facial hair remove tips : ఇంట్లోనే అన్‌వాంటెడ్ హెయిర్‌ని తొలగించుకోండిలా.. – effective home remedies to remove unwanted hair on face


ప్రస్తుతం కరోనా వైరస్ కారణంగా లాక్ డౌన్ ప్రకటించారు. దీంతో బయటికి వెళ్ళటానికి కుదరక సామాన్యుల నుంచి సెలెబ్రిటీల వరకూ అందరూ ఇళ్లకే పరిమతమయ్యారు. దీంతో అనేక మంది ఈ సమయాన్ని సద్వినియోగం చేసుకుంటున్నారు. కొందరు ఇంటి పనులు నేర్చుకుంటుంటే మరికొందరు బ్యూటీ విషయంలో టెన్షన్ పడుతున్నారు. ఎందుకంటే ముఖంపై ఫేషియల్ హెయిర్, ఐబ్రోస్ వంటివి పెరిగిపోతున్నాయి. బయట పరిస్థితులు చుస్తే బ్యూటీ పార్లర్ కి వెళ్లడం అసాధ్యం. కాబట్టి ఫేషియల్ హెయిర్‌ని ఇంట్లోనే సులభంగా తొలగించుకోవడానికి కొన్ని చిట్కాలు.. పాటించొచ్చు. అవును, మీ ముఖాన్ని అందంగా మార్చి, ఈ ఫేషియల్ హెయిర్‌ని తొలగించడానికి కొన్ని బ్యూటీ హ్యాక్స్, టిప్స్ గురించి తెలుసుకుందాం. వీటిని ట్రై చేసి ఇంట్లోనే ఫేషియల్ హెయిర్‌ని తొలగించుకోవచ్చు.


ఆడవాళ్లు అందం కోసం ఎన్ని చిట్కాలు అయినా పాటిస్తారు. ఇంతకు ముందు అందరూ ఇంటి చిట్కాలనే వాడేవారు. కానీ మార్కెట్లో ఇప్పుడు చాలా బ్యూటీ ప్రొడక్ట్స్ ఉన్నాయి. వీటితో ఎన్నో బెనిఫిట్స్ ఉండడంతో అందరూ వాటివైపే మొగ్గుచూపుతున్నారు. అయితే, ఇప్పుడు బయటికి వెళ్లి తెచ్చుకోలేరు. కాబట్టి మళ్లీ ఇంటి చిట్కాలను వాడొచ్చు.

Also Read : ఈ టిప్స్ పాటిస్తే మీ పీరియడ్స్ రెగ్యులర్ అవుతాయి..

ముఖం మీద వెంట్రుకలుంటే చూడటానికి చాలా అసహ్యంగా ఉంటుంది. ఫేషియల్ హెయిర్‌ని తాత్కాలికంగా తొలగించుకోవడానికి చాలా మార్గాలున్నాయి. సాధారణంగా ముఖంపై ఉండే ఫేషియల్ హెయిర్‌ని తొలగించుకోవడానికి వ్యాక్సింగ్ చేయించుకోవడం, థ్రెడ్డింగ్, ప్లక్కింగ్ ఈ మూడూ కూడా హెయిర్ రిమూవ్ చేయడానికి చాలా సాధరణ పద్దతులు. అయితే వీటిని పార్లర్‌కి వెళ్లకుండా కూడా సులభంగా ఇంట్లోనే పోగొట్టుకోవచ్చు. ముఖంపై హెయిర్ ఉంటే నల్లగా కనబడతారు. చూడ్డానికి అందవిహీనంగా కనిపిస్తారు. కాబట్టి, కొన్ని హోం మేడ్ ఫేషియల్ హెయిర్ రిమూవర్స్‌ని ఉపయోగించడం ఈ సమస్య తగ్గి అందంగా కనిపిస్తున్నారు.

హోమ్ మేడ్ ఫేషియల్ రిమూవర్స్ వల్ల ఎటువంటి సైడ్ ఎఫెక్ట్స్ ఉండవు. మీరు అవాంచిత బాడీ హెయిర్, పెదవుల మీద, చెంపల మీద ఉన్న అవాంఛిత రోమాలను తొలగించడానికి ఈ హోం మేడ్ ఫేషియల్ రిమూవర్స్ బాగా సాయపడుతాయి. ఫేషియల్ హెయిర్ తొలగించడం కోసం కొన్ని టిప్స్ గురించి తెలుసుకోండి. అందులో కొన్నినేచురల్ హోం రెమెడీస్ ఉన్నాయి. ఇవి మన వంటగదిలో నిత్యం మనకు అందుబాటులో ఉండే వస్తువులే, ఈ వస్తువులు ఫేషియల్ హెయిర్ తొలగించడం మాత్రమే కాదు, ఇది ముఖాన్ని చక్కగా కనపడేలా చేస్తుంది. మరి ఫేషియల్ హెయిర్ ను తొలగించే చిట్కాలు మీ కోసం…

ట్వీజర్‌తో..


చాలా మంది స్త్రీలు ట్వీజర్ పరిచయమే.. కనుబొమ్మలు షేప్ చేసుకోవడానికి యూజ్ చేస్తారు. ట్వీజర్‌ని ఉపయోగించి కనుబొమ్మలతో పాటు అప్పర్ లిప్, చిన్ దగ్గర పెరిగిన వెంట్రుకలను తొలగించుకోవచ్చు. ట్వీజింగ్ చేసుకొంటే.. సుమారు రెండు వారాల పాటు రోమాలు తిరిగి పెరగకుండా ఉంటాయి. వెంట్రుకలను అన్ని ఒకేసారి లాగడం వల్ల చాలా నొప్పిగా ఉంటుంది. ముఖం అంత ఎర్రగా అవుతుంది. అందుకే ట్వీజింగ్‌తో ఒక్కో వెంట్రుకనే తొలగించుకోవాల్సి ఉంటుంది. కాబట్టి ఎక్కువ సమయం పడుతుంది.

