GDP growth rate: కరోనా ప్రభావంతో ఆర్థిక వ్యవస్థ కుదేలు.. 11 ఏళ్ల కనిష్టానికి జీడీపీ వృద్ధిరేటు – covid-19 effect: gdp growth sinks to 11-year low at 4.2 per cent


రోనా మహమ్మారి కారణంగా విధించిన లాక్‌డౌన్‌తో దేశ ఆర్థిక వ్యవస్థ కుదేలైంది. ఆసియాలోనే అతిపెద్ద ఆర్థిక వ్యవస్థగా భారత్ అవతరిస్తుందనే ఆశలపై నీళ్లు చల్లుతూ.. జీడీపీ వృద్ధిరేటు 11 ఏళ్ల కనిష్టానికి పడిపోయింది. జాతీయ గణాంక కార్యాలయం శుక్రవారం (మే 29) తెలిపిన వివరాల ప్రకారం.. 2019-20 ఆర్థిక సంవత్సరానికి జీడీపీ వృద్ధి రేటు 4.2గా నమోదైంది. చివరి త్రైమాసికం (జనవరి- మార్చి)లో జీడీపీ వృద్ధిరేటు 3.1గా నమోదైంది. గతేడాది ఇదే క్వార్టర్‌కు జీడీపీ వృద్ధిరేటు 4.1 శాతంగా ఉండేది.

2018-19 ఆర్థిక సంవత్సరంలో 6.1గా ఉన్న జీడీపీ వృద్ధిరేటు ప్రస్తుత ఆర్థిక సంవత్సరానికి 4.2కే పరిమితమైంది. సవరించిన అంచనాల ప్రకారం 5.2గా నమోదవుతుందని భావించగా.. అంతకంటే తక్కువే నమోదైంది. కొవిడ్‌-19 లాక్‌డౌన్‌తో తయారీ, సేవా రంగాలు నిలిచిపోయిన క్రమంలో జీడీపీ వృద్ధిపై అది పాక్షిక ప్రభావం చూపింది.

కరోనా వైరస్‌ పంజా విసురుతుండటంతో ప్రపంచ దేశాల్లో వాణిజ్య కార్యకలాపాలు నిలిచిపోవడంతో ఆ ప్రభావం భారత్‌పైనా పడింది. కరోనా మహమ్మారిపై రెండు నెలలుగా పోరు సాగిస్తున్న భారత్.. మార్చి 25 నుంచి లాక్‌డౌన్‌ విధించిన సంగతి తెలిసిందే. వివిధ రంగాలపై లాక్‌డౌన్ ప్రభావం తీవ్రంగా పడింది. ఆర్థిక వ్యవస్థపై తీవ్ర ప్రభావం చూపుతున్న వేళ ఇప్పటికే పలు సడలింపులు ఇచ్చిన కేంద్ర ప్రభుత్వం జూన్ 1 నుంచి మరిన్ని సడలింపులు ఇచ్చే యోచనలో ఉంది.

Also Read:ఢిల్లీ: గంటలో రెండుసార్లు భూకంపం.. ఏదో జరుగుతోంది!



Source link

Leave a Reply

Your email address will not be published. Required fields are marked *