Eye donation: బ్రతికి ఉన్నప్పుడే కళ్ళు దానం చేయొచ్చా.. – myths and facts on eye donation check here the reality


కంటి మార్పిడి

కంటి ముందు భాగంలో ఉండే కార్నియా అనే పారదర్శక కణజాలం కంటి శుక్లాలను అభివృద్ధి చేస్తే, గాయం వల్ల, వ్యాధి వల్ల పోషకాహార లోపం కారణంగా, ఒక వ్యక్తికి దృష్టి లోపం కలుగుతుంది. కొన్నిసార్లు పూర్తిగా దృష్టిని కోల్పోతాడు అని డాక్టర్లు చెబుతున్నారు. దెబ్బతిన్న కార్నియాను ఆరోగ్యకరమైన మానవుని కార్నియాతో భర్తీ చేయడం ద్వారా కార్నియల్ అంధత్వంను తగ్గించవచ్చు. ఇది నేత్రదానం ద్వారా సేకరించబడుతుంది. ఒకరికి దృష్టిని బహుమతిగా ఇవ్వడం ఎంతో గౌరవప్రదమైన విషయం అయితే, అనేక అపోహలు, మూఢనమ్మకాల కారణంగా చాలామంది తమ కళ్ళను దానం చేయనివ్వకుండా ఆపుతున్నాం.

ఈ సాధారణ అపోహలను పోగొట్టడానికి డాక్టర్లు చెప్పే వాస్తవాలు..

అపోహ 1: నేత్ర దానం ముఖం అందవిహీనంగా మారుతుంది.

వాస్తవం: నేత్ర దానంతో ముఖం అందవిహీనంగా మారదు. ఈ ప్రక్రియలో, కార్నియాస్‌ను తొలగించి, షెల్‌తో భర్తీ చేస్తారు. కళ్ళు మూసినప్పుడు, ఇది సాధారణంగా కనిపిస్తుంది.

Also Read : మలేరియా వచ్చాక ఈ ఫుడ్ తింటే త్వరగా కోలుకుంటారట..

అపోహ 2: ఈ జన్మలో కళ్ళు దానం చేస్తే వచ్చే జన్మలో చూపు లేకుండా అంధులుగా పుడతాం

వాస్తవం: తదుపరి జన్మ ఉందో లేదో ఎవ్వరు ఖచ్చితంగా చెప్పలేరు. వచ్చే జన్మ గురించి ఎవ్వరికీ తెలియదు. ఇది పూర్తిగా ఒక అసత్యం. కానీ ఈ కారణం వల్లే నేత్ర దానం చేసే వారి సంఖ్య భారీగా తగ్గిపోతుంది.

భారతదేశంలో నేత్ర దానం చేయడానికి ఆసక్తి ఉన్నవారు కూడా ఈ కారణం వల్లే నేత్రదానం చేయడానికి ముందుకు రావడం లేదు.

అపోహ 3: ఒక వ్యక్తి బ్రతికి ఉన్నప్పుడే వారి కళ్ళను దానం చేయొచ్చు.

వాస్తవం: మూత్రపిండాలు, కాలేయంలోని కొంత భాగాన్ని బతికి ఉన్న వ్యక్తి నుండి మరొకరికి దానం చేయగలిగినప్పటికీ, నేత్రదానం మరణం తర్వాత మాత్రమే జరుగుతుంది. మీరు జీవించి ఉన్నప్పుడు మీ కళ్ళను దానం చేస్తామని ప్రతిజ్ఞ చేయొచ్చు. మీ కుటుంబంలోని మిగతా వారిని కూడా నేత్రదానం చేయడానికి ప్రోత్సహించాలి.

Also Read : ఈ రాశి వారిని పెళ్ళి చేసుకుంటే ఎలాంటి గొడవలు రావట..

అపోహ 4: నేత్రదానం అంధులందరికీ సాయపడుతుంది

వాస్తవం: కార్నియాస్ ప్రోబ్లమ్ వల్ల అంధులైన వారికి మాత్రమే ఉపయోగపడుతుంది. రెటీనా, ఆప్టిక్ నరాల సంబంధిత అంధత్వం ఉన్న ఇతరులు నేత్రదానం వల్ల ప్రయోజనం పొందరు.

