Friendship Day: ఫ్రెండ్స్ ఉంటే ఇన్ని లాభాలా.. – importance of friends in our lives know here


స్నేహాన్ని నిర్వచించడం చాలా కష్టం. ఇది మాటలకు అందని రిలేషన్ షిప్. మన గురించి మనకు గొప్పగా అనిపించేలా చేసేవారు స్నేహితులనడంలో సందేహం లేదు. లైఫ్‌లోని కష్టమైన పరిస్థితులు కూడా మనకు తేలిగ్గా కనపడేలా చేస్తారు. మూడ్ ఆఫ్ లో ఉంటే చిరునవ్వును తెప్పించే ప్రయత్నం చేస్తారు. స్నేహితులు కేవలం సుఖాల్లోనే కాదు కష్టాల్లో కూడా తోడుంటారు. ప్రపంచం మొత్తం ఒంటరిని చేసినా నీ స్నేహితుడు మాత్రం నీ పక్కనే ఉంటాడు. కాబట్టి, ఫ్రెండ్ షిప్ కు ఒక ప్రత్యేకమైన డిస్క్రిప్షన్ ఇవ్వలేము.

ప్రతి రిలేషన్షిప్ కు బేసిక్ ఫౌండేషన్ అనేది ఫ్రెండ్షిప్ అనే చెప్పుకోవాలి. మీ భర్త/భార్యతో, పిల్లలతో, కోవర్కర్ లేదా మీ పక్కింటి వారితో ఇలా ప్రతి చోటా ఫ్రెండ్షిప్ అనేదే పునాది. ఫ్రెండ్స్ లేకపోతే లైఫ్ కు అర్థం లేదు. స్నేహితులు లేని లైఫ్ డల్ గా మీనింగ్ లెస్ గా సాగుతుంది. ఫ్రెండ్ షిప్ ఇంపార్టెన్స్ ను తెలిపే 10 రీజన్స్ ను ఇక్కడ షేర్ చేస్తున్నాము.

1. బ్యాడ్ టైమ్స్ లో సపోర్ట్ ఇస్తారు:

ప్రతి ఒక్కరూ లైఫ్ లో డిఫికల్ట్ ఫేజ్ ను ఫేస్ చేస్తారు. అటువంటి సమయంలో మనసులోని బాధనంతా బయటపెట్టడానికి ఒక స్నేహం కావాలి. స్నేహితుల దగ్గరే మనసు విప్పి మాట్లాడగలుగుతారు. మన నాన్సెన్స్ టాక్స్ వినడానికి వారెప్పుడూ పేషన్స్ తో సిద్ధంగా ఉంటారు. మన మనసును తేలికపరచడానికి మనం చెప్పేదంతా ఓర్పుతో వింటారు. ఈ కష్టమైన దశను దాటడానికి సలహాలు ఇస్తారు. కష్టసమయంలో అవసరమైన స్నేహహస్తాన్ని అందిస్తారు. సిట్చ్యువేషన్ ఎలా ఉన్నా పాజిటివ్ ఎనర్జీని ఇవ్వడానికి స్నేహితులు ఎప్పుడూ ముందుంటారు.

iStock-183419283

2. లైఫ్ కు మీనింగ్ ఇస్తారు:

ఒక్కసారి ఊహించుకోండి, స్నేహితులు లేకపోతే పరిస్థితి ఎలా ఉంటుందో. ఆటల్లో మిమ్మల్ని ఎంకరేజ్ చేసే వారుండరు. మీకేపని లేకపోతే మీకు కంపెనీ ఇచ్చేవారెవరూ ఉండరు. బోరింగ్ డేస్ లో కాస్తంత ఫన్ ను యాడ్ చేసేవారెవరూ ఉండరు. ఓవరాల్ గా స్నేహితులు లైఫ్ కి మీనింగ్ కలిగిస్తారు. స్నేహితులతో టైమ్ స్పెండ్ చేసేటప్పుడు గట్టిగా నవ్వడం సహజమే. కాబట్టి, ఎనర్జిటిక్ గా హెల్తీగా ఉంటారు. డిప్రెషన్ ను అధిగమించడానికి మెంటల్ హెల్త్ ను ఇంప్రూవ్ చేసుకోవడానికి స్నేహితులు అవసరం.

Also Read : కాఫీ తాగితే షుగర్ వ్యాధి రాదా.. నిపుణులు ఏమంటున్నారంటే..

