Google maps: గూగుల్ ‌మ్యాప్స్ తెచ్చిన తంటా.! భార్య దగ్గర బుక్కైన భర్త – man complaints against google maps app in tamil nadu


గూగుల్ మ్యాప్స్ పుణ్యమాని తెలియని ప్రదేశాలకు వెళ్లడం కూడా సులువైంది. గమ్యం ఎంత దూరంలో ఉంది.. అక్కడికి చేరుకోవడానికి ఎంత సమయం పడుతుంది.. తదితర వివరాలతో ఎప్పటికప్పుడు లొకేషన్ చూస్తూ ఎంచక్కా గమ్యం చేరుకోవచ్చు. ఇదంతా ఒకవైపే.. ఒకవేళ గూగుల్ మ్యాప్స్ తప్పు చూపిస్తే చిక్కుల్లో పడతామని తాజా ఘటన రుజువు చేస్తోంది. అదీ ప్రయాణంలో కాదు.. కుటుంబంలో కూడా వివాదాలకు కారణమవ్వొచ్చని తమిళనాడులో జరిగిన ఈ సంఘటన తెలియజేస్తోంది.

మైలాదుత్తురై ప్రాంతంలోని లాల్‌బహదూర్‌నగర్‌కి చెందిన చంద్రశేఖరన్ ఓ ప్రైవేట్ కంపెనీలో ఉద్యోగి. రోజూ ఆఫీస్‌కి వెళ్లి ఇంటికి వచ్చిన తరువాత తన స్మార్ట్‌ఫోన్‌ని భార్యకి ఇచ్చేవాడు. ఆమె ఆ రోజు తన భర్త ఎక్కడెక్కడికి వెళ్లి వచ్చింది గూగుల్‌మ్యాప్స్‌లో చూసేది. ‘యువర్ టైమ్‌లైన్’ ఆప్షన్ ద్వారా భర్త కదలికలను గుర్తించేది. అదే చివరికి కుటుంబంలో చిచ్చు రాజేసింది.

Also Read: తందూరి చికెన్‌ తెచ్చిన డెలివరీ బాయ్.. లొకేషన్ చూసుకుంటూ ఏకంగా కరోనా వార్డులోకి.!

ఓ రోజు ఆఫీస్ నుంచి ఇంటికి తిరిగొచ్చిన చంద్రశేఖరన్ తన ఫోన్ భార్యకి ఇచ్చాడు. ఆమె తన భర్త ఎక్కడెక్కడికి వెళ్లి వచ్చిందీ గూగుల్‌మ్యాప్‌లో సెర్చ్ చేసింది. అందులో ఎక్కడెక్కడో తిరిగినట్లు కనిపించడంతో భర్తను ప్రశ్నించింది. అక్కడికెందుకెళ్లారు.. ఇక్కడికెందుకెళ్లారంటూ నిలదీసింది. తాను వెళ్లలేదని, గూగుల్‌మ్యాప్స్ తప్పు చూపిస్తోందని చెప్పినా వినిపించుకోకపోవడంతో వివాదానికి దారితీసింది.

దీంతో చిర్రెత్తుకొచ్చిన చంద్రశేఖరన్ ఏకంగా పోలీసులను ఆశ్రయించాడు. గూగుల్‌మ్యాప్స్ తాను వెళ్లిన ప్రదేశాలకు బదులు వేరే ప్రదేశాలను చూపిస్తోందని.. దాని వల్ల తన కాపురంలో గొడవలు మొదలయ్యాయంటూ పోలీసులకు ఫిర్యాదు చేశాడు. ఆ మ్యాప్స్ చూపించిన ప్రదేశాలకు తానెప్పుడూ వెళ్లలేదని, యాప్ తప్పుడు సమాచారం కారణంగా కలహాలు రేగడంతో పోలీసులను ఆశ్రయించినట్లు చంద్రశేఖరన్ తెలిపారు. ఫిర్యాదును స్వీకరించిన పోలీసులు గూగుల్‌మ్యాప్స్ ప్రామాణికతపై దృష్టి పెట్టారు.

Read Also: క్వారంటైన్‌ సెంటర్‌ బాత్రూమ్‌‌‌లో సీక్రెట్ కెమెరా.. మహిళ స్నానం చేస్తుండగా..



Source link

Leave a Reply

Your email address will not be published. Required fields are marked *