అపోహ 5: మీరు రెటీనా సమస్యతో బాధపడుతుంటే, కంటి శస్త్రచికిత్స మీకు చేసి ఉంటే, మీరు నేత్రదానం చేయలేరు.

వాస్తవం: ప్రతి వ్యక్తి చిన్నవారైనా, పెద్దవారైనా, ఏ బ్లడ్ గ్రూప్ వారైనా, శస్త్రచికిత్స చేయించుకున్నవారైనా, రెటీనా లేదా ఆప్టిక్ నరాల సమస్యలతో బాధపడుతున్న వారైనా ఎవరైనా వారి కళ్ళను దానం చేయొచ్చు.

అపోహ 6: మరణించిన తర్వాత ఎప్పుడైనా కళ్ళు దానం చేయవచ్చు

వాస్తవం: మరణించిన 6 గంటలలోపు దాత నుండి కంటి సేకరణ చేయవలసి ఉంటుంది. దాత మృతదేహాన్ని చల్లని వాతావరణంలో ఉంచాల్సిన అవసరం ఉంది. మృతదేహం ఉన్న చోట ఫ్యాన్స్ ఆఫ్ చెయ్యాలి. దాత కళ్ళు మూసుకుని ఉండాలి. తేమతో కూడిన దూదిని కళ్ళపై ఉంచాలి. తల కింద రెండు దిండ్లు పెట్టాలి. స్థానిక కంటి సేకరణ కేంద్రం (ఆసుపత్రి) లేదా ఐ బ్యాంకును సంప్రదించాలి.

అలాగే, ఒక వ్యక్తి మరణానికి కారణం సెప్టిసిమియా, హెచ్‌ఐవి, రాబిస్ మొదలైనవి అయితే, ఆ వ్యక్తి కళ్ళను చూపులేని వారికి కాకుండా పరిశోధన మరియు అభివృద్ధికి ఉపయోగించబడతాయి.

అపోహ 7: నేత్ర దానం చేసిన కళ్ళను అంధులకు అమ్ముతారు

వాస్తవం: ఏదైనా మానవ అవయవాన్ని అమ్మడం, కొనడం చట్టవిరుద్ధం. చట్టప్రకారం శిక్షార్హమైన నేరం. కాబట్టి నేత్ర దానం ద్వారా వచ్చిన కళ్ళను హాస్పిటల్, ఐ బ్యాంక్ వాళ్ళ డబ్బుల కోసం అమ్మరు. ఆ కళ్ళను వెంటనే ఒక అంధుడికి చూపు తెప్పించడం కోసం ఉపయోగిస్తారు.

Also Read : ఈ టిప్స్ పాటిస్తే పళ్ళు తెల్లగా మెరుస్తాయి..

అనేక అపోహలు, మూఢ నమ్మకాల వల్ల నేత్రదానం చేయని వారికి అవగాహన కల్పించండి. ఎలాంటి అపోహలు పెట్టుకోకుండా మీరు నేత్రదానం చేయండి. మీ కుటుంబ సభ్యులతో, ఫ్రెండ్స్ తో కూడా నేత్ర దానం చేయించండి.

భారతదేశంలో, ఎప్పటికప్పుడు నేత్ర దానం కోసం ఎదురు చూసే వారు పెరుగుతూనే ఉన్నారు. నేత్ర దానం యొక్క అవసరం రోజురోజుకి బాగా పెరుగుతుంది. కానీ దాంతో పాటు, దాని యొక్క వాస్తవ ప్రక్రియ, సాధకబాధకాలు, అపోహలు, వాస్తవాలపై చాలా తక్కువ సమాచారం ఉంది. భారతదేశంలో 15 మిలియన్ల మంది అంధులు, 30 మిలియన్ల మంది కంటిచూపు సరిగా లేనివారు ఉన్నారని అనేక నివేదికలు సూచిస్తున్నాయి. భారతదేశంలో, అనేక అపోహల కారణంగా, నేత్ర దానం గురించి అవగాహన కల్పించడం, నేత్ర దానం చేసే వారి సంఖ్య పెంచడం చాలా అరుదు. నేత్ర దానం యొక్క ప్రాముఖ్యత గురించి అవగాహనను పెంపొందించడం వైద్యులు, సంరక్షకులు, ఆసుపత్రుల విధి.. అని నిపుణులు చెబుతున్నారు.

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.



Source link

Leave a Reply

Your email address will not be published. Required fields are marked *