Gautam Gambhir : రసెల్‌‌ని అప్పట్లో KKR గుర్తించలేదు: గంభీర్ – kolkata knight riders could have won more titles with andre russell: gautam gambhir


ఐపీఎల్‌లో మరిన్ని టైటిల్స్ గెలిచే అవకాశాన్ని అప్పట్లో కోల్‌కతా నైట్‌రైడర్స్ చేజార్చుకుందని ఆ టీమ్ మాజీ కెప్టెన్ గౌతమ్ గంభీర్ అభిప్రాయపడ్డాడు. మొదట్లోనే వెస్టిండీస్ ఆల్‌రౌండర్‌ ఆండ్రీ రసెల్‌ని కోల్‌కతా నైట్‌రైడర్స్ ఫ్రాంఛైజీ కొనుగోలు చేసింటే..? బాగుండేదని చెప్పుకొచ్చిన గంభీర్.. అప్పట్లో అతని ధర రూ. 50 లక్షలేనని గుర్తు చేశాడు.


Read More:
ఐపీఎల్ మజాకి 12 ఏళ్లు.. బీసీసీఐకి బంగారు బాతు

2012లో ఐపీఎల్‌లోకి ఎంట్రీ ఇచ్చిన ఆండ్రీ రసెల్‌ని తొలుత ఢిల్లీ క్యాపిటల్స్ ( అప్పట్లో ఢిల్లీ డేర్‌డెవిల్స్) కొనుగోలు చేసింది. కానీ.. గాయాల కారణంగా 2012, 2013 సీజన్లలో అతను ఆడింది చాలా తక్కువ మ్యాచ్‌లే. దీంతో.. 2014లో వేలంలోకి వచ్చిన రసెల్‌ని కోల్‌కతా నైట్‌రైడర్స్ కొనుగోలు చేయగా.. ఆ ఏడాదే కోల్‌కతా టీమ్ టైటిల్ విజేతగా నిలిచింది. 2019 సీజన్‌లో ఆకాశమే హద్దుగా చెలరేగిన రసెల్ ఏకంగా 510 పరుగులు చేయడంతో పాటు.. 11 వికెట్లు కూడా పడగొట్టాడు.

Read More:
ఐపీఎల్ గ్రేటెస్ట్ టీమ్ ఎలెవన్.. నో రోహిత్ శర్మ

‘‘కోల్‌కతా నైట్‌రైడర్స్ ఫ్రాంఛైజీ రూ. 50 లక్షలకి ఆండ్రీ రసెల్‌ని కొనుగోలు చేయగా.. ఢిల్లీ ఫ్రాంఛైజీ రూ. 8 కోట్లకి పవన్‌ నేగి (భారత ఆల్‌రౌండర్)ని కొనుగోలు చేసిందంటే ఒక్కసారి ఊహించుకోండి. ఒకవేళ నేను కోల్‌కతా కెప్టెన్‌గా ఉన్న రోజుల్లో కాస్త ముందుగానే అతడ్ని కొనుగోలు చేసింటే..? కనీసం ఒకటి లేదా రెండు టైటిల్స్‌ని కోల్‌కతా గెలిచేది’’ అని గంభీర్ వెల్లడించాడు. ఐపీఎల్‌లో ఇప్పటి వరకూ 64 మ్యాచ్‌లాడిన రసెల్ 1400 పరుగులు చేయడంతో పాటు 55 వికెట్లు పడగొట్టాడు.





Source link

Leave a Reply

Your email address will not be published. Required fields are marked *