friendship day 2019 : స్నేహమే మీ బలహీనత? అయితే, ప్రపంచంలో మీరే బలవంతుడు! – history and importance of friendship day and celebrations around the world


అమ్మానాన్నలు, సోదరులను దేవుడే సృష్టించి స్నేహితులను మాత్రం ఎంపికచేసుకునే అవకాశం మనకే ఇచ్చాడు. అమ్మ అనే పదం తర్వాత అంతటి ఆత్మీయతను ధ్వనింపజేసే మాట స్నేహం. స్నేహం ఆ దేవుడిచ్చిన గొప్ప వరం. మంచి స్నేహాతుడిని సంపాదించుకుని భద్రంగా కాపాడుకుంటే వారు జీవితాంతం సంతోషంగా ఉంచుతారు. మనలా ఆలోచించి, గురువులా బోధించి, తప్పు చేసినప్పుడు మందిలించే వ్యక్తి నిజమైన స్నేహితుడు. సృష్టిలో తీయనైనది కలకాలం నిలిచిపోయేది స్నేహం. అనుబంధాలకు ఆత్మీయతకు చిరునామా.. అనుభూతుల నెలవై.. అనుభవాల కొలువై… వర్ణించడానికి వీలులేని అందమైనది అపురూపమైనది చెలిమి.


పల్లె పట్టణం తేడా లేకుండా, వృత్తి ఏదైనా ప్రవృత్తి అంతరంగంలో అరమరికలు లేకుండా మనషులు వేరైనా మనసులో ఒకటిగా పెనవేసుకునేది చెలిమి. స్నేహానికి కులం.. మతం… అనే తారతమ్యం లేదు… స్నేహం పవిత్రమైంది… నిజమైన స్నేహానికి మించిన ఆస్తులు లేవు. కన్నవారితో, కట్టుకున్న వారితో, తోబుట్టువులతో చెప్పుకొలేని ఎన్నో విషయాలను మిత్రులకు చెప్పుకోవడమంటే స్నేహం ఎంత గొప్పదో అర్థమవుతుంది.

కష్ట సుఖాలలో అండగా ఉంటూ, నిస్వార్థంగా సాయం అందించే వారు నిజమైన స్నేహితులు. ఈ ప్రపంచంలో నాకేవరూ లేరు, నాకు చుట్టాలు, బంధువులు లేరు అనే వారు ఎక్కడైనా ఉంటారేమోగాని స్నేహితులు లేనివారు ఎవరూ ఉండరనేది అక్షర సత్యం. ఈ సృష్టిలో నిజమైన స్నేహం కంటే విలువైన బహుమానం మరొకటి లేదు. కల్మషం లేని, కమ్మనేనైది స్నేహమొక్కటే. మంచి స్నేహితుల మధ్య ఎలాంటి మొహమాటాలు, రహస్యాలు ఉండవు. కష్టంలో కలత చెందిన మనసుకి వెన్నలా చల్లదనాన్ని, ప్రశాంతతను కలిగించే దివ్యౌషధం స్నేహం.

Also Read:
ట్రెండ్ మారినా ఫ్రెండ్ మారడు.. బెస్ట్ ఫ్రెండ్ షిప్ సాంగ్స్..

అలాంటి స్నేహానికి ప్రత్యేకంగా ఒక రోజు అవసరమా… అంటే అవసరమేనంటూ ప్రపంచ వ్యాప్తంగా ఒక రోజును నిర్ణయించుకొని స్నేహితుల దినోత్సవాన్ని వేడుకలా జరుపుకుంటున్నారు. అంతర్జాతీయ స్నేహితుల దినోత్సవాన్ని ఏటా ఆగస్టు తొలి ఆదివారం జరుపుకుంటారు. ఈ రోజున స్నేహితులపై ఉన్న తమ ప్రేమ వ్యక్తంచేస్తారు. ఈ సందర్భంగా గ్రీటింగ్ కార్డ్స్, ఫ్రెండిషిప్ బ్యాండ్స్, బహుమతులు ఇచ్చిపుచ్చుకుంటారు. అమెరికా ప్రభుత్వం 1935 ఆగస్టు మొదటి శనివారం ఓ వ్యక్తిని హతమార్చగా, ఈ మరణ వార్త విని ఆ మర్నాడు (అంటే ఆదివారం) అతడి స్నేహితుడు ఆత్మహత్యకు పాల్పడ్డాడు.

ఈ సంఘటనకు స్పందించిన ఆమెరికా ప్రభుత్వం వీరిద్దరి స్నేహానికి గుర్తుగా అప్పటి నుంచి ఏటా ఆగస్టు తొలి ఆదివారాన్ని స్నేహితుల దినోత్సవంగా ప్రకటించినట్లు చరిత్ర చెబుతుంది. 1935లో యునైటెడ్ స్టేట్స్ కాంగ్రెస్ ఆగస్టు మొదటి ఆదివారాన్ని జాతీయ స్నేహితుల రోజు గా ప్రకటించింది. దీంతో ప్రతి ఆగస్టు మొదటి ఆదివారాన్ని స్నేహితుల దినోత్సవంగా జరుపుకొంటున్నారు. అయితే 1958లో అంతర్జాతీయ స్నేహితుల దినోత్సవంగా పరాగ్వే ప్రతిపాదించింది. దీంతో ఆగస్టు తొలి ఆదివారాన్ని ఫ్రెండ్‌షిప్ డేగా నిర్వహిస్తున్నారు. ఇక, జులై 30ను అంతర్జాతీయ స్నేహితుల దినోత్సవంగా ఐక్యరాజ్యసమితి సాధారణ సభ 2011 ఏప్రిల్ 27న ప్రకటించింది.





Source link

Leave a Reply

Your email address will not be published. Required fields are marked *