FIFA U-17 Women’s World Cup : ఫిఫా U-17 ఉమెన్స్ వరల్డ్‌కప్ వాయిదా – coronavirus outbreak: fifa postpones u-17 women’s world cup in india


కరోనా వైరస్ కారణంగా భారత్ వేదికగా ఈ ఏడాది నవంబరులో జరగాల్సిన ఫిఫా అండర్-17 ఉమెన్స్ వరల్డ్‌కప్ వాయిదాపడింది. ఇప్పటికే 2020 టోక్యో ఒలింపిక్స్ వచ్చే ఏడాదికి వాయిదాపడగా.. వింబుల్డన్ టోర్నీని కూడా రద్దు చేశారు. ఇక మార్చి 29 నుంచి ప్రారంభంకావాల్సిన ఐపీఎల్‌ 2020 సీజన్ ఏప్రిల్ 15కి వాయిదాపడగా.. ఇప్పుడు ఆ టోర్నీ కూడా రద్దయ్యే సూచనలు కనిపిస్తున్నాయి.


Read More:
కరోనా ఎఫెక్ట్‌తో వింబుల్డన్ టోర్నీ రద్దు

ఫిఫా అండర్-17 ఉమెన్స్ ప్రపంచకప్‌కి భారత్‌ తొలిసారి ఆతిథ్యమిస్తుండగా కోల్‌కతా, గువాహటి, భువనేశ్వర్, అహ్మదాబాద్ వేదికగా మ్యాచ్‌లు జరిగేలా షెడ్యూల్ రూపొందించారు. ఇక ఆతిథ్య హోదాలో భారత్‌ ఆటోమేటిక్‌గా టోర్నీలో ఆడేందుకు అర్హత సాధించగా.. మొత్తం 16 జట్లు పోటీపడుతున్నాయి. కానీ.. దేశంలో కరోనా వైరస్ వ్యాప్తి పతాక స్థాయికి చేరుకోవడంతో నవంబరు 2 నాటికి పరిస్థితులు పూర్తిగా అదుపులోకి వచ్చే సూచనలు లేవని భావించిన ఫుట్‌బాల్ గవర్నింగ్ కౌన్సిల్.. టోర్నీని వాయిదా వేస్తూ నిర్ణయం తీసుకుంది.

Read More:
కోహ్లీ‌తో గొడవని మరచి గంభీర్‌పై RCB ట్వీట్.. నన్ను గెలిచేశారు

భారత్‌లో శనివారం ఉదయానికి కరోనా వైరస్ పాజిటివ్ కేసుల సంఖ్య 3,127కి చేరుకోగా.. ఇందులో 86 మంది ఇప్పటికే చనిపోయారు. దీంతో.. ఇప్పటికే 21 రోజులు లాక్‌డౌన్ విధించిన కేంద్ర ప్రభుత్వం.. వైరస్ తీవ్రత ఎక్కువగా ఉన్న రాష్ట్రాల్లో ఆ లాక్‌డౌన్‌ని మరికొన్ని రోజులు పొడిగించే అవకాశం ఉన్నట్లు తెలుస్తోంది.





Source link

Leave a Reply

Your email address will not be published. Required fields are marked *