gollala mamidada coronavirus: తూ.గో: ఆ ఒక్కడితో 80మందికి కరోనా.. ఒక్క ఊరిలోనే 54 పాజిటివ్ – interesting facts behind gollala mamidada coronavirus positive cases


ఏపీలో కరోనా పంజా విసురుతోంది. కొద్దిరోజులు కేసుల సంఖ్య కాస్త తగ్గినా మళ్లీ నాలుగైదు రోజులుగా పరిస్థితి మారిపోయింది. అయితే తాజాగా నమోదవుతున్న కేసులు ఆందోళనల కలిగిస్తున్నాయి. తూర్పుగోదావరి జిల్లాలో కూడా కాంటాక్ట్ కేసులు పెరిగాయి. పెదపూడి మండలం గొల్లల మామిడాడతో పాటూ చుట్టు పక్కల కరోనా పంజా విసురుతోంది. జి.మామిడాడలో తొలి పాజిటివ్‌ కేసు కాకినాడ జీజీహెచ్‌లో ఈనెల 21న చేరి అదే రోజు చనిపోవడంతో అలజడి మొదలైంది. అలా మొదలైన వ్యాప్తి చుట్టు పక్కల ఐదు మండలాలకు విస్తరించింది. ఒక్కరితో ఇప్పటివరకు 82 కేసులు నమోదయ్యాయి.

పెదపూడి మండలంలోని పెద్దాడ, రాజుపాలెం, పైన గ్రామాల్లో ఒక్కో పాజిటివ్‌ కేసు నమోదు కాగా.. మిగిలిన 54 కేసులు జి.మామిడాడలోనే బయటపడ్డాయట. జి.మామిడాడలో 54, బిక్కవోలు మండలంలో 17, రామచంద్రపురం మండలంలో ఆరుగురు, మండపేట, అనపర్తి మండలాల్లో ఒక్కొక్కటి చొప్పున పాజిటివ్‌ కేసులు ఉన్నాయి. ఇక్కడ శాంపిల్స్ సేకరించడం.. పరీక్షలు నిర్వహిస్తున్నారు. కేసుల సంఖ్య పెరగడంతో ప్రజల్లో భయాందోళనలు మొదలయ్యాయి. అధికారులు, పోలీసులు ముందస్తు జాగ్రత్తలు తీసుకున్నారు.

రాష్ట్రంలో ఒక వ్యక్తి ద్వారా ఎక్కువ మందికి వైరస్‌ వ్యాపించడం ఇదే మొదటిసారి. కర్నూలు జిల్లాలో ఒకరి వల్ల 32 మందికి.. కృష్ణా జిల్లాలో ఒకరి నుంచి 18 మందికి, గుంటూరులో ఒక వ్యక్తి ద్వారా 17 మందికి.. ఇక్కడే ఒక్కొక్కరు 15 మందికి చొప్పున వైరస్ సోకిందట. ఇప్పుడు తూర్పు గోదావరి జిల్లాలో నమోదైన కేసుల తీవ్రతను చూస్తే పాజిటివ్‌ కేసుల సంఖ్య వీటన్నింటికీ మించిపోయింది. ఒక పాజిటివ్‌ వ్యక్తి నుంచి అయిదు మండలాల్లోని 80 మందికి వైరస్‌ వచ్చింది.



Source link

Leave a Reply

Your email address will not be published. Required fields are marked *