food prices: గుడ్ న్యూస్.. దిగొచ్చిన నిత్యావసరాల ధరలు.. అసలు కారణమిదే! – covid 19: big relief for common man in india price of household items reduced significantly in coronavirus lockdown


ప్రధానాంశాలు:

  • తగ్గుతున్న నిత్యావసరాల ధరలు
  • నెల రోజులుగా కిందకు
  • డిమాండ్ లేకపోవడం కారణం

కరోనా వైరస్ లాక్ డౌన్ వల్ల ప్రజలు తీవ్ర ఇబ్బందులు ఎదుర్కొంటున్నారు. ఆర్థికంగా కష్టాలు పడుతున్నాయి. ఇంకా కోవిద్ 19 కేసులు ఇంకా పెరుగుతూనే వస్తున్నాయి. ఇప్పటికే 2 లక్షలు దాటిపోయాయి. అయితే కరోనా వైరస్ లాక్ డౌన్‌లోనూ సామాన్యులకు ఊరట కలిగించే అంశం ఒకటుంది. ప్రతిరోజూ వినియోగించే నిత్యావసరాల ధరలు తగ్గాయి.

ఈ సంవత్సరం పంట దిగుబడి ఎక్కువగా నమోదైంది. అయితే అదే సమయంలో డిమాండ్ మాత్రం పడిపోయింది. దీంతో ధరలు దిగొచ్చాయని చెప్పుకోవచ్చు. గత నెల రోజుల కాలంలో పలు నిత్యావసరాల ధరలు తగ్గుతూ వచ్చాయి. వినియోగదారుల వ్యవహారాల మంత్రిత్వ శాఖ ప్రైస్ మానిటరింగ్ సెల్ ప్రకారం.. మినప్పు ధర ఇప్పుడు రూ.108కు తగ్గింది. ఇదివరకు దీని ధర కేజీకి రూ.114గా ఉండేది. పెసరపప్పు ధర కూడా కేజీకి రూ.5 దిగొచ్చింది. టమోటా ధర అయితే రూ.12 క్షీణించింది.

Also Read: మీ డబ్బును రెట్టింపు చేసే స్కీమ్.. రూ.లక్ష పెడితే రూ.2 లక్షలు.. కేంద్రం గ్యారంటీ!

నెల రోజుల కాలంలో పిండి, బియ్యం, తినదగిన నూనె, బంగాళాదుంప, ఉల్లిపాయ వంటి ధరలు అన్నీ తగ్గాయి. బియ్యం ధర కేజీకి రూ.2 తగ్గుదలతో రూ.29 నుంచి రూ.27కు దిగొచ్చింది. పిండి ధర కూడా రూ.27కు తగ్గింది. ఇంకా పలు పప్పుధాన్యాల ధరలు కూడా తగ్గాయి. కరోనా వైరస్ కారణంగా డిమాండ్ లేకపోవడంతో ధరలు తగ్గాయి. అలాగే ఎగుమతులు కూడా లేకపోవడంతో ధరలపై ప్రభావం పడింది.

కాగా దేశంలో కరోనా వైరస్ కేసులు పెరుగుతూనే వస్తున్నాయి. లాక్ డౌన్ నిబంధనల సరళీకరణ తర్వాత కేసులు సంఖ్య బాగా పెరుగుతూ వస్తోంది. దేశంలో కరోనా కేసులు 2.27 లక్షలు దాటిపోయింది. కోవిడ్ 19 వల్ల ఇప్పటికే దేశంలో 6,300 మందికి పైగా మరణించారు. ప్రపంచవ్యాప్తంగా కరోనా కేసులు 66 లక్షలు దాటేసింది.



Source link

Leave a Reply

Your email address will not be published. Required fields are marked *