foods to avoid at night: రాత్రి వేళల్లో ఈ ఆహారాన్ని తినొద్దు.. ఈ వేళలను పాటించండి – don’t eat these foods before bed


హారాన్ని ఎప్పుడూ సరైన వేళల్లో తీసుకోవాలి. లేకుంటే అజీర్తి, రక్తహీనత, పోషకాహార లోపం, గుండెల్లో మంట, కడుపు నొప్పి, బరువు, కండరాలు, ఎముకలు, నిద్ర సమస్యలు వస్తాయి. సరైన ఆహారం, సరైన సమయానికి తీసుకోవడం వల్ల మనిషి ఆయుష్షు పెరుగుతుంది. దీర్ఘకాలిక రోగాలు సైతం దరిచేరవు.

ఈ వేళలను పాటించండి:
❂ ఉదయం నిద్ర లేచిన సుమారు గంట, రెండు గంటల్లోనే అల్ఫాహారాన్ని తినేయాలి.
❂ ఉదయం 8 నుంచి 9 గంటలకు అల్పాహారాన్ని తినడం మంచిది.
❂ మధ్యాహ్నం 12 గంటలకు భోజనం చేయాలి.
❂ రాత్రి 7 గంటల లోపు భోజనం తినేయాలి.
❂ ఈ వేళలను పాటిస్తే.. మీరు ఎంత ఎక్కువ తిన్నా సమస్య ఉండదు.
❂ ఆహారం తీసుకున్న వెంటనే నిద్రపోవద్దు.
❂ బ్రేక్‌ఫాస్ట్ – లంచ్ – డిన్నర్‌కు మధ్య కనీసం 4 – 5 గంటలు గ్యాప్ ఉండాలి.
❂ ‘బ్రేక్‌ఫాస్ట్‌ను కింగ్‌లా తినాలి – డిన్నర్ బెగ్గర్‌లా తినాలి’ అనే సూత్రాన్ని తప్పకుండా పాటించాలి.
❂ రాత్రి 10 గంటల తర్వాత డిన్నర్ తినొద్దు.

Also Read: వేసవిలో చలవ చేసే 8 బెస్ట్ ఫుడ్స్ ఇవే!

రాత్రి వేళ్లలో వీటిని తినకండి:

✺ రాత్రి వేళ్లలో పండ్లు తినడం మంచిది కాదు. పండ్లలో ఉండే యాసిడ్లు గాస్ట్రిక్ సమస్యలకు దారితీయొచ్చు.
✺ సిట్రస్ స్థాయిలు ఎక్కువగా ఉండే నారింజ, ద్రాక్ష, పైనాపిల్ పండ్లను తినకూడదు. వీటిని ఖాళీ కడుపున అస్సలు తినొద్దు.
✺ పిజ్జా, బర్గర్ వంటి స్పైసీ ఆహారాన్ని అస్సలు తినొద్దు. ఇది జీర్ణం కావడానికి చాలా సమయం పడుతుంది.
✺ టమోటా సాస్‌లు, చీజ్‌లు జీర్ణక్రియకు ఇబ్బంది కలిగిస్తాయి.
✺ రాత్రి పూట పెరుగు తినకపోవడం మంచిది. జలుబు, దగ్గు, అలర్జీ సమస్యలు ఉన్నారు పెరుగుకు దూరంగా ఉండాలి. రాత్రి వేళ పెరుగుతో భోజనం చేస్తే శ్లేష్మం ఏర్పడుతుంది.
✺ రాత్రి నిద్ర సమయంలో ఆహారాన్ని తింటే కార్బోహైడ్రేట్లు వల్ల రక్తంలో చక్కెర స్థాయిలు పెరిగిపోతాయి.
✺ రాత్రి వేళల్లో కాఫీ, టీలు తాగడం మంచిది కాదు. ఉదయం, మధ్యాహ్నం, సాయంత్రం వేళల్లో తీసుకోవడమే మంచిది.
✺ రాత్రి వేళ పూర్తిగా ఆహారం మానివేయడం మంచిది కాదు. కొంతైనా సరే తినాలి. లేకపోతే చక్కెర స్థాయిలు పడిపోతాయి.
✺ రాత్రి వేళల్లో మాంసాహారానికి దూరంగా ఉండండి. మాంసంలో ఉండే అధిక ప్రోటీన్స్, కొవ్వు పదార్థాలు త్వరగా జీర్ణం కావు.
✺ రాత్రి భోజనం తర్వాత స్వీట్లు తినకండి. రక్త ప్రసరణపై ఒత్తిడి పెరుగుతుంది.
✺ రాత్రి వేళ్లలో తక్కువ క్యాలరీ, త్వరగా జీర్ణమయ్యే ఆహారాన్ని మాత్రమే తినాలి.
✺ భోజనం తర్వాత అరటి పండు తినడం మంచిదే. కానీ, రాత్రి వేళ్లలో తీసుకోవద్దు. దీనివల్ల ఊపిరితీత్తుల్లో శ్లేష్మం ఏర్పరుస్తుంది.
✺ యాపిల్ కూడా ఆరోగ్యానికి మంచిదే. కానీ, రాత్రివేళల్లో తింటే కడుపులో యాసిడ్ స్థాయిలు పెరుగుతాయి.
✺ అన్నంలో కార్బోహైడ్రేట్లు అధిక స్థాయిలో ఉంటాయి. రాత్రివేళ అన్నం తిన్నట్లయితే బరువు పెరుగుతారు.
✺ అన్నానికి ప్రత్యామ్నయంగా గోదుమ లేదా జొన్న రొట్లు తినడం మంచిది.
✺ రాత్రి పూట బాదం, పిస్తా, వాల్ నట్స్ తీసుకుంటే అజీర్ణం, గ్యాస్ సమస్యలు వస్తాయి.
✺ తీపివస్తువులు, డార్క్ చాక్లెట్లు రాత్రి వేళల్లో తినకపోవడం ఉత్తమం.



Source link

Leave a Reply

Your email address will not be published. Required fields are marked *