FIFA World Cup 2022: ఫిఫా వరల్డ్‌కప్ 2022 అంబాసిడర్‌కి కరోనా పాజిటివ్ – coronavirus: fifa world cup 2022 ambassador tests positive


కరోనా వైరస్ క్రీడారంగాన్ని కుదిపేస్తోంది. ఇప్పటికే ప్రపంచవ్యాప్తంగా వైరస్ వ్యాప్తితో కొన్ని టోర్నీలు రద్దవగా.. టోక్యో ఒలింపిక్స్, వింబుల్డన్ లాంటి ప్రతిష్ఠాత్మక టోర్నీలు వాయిదాపడ్డాయి. ఇక ఐపీఎల్ 2020 సీజన్‌ని బీసీసీఐ నిరవధికంగా వాయిదా వేసేసింది. మొత్తంగా.. కరోనా వైరస్ వ్యాప్తి చెందుతున్న తీరు చూస్తుంటే..? ఇప్పట్లో పరిస్థితులు అదుపులోకి వచ్చే సూచనలు కనిపించడం లేదు.

ఖతార్ వేదికగా 2022లో ఫిఫా వరల్డ్‌కప్ జరగనుండగా.. తాజాగా ఆ టోర్నీ అంబాసిడర్‌కే కరోనా వైరస్ పాజిటివ్ వచ్చింది. ఖతార్ ఫుట్‌బాల్ జట్టు మిడ్‌ఫీల్డర్‌గా రాణించిన అదిల్ ఖామీస్‌(54).. రిటైర్మెంట్ తర్వాత కూడా యువ ఆటగాళ్లలో స్ఫూర్తి నింపుతున్నాడు. ఇటీవల నిర్వహించిన పరీక్షల్లో ఖామీస్‌కి కరోనా పాజిటివ్‌గా తేలినట్లు ఫిఫా 2020 టోర్నీ నిర్వాహకులు అధికారికంగా ప్రకటించారు. 2022, నవంబరు 21 నుంచి డిసెంబరు 18 వరకూ ఫిఫా వరల్డ్‌కప్ జరగనుంది.

ఖతార్‌లో ఇప్పటికే కరోనా వైరస్ పాజిటివ్ కేసుల సంఖ్య 13,409కి చేరుకోగా.. 10 మంది చనిపోయారు.. 1,372 మంది కోలుకున్నారు. దీంతో.. తాత్కాలికంగా ఫిఫా వరల్డ్‌కప్ నిర్వహణ ఏర్పాట్లను నిలిపివేశారు. ఏప్రిల్ 17 నుంచి స్టేడియం నిర్మాణం పనులు పూర్తిగా ఆగిపోగా.. ఏర్పాట్లపై నిర్వాహకులు ఎలాంటి సమాచారాన్ని ఇవ్వడం లేదు.



Source link

Leave a Reply

Your email address will not be published. Required fields are marked *