వ్యాక్స్ స్ట్రిప్స్..


వ్యాక్సింగ్ చేసేటప్పుడు కాస్త నొప్పిగా అనిపించినా దీర్ఘకాలం పాటు అవాంఛిత రోమాల సమస్య ఉండదు కాబట్టి.. ఎక్కువ మంది అవాంఛనీయ రోమాలను తొలగించుకోవడానికి వ్యాక్సింగ్ చేసుకోవడానికే ప్రాధాన్యమిస్తున్నారు. ఈ పద్ధతిలో ఫేషియల్ హెయిర్, అండర్ ఆర్మ్స్, లెగ్స్, ఆర్మ్స్, అండర్ ఆర్మ్స్, బికినీ లైన్ వద్ద ఉన్న అవాంఛిత రోమాలను తొలగించవచ్చు. వ్యాక్సింగ్ స్ట్రిప్స్ ఉపయోగించి ముఖంపై వెంట్రుకలను తొలగించుకోవాలనుకొంటే.. స్ట్రిప్‌ను చర్మానికి అతికించి చర్మాన్ని గట్టిగా పట్టుకొని వ్యతిరేక దిశలో వేగంగా లాగాల్సి ఉంటుంది. ఎందుకంటే నెమ్మదిగా తీస్తే నొప్పి ఎక్కువగా ఉండటమే కాకుండా.. ఎక్కడి వెంట్రుకలు అక్కడే ఉంటాయి. అయితే వ్యాక్స్ స్ట్రిప్స్ చిన్న ముక్కలను కత్తిరించి మీ ముఖం మీద ఉపయోగించవచ్చు. వ్యాక్స్ స్ట్రిప్స్ చర్మం పై పెట్టి గట్టిగా ఒత్తాలి. ఆ తర్వాత చర్మాన్ని గట్టిగా పట్టుకొని వ్యతిరేక దిశలో పైకి లాగితే సరిపోతుంది. అయితే, మీరు ఈ చిట్కాను ప్రయత్నించే ముందు ప్యాచ్ పరీక్ష చేసుకొని ఆ తరువాత ముఖంపై ప్రయత్నించండి.

Also Read : గుండెసమస్యలు ఉన్న వారు టమాట తినొచ్చా..

వ్యాక్స్ కు బదులు చక్కెరతో..


అవాంఛనీయ రోమాలను తొలగించడానికి ఎక్కువగా వ్యాక్స్ ఉపయోగిస్తారు. ఒకవేళ మీ ఇంట్లో వ్యాక్స్ లేకపోతె మీరు ఇంట్లో మీరే సొంతంగా వ్యాక్స్‌ని సులభంగా తయారు చేసుకోవచ్చు. దీని కోసం కేవలం పంచదార, నిమ్మరసం, నీరు ఉంటే చాలు. ఇంట్లో వ్యాక్స్ చేయటానికి కావాల్సిందల్లా కొంచెం నీరు, నిమ్మరసం మరియు చక్కెర. ఒక గిన్నెలో కొద్దిగా నీరు తీసుకోవాలి అందులోనే పంచదార, నిమ్మరసం వేసి దగ్గిరగా అయ్యేవరకూ కలపాలి. తరువాత దీన్నే వ్యాక్స్ గా ఉపయోగించవచ్చు. దీని కోసం మీకు వ్యాక్స్ స్ట్రిప్స్ కూడా అవసరం లేదు. అయితే చెక్కరని మీ ముఖానికి రాసుకునే ముందు మీ చర్మానికి ఎంత వేడి సరిపోతుందో చూసి ముఖంపై రాయండి. లేకపోతే కాలే ప్రమాదం ఉంది.

ట్వింకిల్ రేజర్‌తో..


మీకు ఇంట్లో ఫేస్ రేజర్స్ ఉంటే ట్రై చేయొచ్చు. ఎందుకంటే ఇవి చర్మంపై కఠినంగా ఉండవు. ముఖంపై ఉండే ఫిషియల్ హెయిర్‌ని సులభంగా తొలగిస్తాయి. కనుబొమ్మల కోసం, షేవింగ్ చేసేటప్పుడు ఎక్కువ జాగ్రత్తగా ఉండండి, ఎందుకంటే మీరు ఐబ్రోస్ షేప్‌ పాడయ్యే అవకాశం ఉంటుంది. అందుకే నెమ్మదిగా, మధ్యలో అద్దం రేజర్ చేయటం మంచిది.

Also Read : బరువు తగ్గాలంటే వీటిని తినాల్సిందే..

థ్రెడ్డింగ్..


ఖాళీ సమయంలో థ్రెడ్డింగ్ ఎలా చేయాలో నేర్చుకోండి. ఇది చాలా ఈజీ. అప్పర్ లిప్, ఐబ్రోస్, గడ్డం దగ్గర పెరిగే అవాంఛిత రోమాలను తొలగించుకోవచ్చు. థ్రెడ్డింగ్ చేయడం ద్వారా వారం నుంచి పదిరోజుల వరకు అవాంఛిత రోమాలు మళ్లీ రావు. అయితే థ్రెడ్డింగ్ చేసుకోవడం అలవాటు లేకపోతే.. దాని జోలికి వెళ్లకపోవడమే మంచిది. ఎందుకంటే దారం వల్ల చర్మం తెగే అవకాశం ఉంటుంది. కొన్నిసార్లు ఐబ్రోస్ షేపవుట్ అయ్యే అవకాశం కూడా ఉంది.





Source link

Leave a Reply

Your email address will not be published. Required fields are marked *