3. యాక్టివ్ గా ఉంచుతారు:

మనకోసం టైమ్ కేటాయించడానికి ఫ్రెండ్స్ ఎప్పుడూ సిద్ధంగానే ఉంటారు. అటు సాహస యాత్రకు తీసుకెళ్లడానికైనా లేదా ఊహకందనటువంటి అందమైన ప్రదేశాలకు తీసుకువెళ్లడానికైనా స్నేహితులు ఎప్పుడూ ముందుంటారు. ఫ్రెండ్స్ ఎవరూ లేకపోతే ఇంట్లోనే ఒంటరిగా కూర్చుని టీవీ చూడడం గానీ వీడియో గేమ్స్ ఆడటం గాని చేస్తుంటారు. ఫ్రెండ్స్ ఉంటే మాత్రం బయటకు వెళ్లి వివిధ ప్రాంతాలను సందర్శించడం జరుగుతుంది. ఫ్రెండ్స్ ఉంటే యాక్టివ్ గా ఉండే అవకాశం ఉంటుంది. కాబట్టి హెల్తీ లైఫ్ స్టైల్ ను మెయింటెయిన్ చేయడం సాధ్యమవుతుంది.

4. సీక్రెట్స్ షేర్ చేస్తారు:

ప్రతి ఒక్కరికీ లైఫ్ లో డార్క్ సీక్రెట్స్ ఉంటాయి. ఫ్రెండ్స్ అనేవారు సీక్రెట్ బ్యాంక్స్ లాంటివారు. నిజానికి, ఫ్రెండ్స్ తో సీక్రెట్ షేర్ చేయడం ఎంతో సురక్షితం. మీ ఫస్ట్ క్రష్ గురించి కావచ్చు, ఫస్ట్ కిస్ లేదా ఫ్యామిలీ ప్రాబ్లెమ్స్ ఇలా ఎన్నో విషయాలు ఫ్రెండ్స్ తో షేర్ చేసుకోవచ్చు.

5. సెల్ఫ్ కాన్ఫిడెన్స్ ను బూస్ట్ చేస్తారు:

కొన్ని సార్లు మన సామర్థ్యం పట్ల అలాగే మన ఎబిలిటీస్ తో పాటు నిర్ణయాల పట్ల మనకే నమ్మకం కలగదు. అటువంటి సమయంలో ఫ్రెండ్స్ మనకు కావాల్సినంత కాన్ఫిడెన్స్ ఇస్తారు. ఎంకరేజ్ చేస్తారు. ముందడుగు వేసే ధైర్యం ఇస్తారు. ఎంత కష్టమైన టాస్కయినా సరే అఛీవ్ చేసే కాన్ఫిడెన్స్ ఇస్తారు. మన కలలు నిజమయ్యేందుకు సహకరిస్తారు. మన గోల్స్ ను మనం రీచవడానికి హెల్ప్ చేస్తారు. మనల్ని పూర్తిగా నమ్ముతారు. లైఫ్ లో ముందడుగు వేయడానికి ఇది ఎంతో అవసరం.

6. కంఫర్ట్ జోన్:

ఫ్రెండ్స్ తో ఉన్నప్పుడు మనం మనలా ఉండవచ్చు. మేకప్ అవసరం లేదు, స్టైల్ గా రెడీ అవ్వాల్సిన అవసరం కూడా లేదు. ఇవన్నీ ఫ్రెండ్స్ పెద్దగా పట్టించుకోరు. మనల్ని మనలాగానే ఇష్టపడతారు. వారు మనలోని అన్ని కోణాలను చూసేసారు. మన మనసులో ఏముందో కూడా వారిట్టే కనిపెట్టేస్తారు. మన వీక్ నెస్, లోపాలు, డార్క్ పాస్ట్, ఇలా ప్రతీది వారికి తెలుసు. స్నేహితుల ముందు నటించనక్కర్లేదు. కాబట్టి ఫ్రెండ్స్ తో ఉంటే కంఫర్ట్ జోన్ లో ఉన్నట్టే.

Also Read : మీ స్కిన్‌కి సూటయ్యే కన్సీలర్ ఇవే..

