Food for good health: పసుపు వాడితే ఆర్థరైటీస్ తగ్గుతుందా.. – foods that are super healthy know here all details


ఆహారాన్ని సరిగ్గా ఎంచుకుంటే అందులో యాంటీ ఆక్సిడెంట్స్, విటమిన్స్, మినరల్స్ వంటి ఆరోగ్యాన్ని కలుగచేసే కాంపౌండ్స్ ఉంటాయి. కానీ, ప్రస్తుతం ఉన్న బిజీ జీవితాల్లో, ఇలాంటి ఫుడ్ కి ఆదరణ తగ్గి బాగా ప్రాసెస్ చేసిన, ఇన్‌ఫ్లమేషన్ ని పెంచే ఫుడ్స్ ఎక్కువ తీసుకుంటున్నారు. ఇందు వల్ల ఆరోగ్యం దెబ్బ తింటుంది. అయితే, గుడ్ న్యూస్ ఏమిటంటే ఈ పూర్ డైట్ వల్ల వచ్చిన ప్రాబ్లమ్స్ లో చాలా వాటిని మనం హెల్దీ డైట్ తీసుకోవడం ద్వారా పోగొట్టుకోవచ్చు. ఆరోగ్యానికి సంబంధించి ఒక్క విషయం మాత్రం ఎప్పుడూ గుర్తు పెట్టుకోండి. అనారోగ్యం రాకుండా చూసుకోవడం చాలా ముఖ్యం. అందుకే, ప్రివెన్షన్ ఈజ్ బెటర్ దాన్ క్యూర్ అంటూ ఉంటారు. ఆరోగ్యానికి సంబంధించి సరైన స్టెప్స్ తీసుకోవడం ఎప్పుడూ లేట్ కాదు. ఇక్కడ కొన్ని వ్యాధులతో పోరాడి, అవి రాకుండా చేసే ఫుడ్స్ ఉన్నాయి. అవేమిటో చూసేయండి.

1. అధిక బరువుకి నిమ్మకాయ..


అనారోగ్యకరమైన మోతాదులో కొవ్వు పేరుకోవటాన్ని ఒబేసిటీ అంటారు. ఈ అధిక బరువు వల్ల కార్డియో వాస్క్యులర్ డిసీజెస్, డయాబెటీస్, కొన్ని రకాల కాన్సర్లు వచ్చే అవకాశం ఉంది. అధిక బరువుని తగ్గించుకోవడానికి నిమ్మరసంతో మీ రోజుని మొదలు పెట్టండి. నిమ్మరసం అరుగుదలని మెరుగుపరుస్తుంది, శరీరం లోని విష పదార్ధాలని బయటకు పంపడంలో సహకరిస్తుంది.

2. ఆర్థ్రరైటిస్ కి పసుపు..

ఆర్థ్రైటిస్ ని జాయింట్ డిసార్డర్ అని చెప్పుకోవచ్చు. ఈ డిసార్డర్ వల్ల ఒకటి లేదా అంత కంటే ఎక్కువ జాయింట్స్ ఇన్‌ఫ్లేమ్ అయి ఉంటాయి. ఈ ఆర్థ్రైటిస్ లో వంద కంటే ఎక్కువ రకాలున్నాయి. ఆర్థ్రైటిస్ వల్ల నొప్పి ఎక్కువగా ఉంటుంది. అయితే, పసుపు ఈ నొప్పిని కొంతవరకూ తగ్గిస్తుంది. మీరు రెగ్యులర్ గా తీసుకునే స్మూతీలు, లేదా జ్యూసుల్లో తాజా పసుపు జ్యూస్ కూడా కలిపి తాగండి. లేదా రాత్రి నిద్ర కి ముందు ఒక గ్లాసు వెచ్చని పాలలో ఒక టీ స్పూన్ పసుపు వేసుకుని తాగినా కూడా ఫలితం ఉంటుంది.

Also Read : బ్యూటీఫుల్ స్కిన్ అందించే కొల్లాజెన్ ఈ ఫుడ్స్‌లో ఎక్కువగా ఉంటుందట..

3. ఎనీమియాకి బీట్రూట్

ప్రస్తుతం ఎనీమియా లేదా రక్తహీనత ఎక్కువ మందిలో కనిపిస్తోంది. ఎనీమియా ఉన్నప్పుడు ఆక్సిజెన్ సప్లై సరిగ్గా జరగదు. ఇందు వల్ల బాడీ ఫంక్షన్స్ లో తేడాలు వస్తాయి. ఎన్నిమియాకి చెక్ పెట్టడానికి ఉన్న బెస్ట్ ఫుడ్ బీట్రూట్. ఒక మీడియం సైజ్ లో ఉన్న బీట్రూట్ ని క్యారెట్స్, పాలకూర కలిపి జ్యూస్ చేసి రోజూ తాగండి. లేదా బీట్రూట్ కూర లేదా, సలాడ్ లా కూడా తీసుకోవచ్చు.

