Gautam Gambhir comments on rohit sharma’s success: రోహిత్ స‌క్సెస్‌ వెనుక ధోనీ శ్రమ చాలా ఉంది: గ‌ంభీర్‌ – indian former cricketer gautam gambhir says ms dhoni deserves a lot of credit for rohit sharma’s success


భారత మాజీ కెప్టెన్ ఎంఎస్ ధోనీపై మాజీ క్రికెట‌ర్ క‌మ్ ఎంపీ గౌతం గంభీర్ ప్ర‌శంస‌లు కురిపించాడు. భార‌త విధ్వంస‌క ఓపెన‌ర్ రోహిత్ శ‌ర్మ ఈ స్థాయికి రావ‌డానికి గ‌ల‌ కార‌ణం ధోనీయేన‌ని గంభీర్ పేర్కొన్నాడు. కెప్టెన్ మ‌ద్ధ‌తు లేకుంటే, టీమ్ మేనేజ్మెంట్‌, సెలెక్ష‌న్ క‌మిటీ ఒక ఆట‌గాడికి వ‌రుస‌గా అవ‌కాశాలు క‌ల్పించ‌లేదని తెలిపాడు. జట్టులో కుదురుకునేవరకు రోహిత్‌కు ధోనీ చాలా మ‌ద్ద‌తుగా నిలిచాడని పేర్కొన్నాడు. ఈరోజు రోహిత్ ఇంతగా సక్సెస్ అవడంలో ధోనీకి చాలా క్రెడిట్ ఇవ్వాల్సిన అవ‌స‌ర‌ముందని తెలిపాడు. ధోనీలాగా ఆటగాళ్లకు మ‌ద్ద‌తుగా నిలిచే కెప్టెన్లు చాలా అరుదుగా ఉంటార‌ని పేర్కొన్నాడు.


నిజానికి 2007లో అరంగేట్రం చేసిన త‌ర్వాత రోహిత్‌ కెరీర్ సాఫీగా సాగలేదు. మిడిలార్డ‌ర్ అత‌ని ఆట‌తీరు సాధార‌ణంగానే ఉండేది. అయితే 2013లో చాంపియ‌న్స్ ట్రోఫీ సంద‌ర్బంగా రోహిత్‌ను ఓపెన‌ర్‌గా పంపాల‌నే ధోనీ నిర్ణ‌యం అత‌ని త‌ల‌రాత‌నే మార్చివేసింది. ఈ సిరీస్‌లో ఐదు మ్యాచ్‌ల్లోనే 177 ర‌న్స్ చేసి త‌న స్థానాని ప‌టిష్టం చేసుకున్నాడు. అంతకుముందు టీమిండియా నుంచి ఉద్వాస‌న‌కు గురికాకుండా ధోనీ ఎన్నోసార్లు కాపు కాశాడ‌ని గంభీర్‌ తెలిపాడు.


రోహిత్ కెరీర్ తొలినాళ్ల‌లో టీమ్ సెలెక్ష‌న్‌పై చ‌ర్చ జ‌రిగిన‌ప్పుడు హిట్‌మ్యాన్‌పై వేటుకు చాలాసార్లు సెలెక్టర్ల మధ్య చ‌ర్చ జ‌రిగేద‌ని గంభీర్ తెలిపాడు. అయితే టీమిండియాలో రోహిత్ ఉండాల‌ని ధోనీ చాలాసార్లు ‌ప‌ట్టుబ‌ట్టిన‌ట్లు పేర్కొన్నాడు. రోహిత్‌లోని టాలెంట్‌పై అపార న‌మ్మ‌కముంచిన ధోనీ.. అత‌నికి వీలైనన్ని అవ‌కాశాలు ల‌భించేలా చూశాడ‌ని గంభీర్ పేర్కొన్నాడు. 2013 త‌ర్వాత వైట్‌బాల్ క్రికెట్‌లో రోహిత్ స‌త్తాచాటాడు. ఈ క్ర‌మంలో వ‌న్డేల్లో మూడు డ‌బుల్ సెంచ‌రీలు చేసిన ఏకైక ప్లేయ‌ర్‌గా నిలిచాడు. అలాగే గ‌తేడాది వ‌న్డే ప్ర‌పంచ‌క‌ప్‌లో ఐదు సెంచ‌రీల‌తో ప్ర‌పంచ రికార్డు నెల‌కొల్పాడు. మ‌రోవైపు గ‌తేడాది నుంచి టెస్టుల్లోనూ త‌న స్థానాన్ని ప‌దిలం చేసుకున్నాడు.



Source link

Leave a Reply

Your email address will not be published. Required fields are marked *