exams dates in telangana: తెలంగాణలో పరీక్షల నిర్వహణపై క్లారిటీ.. డిగ్రీ వాళ్లకి కాస్త ఊరట – papi reddy clarifies exams in telangana state amid lockdown


తెలంగాణలో సెట్ పరీక్షలు సహా డిగ్రీ పరీక్షల నిర్వహణపై రాష్ట్ర ఉన్నత విద్యామండలి ఛైర్మన్ పాపిరెడ్డి స్పందించారు. ఈ మేరకు బుధవారం ఆయన కొన్ని న్యూస్ ఛానెళ్లతో విడివిడిగా మాట్లాడారు. గతంలో ప్రకటించిన మాదిరిగా మే 3 తర్వాత లాక్ డౌన్ ఎత్తి వేసేటట్లయితే, మే నెలాఖరు నుంచి ఎంసెట్ వంటి సెట్ పరీక్షలను నిర్వహించేందుకు ప్రయత్నించే వాళ్లమని చెప్పారు. కానీ, తాజాగా లాక్ డౌన్‌ను మే 7 వరకూ పొడిగించడం.. ఆ తర్వాత కూడా పరిస్థితులు సాధారణంగా మారతాయా లేదా అనే సందేహాలు ఉన్న నేపథ్యంలో ప్రభుత్వంతో చర్చించి సెట్ పరీక్షలు నిర్వహిస్తామని పాపిరెడ్డి చెప్పారు.

మే 7 తర్వాత కూడా లాక్ డౌన్ ఎత్తి వేయకపోతే ఈ సారి విద్యా సంవత్సరం ఒకటి రెండు నెలలు అలస్యం కావచ్చని చెప్పారు. ప్రస్తుత అసాధారణ పరిస్థితుల్లో డిగ్రీ విద్యార్థులకు డిటెన్షన్‌ విధానాన్ని రద్దు చేస్తున్నామని అన్నారు. ఒకటి రెండో సంవత్సరాల్లో విద్యార్థులు ఫెయిల్ అయినా.. తర్వాతి ఏడాదికి ప్రమోట్ చేస్తామని చెప్పారు.

Also Read:

ఏడాది పాటు కరోనా కష్టాలు! నిపుణులు ఏం చెబుతున్నారంటే..

ఒకవేళ మే నెల మొత్తం లాక్‌డౌన్‌ ఉంటే జూన్‌ మూడు, నాలుగు వారాల్లో పరీక్షలు నిర్వహిస్తాం. డిగ్రీ స్థాయి పరీక్షలు కూడా అప్పుడే నిర్వహిస్తాం. ఇప్పటి వరకు పూర్తయిన సిలబస్‌ ప్రకారమే పరీక్షలు ఉంటాయి. విద్యార్థుల సిలబస్‌ కోసం కాలేజ్‌లతో మాట్లాడుతున్నాం. ఆన్‌లైన్‌ తరగతులు కూడా నిర్వహిస్తాం. కామన్‌ టెస్ట్‌ల తర్వాత కొత్త విద్యా సంవత్సరం నెల, రెండు నెలలు ఆలస్యం అయ్యే అవకాశం ఉంటుంది’’ అని పాపిరెడ్డి వెల్లడించారు.

ప్రైవేటు యాజమాన్యాలు అధ్యాపకులకు వేతనాలు పూర్తిగా చెల్లించాలని, నిబంధనలకు విరుద్ధంగా ఉద్యోగం నుంచి తొలగిస్తే కఠిన చర్యలు తీసుకుంటామని పాపిరెడ్డి తెలిపారు. అయితే, కామన్ ‌ఎంట్రన్స్‌ టెస్ట్‌లకు ఇప్పటికే ఏర్పాట్లు పూర్తి చేసినట్లు ఉన్నత విద్యామండలి ఛైర్మన్‌ పాపిరెడ్డి తెలిపారు.



Source link

Leave a Reply

Your email address will not be published. Required fields are marked *