gandhi statue desecrated: అమెరికా అల్లర్లలో జాతిపితకు అవమానం.. క్షమాపణ కోరిన అగ్రరాజ్యం – us ambassador to india apologises over desecration of gandhi statue in washington


పోలీసుల దాష్టికానికి బలైపోయిన ఆఫ్రికన్-అమెరికన్ జార్జ్ ఫ్లాయిడ్ ఘటన అగ్రరాజ్యంలో ఆందోళనలకు దారితీసిన విషయం తెలిసిందే. పలు నగరాల్లో హింసాత్మక ఘటనలు చెలరేగి.. వందలాది మంది గాయపడ్డారు. పోలీసులు, సైన్యంపై ఆందోళనకారులు రాళ్లు రువ్వి, దాడులకు పాల్పడ్డారు. అమెరికా అధ్యక్ష భవనం వైట్‌హౌస్‌ను కూడా సెగలు తాకి.. ఏకంగా అధ్యక్షుడు బంకర్లో దాక్కునే పరిస్థితి ఎదురయ్యింది. ఆందోళనకారుల దాడుల్లో పలు జాతీయ స్మారకాలు, విగ్రహాలు ధ్వంసమయ్యాయి.

ఇందులో భాగంగా గుర్తుతెలియని దుండగులు వాషింగ్టన్‌లోని భారత రాయబారి కార్యాలయం వెలుపల భారత జాతిపిత మహాత్మాగాంధీ విగ్రహాన్ని అపవిత్రం చేశారు. విగ్రహంపై రాతలు రాసి, నల్లరంగు పులిమారు. ఈ ఘటనపై అమెరికా విదేశీ వ్యవహారాల శాఖ దృష్టికి తీసుకెళ్లిన భారత రాయబార కార్యాలయం… అక్కడ పోలీసులకూ ఫిర్యాదు చేసింది.

ఈ నేపథ్యంలో గాంధీ విగ్రహంపై దుండగుల దుశ్చర్య విషయంలో భారత్‌కు అమెరికా క్షమాపణలు కోరింది. ‘ఈ ఘటన తీవ్ర విచారకరం. ఫ్లాయిడ్‌ మరణానంతరం చెలరేగిన హింసాకాండ బాధాకరం. అహంకారానికి, వివక్షకు మేం వ్యతిరేకంగా నిలుస్తాం’ అని భారత్‌లో అమెరికా రాయబారి కెన్‌ జస్టర్‌ ట్వీట్‌ చేశారు. ఈ ఘటనపై దర్యాప్తు సంస్థల అధికారులు విచారణ నిర్వహించి, ఆ ప్రాంగణంలో పరిశుభ్రత చర్యలు చేపట్టారు. నాటి ప్రధాని అటల్ బిహారీ వాజ్‌పేయ్, అమెరికా అధ్యక్షుడి బిల్‌ క్లింటన్‌ 2000 సెప్టెంబరు 16న గాంధీ స్మారకాన్ని నెలకొల్పారు. తాజా ఆందోళనల్లో భాగంగా అమెరికాలో ప్రతిష్ఠాత్మకమైన పలు జాతీయ స్మారక చిహ్నాలను నిరసనకారులు ధ్వంసం చేస్తూ వస్తున్నారు.

ఫ్లాయిడ్‌ ఘటనకు నిరసనగా అమెరికాలో పది రోజుల క్రితం మొదలైన ఆందోళనలు గురువారం కొనసాగాయి. ఫిలడెల్ఫియాలో వేర్వేరు చోట్ల 50 ఏటీఎంలను కొల్లగొట్టేందుకు దుండగులు ప్రయత్నించి, కొన్నింటిని ధ్వంసం చేశారు. బ్రూక్లిన్‌లో జరిగిన కాల్పుల్లో ఓ పోలీసు అధికారి ప్రాణాలు కోల్పోయినట్టు న్యూయార్క్‌ నగర పోలీసు శాఖ ప్రకటించింది. పూర్తి వివరాలను మాత్రం వెల్లడించలేదు. మొత్తంమీద నిరసనల్లో హింస గణనీయంగా తగ్గింది. ఆందోళనలకు సంబంధించి అరెస్టయినవారి సంఖ్య 10 వేలు దాటింది. 12 మంది ప్రాణాలు కోల్పోయారు.

ఫ్లాయిడ్‌కు ఏప్రిల్‌లోనే కరోనా సోకిందని వైద్య నిపుణుల నివేదికలు చెబుతున్నాయి. ఆయన చనిపోయాక తీసిన తెమడలోనూ కరోనా ఆచూకీ ఉందని వైద్య నిపుణులు వెల్లడించారు. అయితే వైరస్‌కు, ఆయన మరణానికి నేరుగా సంబంధం లేదని నివేదికలు చెబుతున్నాయి. దీంతో ఫ్లాయిడ్‌ను అరెస్టు చేసినవారు, ఆయనకు వైద్య పరీక్షలు చేసినవారందరూ ఇప్పుడు కరోనా పరీక్షలు చేయించుకుంటున్నారు.



Source link

Leave a Reply

Your email address will not be published. Required fields are marked *