giddalur parents harassed: తల్లిదండ్రులను కర్రతో చావబాదిన కొడుకు.. ప్రకాశంలో దారుణం – man thrashes aged parents for money in prakasam district


డబ్బు మాయలో మానవ సంబంధాలను మంటగలుపుతున్నారు కొందరు దుర్మార్గులు. తన, మన భేదం లేకుండా అమానుషంగా వ్యవహరిస్తున్నారు. సొంతవారిని.. కన్నవారిని సైతం లెక్కచేయడం లేదు. అలాంటి దారుణ ఘటన ఒకటి తాజాగా వెలుగుచూసింది. వృద్ధాప్యంలో కన్నవారిని కంటికి రెప్పలా చూసుకోవాల్సిన కన్నకొడుకే డబ్బుల కోసం చావబాదిన అమానుష ఘటన ప్రకాశం జిల్లాలో చోటుచేసుకుంది.

రాచర్ల మండలం జేపీ చెరువు గ్రామానికి చెందిన నక్కా రంగయ్య దంపతులు ఐదు లక్షలు బ్యాంకులో ఫిక్స్‌డ్ డిపాజిట్ చేశారు. ఆ డబ్బులు కావాలంటూ వారి కొడుకు కొద్దికాలంగా వేధింపులకు గురిచేసేవాడు. అదే విషయమై మరోమారు గొడవ జరిగింది. ఎఫ్డీ చేసిన ఐదు లక్షలు తనకు తెచ్చివ్వాలని కొడుకు అడిగాడు. అందుకు వృద్ధ దంపతులు ఒప్పుకోకపోవడంతో ఆగ్రహం చెందిన కొడుకు వారిపై దాడి చేశాడు.

Also Read: కామపిశాచి పైశాచికం.. బాలికను లాక్కెళ్లి రేప్.. ఫొటోలు, వీడియోలు తీసి..

కనిపెంచిన తల్లిదండ్రులన్న కనికరం కూడా లేకుండా చావబాదాడు. కర్రతో విచక్షణారహితంగా కొట్టడంతో ఇద్దరికీ తీవ్ర గాయాలయ్యాయి. వెంటనే స్థానికులు స్పందించి వారిని ఆస్పత్రికి తీసుకెళ్లినట్లు తెలుస్తోంది. విషయం తెలుసుకున్న స్థానిక పోలీసులు డబ్బుల కోసం దాడి చేసిన కొడుకుపై కేసు నమోదు చేసి దర్యాప్తు చేపట్టారు.

Read Also: నీ భర్తలా భావించు.. నా కోరిక తీర్చు.. లేడీ హోంగార్డుకి ఆ వేధింపులు



Source link

Leave a Reply

Your email address will not be published. Required fields are marked *