gold rate today: Gold Price: భారీగా పెరుగుతున్న బంగారం ధర… ఏడేళ్ల గరిష్టానికి గోల్డ్ – today 22ct 24ct gold silver rate in hyderabad vijayawada telangana 18th may 2020


బంగారం ధర పై పై కి వెళుతోంది. పసిడి పరుగులు తీస్తోంది. ఏడేళ్ల గరిష్టానికి పుత్తడి చేరింది. 2012 అక్టోబర్ గరిష్టానికి గోల్డ్ ధరలు గుబులు పుట్టిస్తున్నాయి. యూఎస్‌-చైనా భయాలతో భారీగా బంగారం ధరలు పెరుగుతున్నాయి. దీంతో బంగారం కొనాలంటేనే జనం భయపడిపోతున్నారు. అంతర్జాతీయంగా చోటు చేసుకున్న పరిణామాలతో దేశీయగా కూడా బంగారం ధరలు కొండెక్కుతున్నాయి.

హైదరాబాద్ మార్కెట్‌లో సోమవారం బంగారం ధరలు ఈ విధంగా ఉన్నాయి. 10 గ్రాముల 22 క్యారెట్ల బంగారం ధర రూ.45,480కు ఎగసింది. అదేసమయంలో 24 క్యారెట్ల బంగారం ధర కూడా పరుగులు పెట్టింది. 10 గ్రాముల బంగారం ధర రూ.48,550కు చేరింది. 50వేల మార్క్‌కు దగ్గర్లో పసిడి ధరులు పరుగులు పెడుతున్నాయి. పసిడి ధర పెరిగితే.. వెండి ధర కూడా ఇదే దారిలో నడిచింది. కేజీ వెండి ధర భారీగా పెరిగింది. కిలో వెండి ధర రూ.46,720కు చేరింది. పరిశ్రమ యూనిట్లు, నాణేపు తయారీదారుల నుంచి డిమాండ్ పుంజుకోవడం ఇందుకు ప్రధాన కారణంగా చెప్పుకోవచ్చు.

ఇక దేశ రాజధాని ఢిల్లీ మార్కెట్‌లో కూడా పసిడి ధర పెరిగింది. 22 క్యారెట్ల 10 గ్రాముల బంగారం రూ.46,110కు చేరింది. మరోవైపు 24 క్యారెట్ల 10 గ్రాముల బంగారం ధర కూడా ఇదే దారిలో నడిచింది. రూ.48,510కు చేరింది. కేజీ వెండి ధర రూ.46,720గా ఉంది. గత వారం రోజులుగా చూస్తేంటే… దేశవ్యాప్తంగా బంగారం, వెండి ధరలు పెరుగుతూ వస్తున్నాయి.

కరోనా వైరస్ కారణంగా అమెరికా చైనా మధ్య నెలకొంటున్న వివాదాలు.. అంతర్జాతీయ మార్కెట్లపై ప్రభావం చూపుతున్నాయి. నిరుద్యోగ ప్రయోజనాల కోసం అమెరికా తీసుకుంటున్న నిర్ణయాలు, ఆర్థిక వ్యవస్థ బలోపేతం కోసం ఫెడరల్ రిజర్వ్ తీసుకుంటున్న చర్యలు బంగారం ధర పెరగడానికి దారితీస్తోంది. అంతర్జాతీయ మార్కెట్లో ఔన్స్‌ బంగారం ధర 1772డాలర్లుగా ఉంది. బంగారం ఔన్సుకు 0.43% పెరిగి 1,756.79 డాలర్ల వద్ద ఉంది, ఇది అక్టోబర్ 12, 2012 గరిష్ట ధరకు చేరింది. అత్యధికంగా 1,759.98 డాలర్లకు చేరుకుంది. యుదఎస్ గోల్డ్ ఫ్యూచర్స్ 0.5% పెరిగి 1,765.70 డాలర్లకు చేరుకున్నాయి.



Source link

Leave a Reply

Your email address will not be published. Required fields are marked *