flight ticket price: విమానయాన సంస్థలకు షాక్.. టిక్కెట్ ధరలు ఫిక్స్ చేసిన కేంద్రం – minimum and maximum air fares to be fixed by aviation ministry for next 3 months


దేశీయ విమాన సర్వీసులు ప్రారంభం కానుండగా.. విమాన టిక్కెట్ ధరలకు సంబంధించిన మార్గదర్శకాలను కేంద్ర పౌర విమానయాన శాఖ గురువారం విడుదల చేసింది. రెండు నెలల తర్వాత విమాన సర్వీసులు పునఃప్రారంభం కానుండటంతో ధరలను కూడా ప్రభుత్వం నిర్ణయించింది. వచ్చే మూడు నెలల వరకూ ఈ ధరలే అమలలో ఉంటాయని స్పష్టం చేసింది. ఈ మేరకు కేంద్ర పౌర విమానయాన శాఖ మంత్రి హర్‌దీప్ సింగ్ పూరీ ఓ ప్రకటన విడుదల చేశారు. ఢిల్లీ-ముంబయి విమాన ప్రయాణం కనీస టిక్కెట్ ధర రూ.3,500- రూ.10,000గా నిర్ణయించారు.

‘విమాన ప్రయాణాన్ని మొత్తం ఏడు కేటగిరీలుగా విభజించారు.. 0 నుంచి 30 నిమిషాలు.. 30 నుంచి 60 నిమిషాలు, 60 నుంచి 90 నిమిషాలు, 90 నుంచి 120 నిమిషాలు, 120 నుంచి 150 నిమిషాలు, 150 నుంచి 180 నిమిషాలు, 180 నుంచి 210 నిమిషాలు.. ఉదాహరణకు ఢిల్లీ-ముంబయి విమానం కనీస టిక్కెట్ ధర రూ.3,500, గరిష్ఠంగా రూ.10,000గా ఉంటుంది.. ఇవి మూడు నెలల పాటు అమలులో ఉంటాయి’ అని మంత్రి స్పష్టం చేశారు.

అంతేకాదు, ఢిల్లీ- ముంబయి నడిచే విమానం సామర్ధ్యంలోని 40 శాతం సీట్లను తక్కువ ధరకు, 50 శాతం సీట్లను రూ.6,700గా ఉండాలని సూచించారు. సోమవారం నుంచి దేశీయ విమాన సర్వీసులు ప్రారంభం కానుండగా.. విమానయాన సంస్థలకు మూడో వంతు కార్యకలాపాలను తిరిగి ప్రారంభించడానికి ప్రభుత్వం అనుమతించింది. ప్రయాణికులకు ఎలాంటి ఆహారం అందజేయరాదని, తప్పనిసరిగా స్క్రీనింగ్ పరీక్షలు నిర్వహించాలని సూచించింది.

ప్రయాణాలకు సంబంధించిన మార్గదర్శకాలను ఎయిర్‌పోర్ట్స్ అథారిటీ ఆఫ్ ఇండియా గురువారం వెల్లడించింది. తాజాగా, మార్గదర్శకాల ప్రకారం.. విమాన ప్రయాణికులకు భౌతికదూరం, ఆరోగ్య సేతు యాప్, థర్మల్ స్క్రీనింగ్ పరీక్షలు తప్పనిసరని పేర్కొంది. ఎయిర్‌పోర్ట్ టెర్మినల్‌లోకి వెళ్లడానికి ముందు థర్మల్ స్క్రీనింగ్ జోన్‌లో నుంచి ప్రవేశించాలని సూచించింది. ఆరోగ్య సేతు యాప్ ఉండాలని, 14 ఏళ్లలోపు పిల్లలకు మాత్రం ఆరోగ్య సేతు యాప్ అవసరం లేదని అన్నారు. ఆరోగ్య సేతు యాప్‌లో గ్రీన్ సిగ్నల్ రాకపోతే వారిని అనుమతించబోమని తెలిపింది.



Source link

Leave a Reply

Your email address will not be published. Required fields are marked *