FD rates: Post Office Vs ఎస్‌బీఐ Vs ఐసీఐసీఐ బ్యాంక్.. ఎందులో డబ్బులు పెడితే ఎక్కువ లాభం? – state bank of india vs icici bank vs post office fixed deposits: latest interest rates compared


ప్రధానాంశాలు:

  • వడ్డీ రేట్లు తగ్గిస్తున్న బ్యాంకులు
  • సేవింగ్స్ స్కీమ్స్‌పై కూడా వడ్డీలో కోత
  • దీంతో ఎందులో డబ్బులు పెడితే లాభమో చూద్దాం

చేతిలో డబ్బులు ఎక్కడైనా ఇన్వెస్ట్ చేయాలని యోచిస్తున్నారా? అయితే ఎక్కడ డబ్బులు పెట్టాలో తెలియడం లేదా? అయితే మీరు కొన్ని విషయాలు గుర్తుపెట్టుకోవాలి. ఇటీవల కాలంలో బ్యాంకులు వరుసపెట్టి వడ్డీ రేట్లను తగ్గిస్తూ వస్తున్నాయి. ఆర్‌బీఐ కీలక రెపో రేటు తగ్గించడం ఇందుకు ప్రధాన కారణం. దీంతో బ్యాంకుల ఫిక్స్‌డ్ డిపాజిట్ రేట్లు కూడా తగ్గుతూ వస్తున్నాయి. అలాగే మార్కెట్‌లో ఇతర ఇన్వెస్ట్‌మెంట్ సాధనాల్లో కూడా వడ్డీ రేట్లు తగ్గాయి. ఈ నేపథ్యంలో దేశీ అతిపెద్ద బ్యాంక్ స్టేట్ బ్యాంక్ ఆఫ్ ఇండియా (SBI), ఐసీఐసీఐ బ్యాంక్, పోస్టాఫీస్ స్కీమ్స్‌లో ఎలాంటి వడ్డీ రేట్లు లభిస్తున్నాయో చూద్దాం.

ఎస్‌బీఐ ఎఫ్‌డీలపై 5.5 శాతం వడ్డీ లభిస్తోంది. ఏడాది నుంచి 3 ఏళ్లలోపు ఫిక్స్‌డ్ డిపాజిట్లకు వర్తిస్తుంది. మూడేళ్ల నుంచి పదేళ్లలోపు ఎఫ్‌డీలపై 5.7 శాతం వడ్డీ పొందొచ్చు. సీనియర్ సిజిటన్స్ అదనంగా 0.5 శాతం ఎక్కువ వడ్డీ పొందే ఛాన్స్ ఉంది. అయితే వీరు SBI Wecare స్కీమ్‌లో చేరితే అదనంగా మరో 30 బేసిస్ పాయింట్ల వడ్డీ లభిస్తుంది.

Also Read: SBIలో ఈ అకౌంట్‌ తెరిస్తే లాభాలు ఎన్నో..!

ఐసీఐసీఐ బ్యాంక్ ఎఫ్‌డీ రేట్లను గమనిస్తే.. ఏడాది నుంచి 389 రోజుల ఎఫ్‌డీలపై 5.55 శాతం వడ్డీ పొందొచ్చు. 390 రోజుల నుంచి 18 నెలలలోపు ఎఫ్‌డీలపై కూడా ఇదే వడ్డీ వస్తుంది. 18 నెలల నుంచి 2 ఏళ్లలోపు ఎఫ్‌డీలపై 5.75 శాతం వడ్డీ పొందొచ్చు. 2 ఏళ్ల నుంచి పదేళ్లలోపు ఫిక్స్‌డ్ డిపాజిట్లపై వడ్డీ కూడా ఇదే స్థాయిలో ఉంటుంది. సీనియర్ సిటిజన్స్‌కు 0.5 శాతం ఎక్కువ వడ్డీ వస్తుంది. ICICI Bank Golden Years FD స్కీమ్‌లో చేరితే అదనంగా 0.3 శాతం వడ్డీ పొందొచ్చు.

ఇక పోస్టాఫీస్ స్మాల్ సేవింగ్ స్కీమ్స్ విషయానికి వస్తే.. పీపీఎఫ్‌ అకౌంట్‌పై 7.1 శాతం, సీనియర్ సిటిజన్స్ స్కీమ్‌పై 7.4 శాతం, ఏడాది టైమ్ డిపాజిట్లపై 5.5 శాతం, ఐదేళ్ల డిపాజిట్లపై 6.7 శాతం వడ్డీ పొందొచ్చు. బ్యాంకుల కన్నా స్మాల్ సేవింగ్స్ పోస్టాఫీస్ స్కీమ్స్‌పై ఎక్కువ వడ్డీ వస్తోందని చెప్పుకోవచ్చు.



Source link

Leave a Reply

Your email address will not be published. Required fields are marked *