7. రియాలిటీలోకి తీసుకువస్తారు:

మనం ప్రెడిక్ట్ చేయలేని పరిస్థితులను కూడా ఫ్రెండ్స్ ప్రెడిక్ట్ చేయగలుగుతారు. ఉదాహరణకు మీ గర్ల్ ఫ్రెండ్ గాని బాయ్ ఫ్రెండ్ గాని చీట్ చేస్తున్నట్టయితే వారు మీకు ఆ విషయాన్ని చెప్పేస్తారు. మీ డ్రెస్ బాగుందో లేదో మొహమాటం లేకుండా చెప్పేస్తారు. నిజం కఠినంగా ఉన్నా మీకు చెబుతారు. మిమ్మల్ని మాత్రం తక్కువ చేయరు. మీరు ఊహల్లో విహరిస్తున్నా మిమ్మల్ని భూమ్మీదకు తీసుకువస్తారు.

ఫ్రెండ్షిప్ ఇంపార్టెన్స్

“మీ పక్కన సరైన వ్యక్తులుంటే ఏదైనా సాధ్యమే”…ఈ స్టేట్మెంట్ ఫ్రెండ్షిప్ కు పెర్ఫెక్ట్ గా వర్తిస్తుంది. లైఫ్ లో మంచి స్నేహితులుంటే మీ జీవిత లక్ష్యాలను మీరు సులభంగా చేరుకోగలరు. ఫ్రెండ్ షిప్ వల్ల కలిగే లాభాలేంటో ఇప్పుడు తెలుసుకుందాం.

iStock-1152505250

1. ఫ్రెండ్స్ ఉండటం వల్ల మెంటల్ హెల్త్ ఇంప్రూవ్ అవుతుంది. మనసులోని బాధాకర ఆలోచనలను తరిమికొట్టేందుకు ఫ్రెండ్స్ హెల్ప్ చేస్తారు. లైఫ్ లోని ఇంపార్టెంట్ విషయాలపై ఫోకస్ పెట్టాల్సిన అవసరాన్ని తెలియచేస్తారు. హ్యూమర్ అలాగే ఫన్ యాక్టివిటీస్ తో మనలోని ఆలోచనలను రిఫ్రెష్ చేస్తారు.

Also Read : గుండె సమస్యలు రాకుండా ఉండాలంటే ఇలా చేయండి..

2. ఫ్రెండ్స్ తో సమయాన్ని గడిపితే ఒత్తిడి తగ్గుతుంది. బోరింగ్ రోటీన్స్ నుంచి దూరంగా తీసుకెళ్తారు. ఒత్తిడి కలిగించే సమస్యల బరువును తగ్గించే ప్రయత్నం చేస్తారు. లైఫ్ అంతా చికాకుగా ఉన్నప్పుడు ఫ్రెండ్స్ దగ్గర రిలీఫ్ లభిస్తుంది. మిస్టేక్స్ ను కూడా కంస్ట్రక్టివ్ వే లో చూసేలా మనల్ని ట్రెయిన్ చేస్తారు.

3. ఫ్రెండ్స్ తో సమయం గడిపితే మెంటల్ హెల్త్ మాత్రమే కాదు ఫిజికల్ హెల్త్ కూడా ఇంప్రూవ్ అవుతుంది. ఫ్రెండ్స్ తో వివిధ ఫిజికల్ యాక్టివిటీస్ లో పార్టిసిపేట్ చేస్తాము. క్రీడల్లో పార్టిసిపేట్ చేస్తాము. దాంతో ఫిజికల్ గా ఫిట్ గా ఉంటాము.

4. అన్ని విషయాలు బుక్స్ ద్వారా అలాగే తల్లిదండ్రుల ద్వారానే తెలియవు. కొన్ని విషయాలకు స్నేహితులే గురువులు. ఫ్రెండ్స్ వల్ల సోషల్ గా యాక్టివ్ గా ఉండటం తెలుస్తుంది. సోషల్ గ్యాదరింగ్స్ లో మ్యానర్స్ అలాగే యాటిట్యుడ్స్ తెలుస్తాయి. కమ్యూనికేషన్ తో పాటు ఇంటరాక్షన్ వంటివి స్నేహితుల ద్వారా తెలుస్తాయి.

ఫ్రెండ్షిప్ గొప్పతనం గురించి తెలుసుకున్నారు కదా. చీటికీమాటికీ ఫోన్ చేసి విసిగించే ఫ్రెండ్స్ పై చిరాకు ప్రదర్శించకండి. మీకోసం వారు పడే తాపత్రయాన్ని గమనించి వారితో ప్రశాంతంగా మాట్లాడండి. స్నేహాన్ని కాపాడుకోండి. హ్యాపీ ఫ్రెండ్షిప్ డే.



Source link

Leave a Reply

Your email address will not be published. Required fields are marked *