Gautam Gambhir: ధోనీ కాదు.. అనిల్ కుంబ్లే బెస్ట్ కెప్టెన్: గంభీర్ – former india cricketer gautam gambhir names anil kumble as best captain he played under


భారత మాజీ ఓపెనర్ గౌతమ్ గంభీర్ మాజీ కెప్టెన్ మహేంద్రసింగ్ ధోనీ నాయకత్వంలో సుదీర్ఘకాలం మ్యాచ్‌లు ఆడాడు. కానీ.. ధోనీ కంటే అనిల్ కుంబ్లేనే తన దృష్టిలో బెస్ట్ కెప్టెన్‌ అని తాజాగా గౌతమ్ గంభీర్ చెప్పుకొచ్చాడు. ధోనీ కెప్టెన్సీలో 2007 టీ20 వరల్డ్‌కప్, 2011 వన్డే ప్రపంచకప్‌లో ఆడిన గౌతమ్ గంభీర్.. రెండు టోర్నీ ఫైనల్లో భారత్ గెలవడంలో క్రియాశీలక పాత్ర పోషించాడు. కానీ.. అనిల్ కుంబ్లే కెప్టెన్సీలో గంభీర్ కేవలం ఆరు టెస్టులు మాత్రమే ఆడటం విశేషం.

‘‘రికార్డుల పరంగా చూసుకుంటే ధోనీ కెప్టెన్సీలోనే నేను అత్యుత్తమంగా ఆడాను. కానీ.. నా దృష్టిలో అనిల్ కుంబ్లేనే బెస్ట్ కెప్టెన్. టీమిండియా కెప్టెన్‌గా సౌరవ్ గంగూలీ కూడా అద్భుతంగా రాణించాడు. అయితే.. భారత్ జట్టుకి సుదీర్ఘకాలం కెప్టెన్‌గా అనిల్ కుంబ్లేనే బెస్ట్. నిజమే.. అతని కెప్టెన్సీ నేను ఆడింది ఆరు మ్యాచ్‌లే. కుంబ్లే కూడా ఎక్కువ రోజులు కెప్టెన్‌గా లేడు. ఒకవేళ అతను లాంగ్ టైమ్ కెప్టెన్‌గా ఉండింటే..? చాలా రికార్డులు బద్దలయ్యేవి’’ అని గౌతమ్ గంభీర్ వెల్లడించాడు.

వాస్తవానికి మహేంద్రసింగ్ ధోనీ, ప్రస్తుత కెప్టెన్ విరాట్ కోహ్లీ అంటే గౌతమ్ గంభీర్‌కి అస్సలు నచ్చదు. 2011 వన్డే ప్రపంచకప్‌ ఫైనల్లో తనకి కొద్దిలో సెంచరీ మిస్ అవడానికి ధోనీనే కారణమని ఇటీవల ఆరోపణలు గుప్పించిన గౌతమ్ గంభీర్.. విరాట్ కోహ్లీ కెప్టెన్సీపై ఛాన్స్ దొరికినప్పుడల్లా విరుచుకుపడుతుంటాడు.



Source link

Leave a Reply

Your email address will not be published. Required fields are marked *