gandhi hospital security strengthen : గాంధీ ఆస్పత్రికి భారీ బందోబస్తు.. 200 మంది పోలీసులతో.. – security in gandhi hospital strengthen by police amid patients attacks on doctors


కరోనా వైద్య సేవలందిస్తున్న గాంధీ ఆస్పత్రికి పోలీసుల భద్రతను కట్టుదిట్టం చేశారు. బుధవారం కరోనా పాజిటివ్ రోగులు డాక్టర్లపై దాడికి దిగిన సంగతి తెలిసిందే. ఈ నేపథ్యంలో తాజా నిర్ణయం తీసుకున్నారు. దాదాపు 200 మంది పోలీసులతో గాంధీ ఆస్పత్రికి భద్రతను ఏర్పాటు చేసినట్లు అధికారులు వెల్లడించారు. దీనికి సంబంధించిన భద్రత పర్యవేక్షణ బాధ్యతలను సీపీ అంజనీకుమార్ నార్త్ జోన్ డీసీపీ కమలేశ్వర్‌కు అప్పగించారు. గాంధీ ఆసుపత్రికి మొత్తం మూడంచెల భద్రత వ్యవస్థను ఏర్పాటు చేసినట్లు డీసీపీ వెల్లడించారు.


Also Read:
గద్వాల, ములుగులో కరోనా విజృంభణ.. రెడ్ జోన్ల ఏర్పాటు!

భద్రత వ్యవస్థలో భాగంగా గాంధీ ఆసుపత్రిలోని 5, 6, 7, 8 అంతస్తులకు కట్టుదిట్టమైన భద్రతా ఏర్పాట్లు చేసినట్లు పోలీసు ఉన్నతాధికారులు చెప్పారు. ఈ నాలుగు అంతస్తుల్లోని రెండు అంతస్తుల్లో ఐసోలేషన్ వార్డు ఉండగా మరో రెండు అంతస్తుల్లో కరోనా పాజిటివ్ రోగులకు చికిత్స అందిస్తున్నారు. ప్రతి వార్డుకు ఒక ఎస్సైతో పాటు కొంతమంది సాయుధ పోలీసులు అధికారులను నియమించారు. దీంతోపాటుగా గాంధీ ఆసుపత్రి గ్రౌండ్ ఫ్లోర్‌లో ఒక ఇన్‌స్పెక్టర్ ఇన్‌ఛార్జితో సెక్యూరిటీ ఏర్పాటు చేశారు.

Also Read: వనపర్తి కానిస్టేబుల్‌ సస్పెండ్.. బాధితుడి ఇంటికి వెళ్లిన ఎస్పీ

మరోవైపు, ఆసుపత్రి బ్లాక్ ముందు ఇద్దరు ఇన్‌స్పెక్టర్లతో సెక్యూరిటీని పెట్టారు. ఇద్దరు అడిషనల్ డీసీపీలతో పాటు ఇద్దరు ఏసీపీలు 12 మంది ఇన్‌స్పెక్టర్లు 27 మంది ఎస్ఐలతో గాంధీలో బందోబస్తు కట్టుదిట్టం చేశారు. మొత్తం 200 మంది పోలీసు అధికారులతో గాంధీని చక్రబంధం చేసినట్లు పోలీసు ఉన్నతాధికారులు తెలిపారు.

Also Read:
ఇక లాక్‌డౌన్ ఉల్లంఘిస్తే అంతే.. కేంద్రం తాజా కఠిన ఆదేశాలివే..





Source link

Leave a Reply

Your email address will not be published. Required fields are marked *