fire accident in bank: కూకట్‌పల్లి ఎస్‌బీఐలో అగ్ని ప్రమాదం – fire accident in hyderabad kukatpally sbi bank


హైదరాబాద్‌లోని ఓ బ్యాంకులో మంగళవారం అగ్ని ప్రమాదం సంభవించింది. కూకట్‌పల్లి భాగ్యనగర్ కాలనీలో ఉన్న ఎస్‌బీఐ బ్యాంక్‌లో స్వల్పంగా మంటలు చెలరేగినట్లుగా సిబ్బంది వెల్లడించారు. బ్యాంకులో మంటలు చెలరేగడంతో తాము వెంటనే అగ్నిమాపక సిబ్బందికి సమాచారం అందించినట్లు వెల్లడించారు. సమాచారం అందుకున్న అగ్నిమాపక సిబ్బంది సకాలంలో ఘటనాస్థలానికి చేరుకుని మంటలను అదుపులోకి తెచ్చారు.

ఏసీలో ఏర్పడిన షార్ట్ సర్క్యూట్ కారణంగానే ఈ అగ్నిప్రమాదం సంభవించినట్లుగా పోలీసులు, అగ్నిమాపక సిబ్బంది ప్రాథమిక అంచనాకు వచ్చారు. ఈ ప్రమాదంలో సిబ్బందికి, కస్టమర్లకు కానీ ఎవరికి ఎటువంటి హాని జరగలేదని బ్యాంక్ సిబ్బంది తెలిపారు. అసలే కాగితాలు, డబ్బు ఫర్నిచర్ ఎక్కువగా ఉండే బ్యాంకులో మంటలు వ్యాపించకుండా నిరోధించడంలో అంతా ఊపిరి పీల్చుకున్నారు. జరిగి నష్టం అంచనా వేయటానికి ప్రత్యేక బృందం రానున్నట్లుగా సిబ్బంది వెల్లడించారు.



Source link

Leave a Reply

Your email address will not be published. Required fields are marked *