glow and lovely: ఫెయిర్ అండ్ లవ్లీ కొత్త పేరు ఇదే! – hindustan unilever’s fair and lovely to be now known as glow and lovely


ప్రధానాంశాలు:

  • పేరు మార్చిన హెచ్‌యూఎల్
  • కొత్త పేరును ప్రకటించిన కంపెనీ
  • ఇకపై ప్రచార చిత్రాల్లోనూ కొత్త పేరే

ఫెయిర్ అండ్ లవ్లీ గురించి చాలా మందికి తెలుసు. దీని గురించి ప్రత్యేకంగా చెప్పాల్సిన అవసరం లేదు. ఇప్పుడు దీని గురించి ఎందుకంటే.. హెచ్‌యూఎల్ కంపెనీ తాజాగా ఫెయిర్ అండ్ లవ్లీ ఫేస్ క్రీమ్ పేరును మార్చేసింది. దీనికి గ్లో అండ్ లవ్లీ అని పేరు పెట్టింది. ఇకపై మీరు ఫెయిర్ అండ్ లవ్లీని గ్లో అండ్ లవ్లీ అని పిలవాల్సి ఉంటుంది.

బ్రాండ్ పేరును మరింత ముందుకు తీసుకెళ్లాలని కంపెనీ యోచిస్తోంది. అందుకే పెయిర్ అండ్ లవ్లీ పేరులో ఫెయిర్ పదాన్ని ఉపయోగించొద్దని నిర్ణయించుకుంది. రెగ్యులేటరీ ఆమోదం లభించిన తర్వాత కంపెనీ ఇప్పుడు కొత్త పేరును ప్రకటించింది.

Also Read: రైల్వే ప్రయాణికులకు శుభవార్త.. పట్టాలెక్కనున్న మరిన్ని ట్రైన్స్.. వాటి వివరాలివే!

ఫెయిర్ అండ్ లవ్లీ పేరు చాలా పాపులర్. మరి ఎందుకని కంపెనీ ఇలాంటి నిర్ణయం తీసుకుందని ఆలోచిస్తున్నారా? అయితే దీనికి ఒక కారణం ఉన్నట్లు తెలుస్తోంది. అమెరికాలో బ్లాక్ లైవ్స్ మేటర్ నిరసనల కారణంగా జాన్సన్ అండ్ జాన్సన్ ఈ మేరకు నిర్ణయం తీసుకుంది. దీంతో అమెరికాలో స్కిన్ లైటనింగ్ ప్రొడక్టుల అమ్మకాలను నిలిపివేస్తున్నట్లు ప్రకటించింది. ఇప్పుడు భారత్‌లోని స్కిన్ వైటనింగ్ బ్రాండ్లకు కూడా ఈ సెగ తాకినట్లు కనిపిస్తోంది. అందుకే ఇప్పుడు హెచ్‌యూఎల్ కూడా కొత్త పేరును ప్రకటించింది.

కాగా 1975లో కంపెనీ ఫెయిర్ అండ్ లవ్లీ బ్రాండ్‌ను మార్కెట్‌‌లోకి తెచ్చింది. అప్పటి నుంచి ఒకే పేరు ఉంటూ వచ్చింది. ఇప్పుడు 45 ఏళ్ల తర్వాత పేరు మార్చింది. ఇకపోతే పేరు మార్పు నేపథ్యంలో కంపెనీ ప్రచార చిత్రాల్లో కేవలం తెల్లగా ఉన్న వారు మాత్రమే కాకుండా ఇకపై అన్ని రకాల రంగుల్లో ఉన్న వారు కనిపిస్తారు.



Source link

Leave a Reply

Your email address will not be published. Required fields are marked *