నారని.. ప్రజల ఆకాంక్షల మేరకే ఇంగ్లీష్ మీడియం తప్పనిసరి చేశామని సుప్రీంకోర్టులో దాఖలు చేసిన పిటిషన్‌ పేర్కొంది. మారుతున్న పరిస్థితులకు అనుగుణంగా ఇంగ్లీష్ మీడియం తప్పనిసరి అయిందని ఆంధ్రప్రదేశ్ ప్రభుత్వం పిటిషన్‌లో వివరించింది.



Source link

Leave a Reply

Your email address will not be published. Required fields are marked *