EPFO pension: ఈపీఎఫ్‌వో గుడ్ న్యూస్.. కరోనా కష్టకాలంలో 65 లక్షల మందికి ప్రయోజనం! – epfo pensioners to get enhanced pension, check details inside


ప్రధానాంశాలు:

  • ఈపీఎఫ్‌వో పెన్షనర్లకు తీపికబురు
  • పెన్షన్ కమ్యుటేషన్ రిస్టోరేషన్ నిధుల విడుదల
  • రూ.900 కోట్లకు పైగా రిలీజ్ చేసిన ఈపీఎఫ్‌వో

ఎంప్లాయీస్ ప్రావిడెంట్ ఫండ్ ఆర్గనైజేషన్ (ఈపీఎఫ్‌వో) తాజాగా తన పెన్షనర్లకు శుభవార్త అందించింది. పెన్షన్ కమ్యుటేషన్ ఆప్షన్ ఎంచుకున్న వారికి తీపికబురు తీసుకువచ్చింది. వీరికి రూ.868 కోట్ల పెన్షన్ డబ్బులను విడుదల చేసింది. అంతేకాకుండా రూ.105 కోట్ల ఎరియర్స్‌ను కూడా రిలీజ్ చేసింది.

వర్కర్లు ఎప్పటి నుంచో పెన్షన్ రిస్టోరేషన్ కమ్యుటేషన్ కోసం డిమాండ్ చేస్తూ వస్తున్నారు. దీనికి సెంట్రల్ బోర్డు ఆఫ్ ట్రస్టీస్ ఇటీవలనే అంగీకారం తెలిపింది. ఇప్పుడు తాజాగా ఈ మేరకు ఈపీఎఫ్‌వో పెన్షనర్లకు నిధులను విడుదల చేసింది. దీంతో పెన్షన్ కమ్యూటేషన్ ఆప్షన్ ఎంచుకున్న వారికి ప్రయోజనం కలుగనుంది.

Also Read: బంగారం ధర పరుగు.. వెండి జిగేల్.. ఈరోజు రేట్లు ఇవే!

గతంలో పెన్షన్ కమ్యూటేషన్ రిస్టోరేషన్ ఆప్షన్ అందుబాటులో ఉండేది కాదు. దీంతో పెన్షన్ కమ్యూటేషన్ కింద డబ్బులు తీసుకున్న వారికి జీవితాంతం తక్కువ పెన్షన్ వచ్చేది. అయితే ఇప్పుడు పెన్షన్ కమ్యూటేషన్ ఆప్షన్ ఎంచుకున్న వారికి 15 ఏళ్ల తర్వాత మళ్లీ పూర్తి స్థాయి పెన్షన్ లభిస్తుంది. దీంతో 65 లక్షల మందికి పైగా ఈపీఎఫ్‌వో పెన్షనర్లకు ప్రయోజనం కలుగుతుంది.

Also Read: SBI నుంచి లోన్ తీసుకున్నారా? ఆ తప్పు చేస్తే రూ.లక్షల్లో నష్టం.. జాగ్రత్త!

రిటైర్మెంట్ సమయంలో ఉద్యోగి ‘కమ్యుటేషన్ ఆఫ్ పెన్షన్’ ఆప్షన్ ఎంచుకుంటే.. పెన్షన్ మొత్తంలో కొంత భాగాన్ని ఒకేసారి చెల్లిస్తారు. మిగతా మొత్తం పెన్షన్ రూపంలో అందజేస్తారు. అయితే ఇక్కడ పెన్షన్ మొత్తం తగ్గుతుంది. ఉదాహరణకు మీకు నెలకు రూ.35,000 పెన్షన్ వస్తోందనుకుంటే.. కమ్యూటేషన్ ఆప్షన్ ఎంచుకుంటే మీకు రూ.29,000 పెన్షన్ వస్తుంది. పెన్షన్ కమ్యుటేషన్ రిస్టోరేషన్ వల్ల పెన్షన్‌ పూర్తి విలువను 15 ఏళ్ల తర్వాత పునరుద్ధరిస్తారు. అంటే 15 ఏళ్ల తర్వాత మళ్లీ పూర్తి పెన్షన్ పొందొచ్చు.

కాగా కేంద్ర ప్రభుత్వం తీసుకున్న పెన్షన్ కమ్యుటేషన్ పునరుద్ధరణ నిర్ణయం కేవలం కొంత మందికి మాత్రమే వర్తిస్తుంది. 2008 సెప్టెంబర్ 26కు ముందు పదవీ విరమణ చేసిన వారికే ఈ కొత్త ప్రయోజనం అందుబాటులో ఉంటుంది. అలాగే వీరు రిటైర్మెంట్ సమయంలో కమ్యుటేషన్ ఆప్షన్ ఎంచుకొని ఉండాలి.



Source link

Leave a Reply

Your email address will not be published. Required fields are marked *