4. హైబీపీ కి యోగర్ట్

హై బ్లడ్ ప్రెజర్ ని సైలెంట్ కిల్లర్ అని కూడా అంటారు. ఇందు వల్ల బ్లడ్ వెస్సెల్స్ డ్యామేజ్ అవుతాయి. ఫలితంగా కిడ్నీ డిసీజెస్, హార్ట్ డిసీజెస్, స్ట్రోక్ వచ్చే రిస్క్ పెరుగుతుంది. బీపీ కంట్రోల్ లో పెట్టుకోవడానికి లో-ఫ్యాట్ యోగర్ట్ తీసుకోండి. యోగర్ట్ లో కాల్షియం, పొటాషియం, మెగ్నీషియం వంటి హార్ట్ ఫ్రెండ్లీ న్యూట్రియెంట్స్ ఉన్నాయి. మీ ఇష్ట ప్రకారం ఈ యోగర్ట్ లో ఆల్మండ్స్, వాల్నట్స్, మీకు నచ్చే పండ్ల ముక్కలు కలుపుకోవచ్చు.

Also Read : డెలివరీ టైమ్‌లో ఈ సమస్య ఉంటే కచ్చితంగా సిజేరియన్ చేస్తారట..

5. డయాబెటీస్ కి బ్లూ బెర్రీస్, బ్లాక్ బెర్రీస్

ప్రపంచవ్యాప్తంగా డయాబెటీస్ తో సఫర్ అవుతున్న వారి సంఖ్య పెరుగుతోంది. ఈ డయాబెటీస్ ని సరిగ్గా మ్యానేజ్ చేయలేకపోతే కళ్ళ నుండీ కిడ్నీల వరకూ ఇతర అవయవాల పని తీరు మీద ప్రభావం చూపిస్తుంది. మీ బ్లడ్ షుగర్ లెవెల్స్ ని కంట్రోల్ లో ఉంచుకోవడం కోసం బ్లూ బెర్రీస్, బ్లాక్ బెర్రీస్ ని తీసుకోవడం మొదలు పెట్టండి. వీటితో స్మూతీలు చేసుకోవచ్చు, లేదా సెరియల్, యోగర్ట్ లో కలుపుకోవచ్చు, లేదా అలాగే తినేయవచ్చు.

6. హై కొలెస్ట్రాల్ కి గ్రీన్ టీ

శరీరానికి కొలెస్ట్రాల్ కంపల్సరీగా కావాలి. కానీ, కొలెస్ట్రాల్ ఎక్కువైతే హార్ట్ డిసీజెస్ వచ్చే రిస్క్ ఉంటుంది. ఇందుకు మీరు తీసుకునే కాఫీ బదులు గ్రీన్ టీ తీసుకోండి. రోజుకి మూడు నాలుగు కప్పుల గ్రీన్ టీ తాగవచ్చు.

7. ఇమ్యూనిటీ కి వెల్లుల్లి

రోగ నిరోధక శక్తి బలహీన పడితే జలుబు నుండి అనేక ఇతర ఆరోగ్య సమస్యలు దాడి చేస్తాయి. రోగ నిరోధక శక్తి బలంగా ఉండాలంటే వెల్లుల్లి చాలా అవసరం. ప్రతి రోజూ పరగడుపున రెండు మూడు వెల్లుల్లి రెమ్మలు తీసుకోండి. అలాగే, మీ వంటల్లో కూడా వెల్లుల్లి ఉపయోగించండి.

8. డయేరియా కి అరటి పండు

డయేరియా, స్టమక్ అప్సెట్, కడుపులో నొప్పి వంటి వాటికి అరటి పండు మంచి మందు. డయేరియా ఉన్నప్పుడు ఇంకా అంత బాగా పండని అరటి పండు తీసుకోండి. పిల్లలకి ఇచ్చేటప్పుడు నీటిలో ఒక పదినిమిషాలు మరగబెట్టి ఇవ్వండి. అప్పుడు కూడా మెత్తగా చేసి ఇవ్వాలి.

Also Read : చలికాలంలో మీ జుట్టుని ఇలా కాపాడుకోండి..

9. కాన్సర్ కు బ్రకోలీ

ప్రపంచవ్యాప్తం అనేక మంది మరణించడానికి కారణం కాన్సరే. అందుకే, కాన్సర్ రాకుండా నిరోధించే ఫుడ్ తీసుకోవడం అవసరం. కాన్సర్ ని ప్రివెంట్ చేయడం లో ఆహారం ప్రధాన పాత్ర పోషిస్తుంది. బ్రకోలీ లో పుష్కలం గా ఉన్న యాంటీ ఆక్సిడెంట్స్ వివిధ రకాల కాన్సర్లు రాకుండా అడ్డుకుంటాయి. వారానికి రెండు మూడు సార్లు రెండు కప్పుల ఉడికించిన బ్రకోలీని తీసుకోవడం మంచిది.

10. మెదడు ఆరోగ్యానికి వాల్నట్స్

బ్రెయిన్ కంటిన్యువస్ గా వర్క్ చేస్తూ ఉంటుంది. ఇతర ఆర్గన్స్ పని తీరుని కూడా బ్రెయిన్ రెగ్యులేట్ చేస్తుంది. బ్రెయిన్ వల్లనే ఆలోచన, మూమెంట్, సెన్సేషన్ అన్నీ తెలుస్తాయి. బ్రెయిన్ పీక్ కండిషన్ లో ఉండాలంటే రోజూ కొన్ని వాల్నట్స్ తీసుకోవడం అలవాటు చేసుకోండి. వాల్నట్స్ వల్ల అల్జైమర్స్ డిసీజ్ వచ్చే రిస్క్ కూడా తగ్గుతుంది.

గమనిక:
ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.



Source link

Leave a Reply

Your email address will not be published. Required fields are marked *