fighter : అల్లు అర్జున్‌ని టార్గెట్ చేసిన పూరి జగన్నాథ్, ఛార్మి.. సీన్ రివర్స్ కావడంతో! – puri jagannadh targets allu arjun for his fighter


డాషింగ్ డైరెక్టర్ పూరి జగన్నాథ్, ఛార్మింగ్ బ్యూటీ ఛార్మి ఇద్దరూ కలిసి సొంత బ్యానర్‌పై సినిమాలు చేస్తున్న సంగతి తెలిసిందే. పూరి జగన్నాథ్ టూరింగ్ టాకీస్, పూరి కనెక్ట్స్ బ్యానర్లపై సినిమా నిర్మాణాల్లో భాగమవుతున్న వీళ్ళు ఇటీవలే ‘ఇస్మార్ట్ శంకర్’రూపంలో భారీ హిట్ సొంతం చేసుకున్నారు. మాస్ మసాలా అంశాలతో రూపొందిన ఈ మూవీ మంచి లాభాలు తెచ్చిపెట్టింది. అదే జోష్‌లో ఇప్పుడు విజయ్ దేవరకొండ హీరోగా ‘ఫైటర్’ మూవీ చేస్తున్నారు. అయితే తాజాగా ఈ చిత్రానికి సంబంధించి ఓ ఆసక్తికర విషయం బయటకొచ్చింది.


ప్రస్తుతం తెరకెక్కుతున్న ‘ఫైటర్’ మూవీ కోసం ముందుగా అల్లు అర్జున్‌ని హీరోగా తీసుకోవాలని భావించారట పూరి, ఛార్మి. ఈ మేరకు ఆయనను సంప్రదించగా కొన్ని కారణాల వల్ల బన్నీ నో చెప్పారట. సీన్ రివర్స్ కావడంతో అదే కథకు విజయ్ దేవరకొండ అయితే ఎలా ఉంటుందనే కోణంలో ఆలోచించి చివరకు ఇతన్నే ఫైనల్ చేశారని తెలిసింది. పూరి నేరేట్ చేసిన కథ నచ్చడంతో ఏ మాత్రం ఆలోచించకుండా ఓకే చెప్పారట విజయ్ దేవరకొండ. అలా సెట్స్ మీదకొచ్చిన ఈ మూవీ ఇటీవలే ముంబైలో ఫస్ట్ షెడ్యూల్ పూర్తిచేసుకుంది.

‘ఫైటర్’ అనే వర్కింగ్ టైటిల్‌తో పూరి జగన్నాథ్ దర్శకత్వంలో ఈ మూవీ రూపొందుతోంది. చిత్రంలో విజయ్ దేవరకొండ సరసన బాలీవుడ్ బ్యూటీ అనన్య పాండే హీరోయిన్‌గా నటిస్తోంది. రొమాంటిక్ డోస్ బాగా పెంచేసి క్లాస్, మాస్ ఆడియన్స్ అందరినీ ఆకట్టుకునేలా ఈ కథను కెమెరాలో బంధిస్తున్నారట పూరి. ఇందులో విజయ్ దేవరకొండ బాక్సర్‌గా కనిపించనున్నారు.

Also Read:
కొన్నిరోజులుగా నొప్పిగా ఉంది.. అందుకే హాస్పటల్‌ వెళ్ళలేదు: లావణ్య త్రిపాఠి

పూరి కనెక్ట్స్, పూరి జగన్నాథ్ టూరింగ్ టాకీస్ సంయుక్త సమర్పణలో రూపొందుతున్న ఈ సినిమా నిర్మాణంలో బాలీవుడ్ నిర్మాత కరణ్ జోహార్ కూడా భాగమవుతుండటం విశేషం. ప్యాన్ ఇండియా సినిమాగా ప్రేక్షకుల ముందుకు రాబోతున్న ఈ మూవీ తదుపరి షెడ్యూల్ అతి త్వరలో ప్రారంభం కానుంది.





Source link

Leave a Reply

Your email address will not be published. Required fields are marked *