friendship first look: క్రికెటర్ హర్భజన్ సింగ్ ‘ఫ్రెండ్‌షిప్’ ఫ‌స్ట్‌లుక్.. మోషన్ పోస్టర్ అదిరింది! – harbhajan singh, arjun sarja friendship movie first look released


భారత మాజీ క్రికెటర్, స్పిన్ బౌలర్ హర్భజన్ సింగ్ తొలిసారి నటిస్తున్న చిత్రం ‘ఫ్రెండ్‌షిప్’. నిన్న మొన్నటి వరకు పలు బ్రాండ్లకు ప్రచారకర్తగా వ్యవహరించిన భజ్జీ.. ఇప్పుడు తొలిసారి ఫీచర్ ఫిల్మ్ ద్వారా ప్రేక్షకులను పలకరించబోతున్నారు. హీరోగా పరిచయమవుతున్నారు. త‌మిళ బిగ్ బాస్ ఫేమ్ లోస్లియా మ‌రియ‌నేస‌న్ హీరోయిన్‌గా న‌టిస్తోంది. ఈ చిత్రంలో కీలక పాత్రల‌లో యాక్షన్ కింగ్ అర్జున్, త‌మిళ న‌టుడు స‌తీష్‌ న‌టిస్తున్నారు. ఈ చిత్రానికి జాన్ పాల్ రాజ్‌, శ్యామ్ సూర్య ద‌ర్శక‌త్వం వ‌హిస్తున్నారు.

సీన్‌టొ స్టూడియోస్‌, సినీ మాస్ స్టూడియోస్ ప‌తాకాల‌పై జేపీఆర్, స్టాలిన్ ఈ చిత్రాన్ని నిర్మిస్తున్నారు. కాగా, ఈరోజు ‘ఫ్రెండ్ షిప్’ మూవీ ఫ‌స్ట్‌లుక్ మోష‌న్ పోస్టర్‌ని విడుద‌ల చేసింది చిత్ర యూనిట్‌. హ‌ర్భజన్ సింగ్‌, యాక్షన్ కింగ్ అర్జున్‌, ‌లోస్లియా మ‌రియ‌నేస‌న్ క‌లిసి ఉన్న ఈ ఫ‌స్ట్‌లుక్, మోష‌న్ పోస్టర్‌కి సోష‌ల్ మీడియాలో మంచి రెస్పాన్స్ వ‌స్తోంది. ఈ చిత్రాన్ని తెలుగు, హిందీ, త‌మిళ్‌, ఇంగ్లిష్ భాషల్లో విడుదల చేస్తున్నారు. సినిమాలోని ఇతర నటీనటులు, సాంకేతిక నిపుణుల వివరాలు త్వరలో వెల్లడించనున్నారు.

samayam telugu



Source link

Leave a Reply

Your email address will not be published. Required fields are marked *