fino bank: ఈ బ్యాంక్ అకౌంట్‌ తెరిస్తే మినిమమ్ బ్యాలెన్స్ అక్కర్లేదు.. ఇంకా ఎన్నో బెనిఫిట్స్! – fino payments bank launches bhavishya savings account for minors


ప్రధానాంశాలు:

  • కొత్త బ్యాంక్ అకౌంట్ సేవలు
  • ఉచితంగానే డెబిట్ కార్డు
  • వారికి మాత్రమే అందుబాటులో

ఫినో పేమెంట్స్ బ్యాంక్ తాజాగా కొత్త బ్యాంక్ అకౌంట్ సర్వీసులు లాంచ్ చేసింది. ఇవి కేవలం పిల్లలకు మాత్రమే అదుబాటులో ఉంటాయి. అంటే పిల్లల పేరుపై బ్యాంక్ అకౌంట్ తెరవొచ్చు. ఈ బ్యాంక్ అకౌంట్ పేరు భవిష్య సేవింగ్ అకౌంట్. పదేళ్ల నుంచి 18 ఏళ్లలోపు వయసు కలిగిన వారు ఈ ఖాతా తెరవొచ్చు.

ఫినో పేమెంట్స్ బ్యాంక్ సీవోవో అశిశ్ అహూజ మాట్లాడుతూ.. ‘భారత దేశం బలం యువత. వీరికి ఇతర నైపుణ్యాలతోపాటుగా చిన్నటి నుంచే బ్యాంకింగ్ సర్వీసులపై కూడా అవగాహన కల్పిస్తూ రావాలి. ఆధార్ కార్డుతో ఈ కొత్త బ్యాంక్ ఖాతా తెరవొచ్చు. తల్లిదండ్రులు కూడా పిల్లలకు పొదుపు గురించి చిన్నతనం నుంచే అలవాటు చేయొచ్చు’ అని వివరించారు.

Also Read: గుడ్ న్యూస్.. భారీగా దిగొచ్చిన బంగారం ధర.. వెండి పతనం!

భవిష్య సేవింగ్ అకౌంట్ తెరిస్తే ఎలాంటి మినిమమ్ బ్యాలెన్స్ కలిగి ఉండాల్సిన పని లేదు. అలాగే ఉచితంగానే డెబిట్ కార్డు పొందొచ్చు. ఈ కార్డును కేవలం ఏటీఎం క్యాష్ విత్‌డ్రాయెల్స్‌కు మాత్రమే ఉపయోగించగలం. పిల్లలకు 18 ఏళ్లు దాటిన తర్వాత ఈ అకౌంట్‌ను రెగ్యులర్ సేవింగ్స్ అకౌంట్‌గా మార్చుకోవచ్చు. అలాగే పిల్లలు స్కాలర్‌షిప్ వంటివి నేరుగా ఈ బ్యాంక్ ఖాతాకు పొందొచ్చు.

కాగా 2011 జనాభా లెక్కల ప్రకారం.. భారత దేశంలో 10 నుంచి 19 ఏళ్ల మధ్యలో వయసు కలిగిన వారు 25 కోట్ల మంది వరకు ఉన్నారు. 2021 నాటికి వీరి సంఖ్య మరింత పెరిగే ఛాన్స్ కూడా ఉంది. 25 కోట్ల మందిలో 70 శాతం వరకు గ్రామాల్లోనే నివసిస్తున్నారు. ఈ నేపథ్యంలో గ్రామాల్లో ఈ బ్యాంక్ శరవేగంగా విస్తరించే అవకాశముంది.



Source link

Leave a Reply

Your email address will not be published. Required fields are marked *