Google work from home: ఉద్యోగులకు శుభవార్త.. ఇంటి వద్ద నుంచే పని చేస్తే రూ.75 వేలు! – google to pay rs 75,000 per employee for wfh expenses


కరోనా వైరస్ కారణంగా దేశీ ఆర్థిక వ్యవస్థపై తీవ్ర ప్రతికూల ప్రభావం పడింది. దాదాపు అన్ని రంగాలు చతికిలపడ్డాయి. ప్రజలు కూడా తీవ్ర ఇబ్బందులు ఎదుర్కొంటున్నారు. ఇందుకు ఉద్యోగులు కూడా మినహాయింపేమీ కాదు. చాలా కంపెనీలు వాటి ఉద్యోగులకు వర్క్ ఫ్రమ్ హోమ్ ఆప్షన్ అందిస్తున్నాయి. అయితే ఇప్పుడు టెక్ దిగ్గజం గూగుల్ ఇంకొక అడుగు ముందుకేసిందని చెప్పుకోవచ్చు.

గూగుల్ కూడా తన ఉద్యోగులకు ఇంటి వద్ద నుంచి పని చేసే ఆప్షన్ అందిస్తోంది. అయితే కంపెనీ తాజాగా వర్క్ ఫ్రమ్ హోమ్ ఆప్షన్ ఎంచుకున్న ఉద్యోగులుకు అధిక వేతనం అందించేందుకు రెడీ అవుతోంది. వర్క్ ఎట్ హోమ్ ఫెసిలిటీ పొడిగించే ఛాన్స్ ఉన్నందున (ఏడాది చివరి వరకు) ఉద్యోగుల ఇంటి వద్ద నుంచే పనిచేసే అవకాశం ఉన్నందున వీరికి వీలుగా ఉండేందుకు ఫర్నీచర్ కొనుగోలుకు అలవెన్స్ అందించాలని నిర్ణయించింది.

Also Read: SBI బంపరాఫర్.. లోన్ తీసుకున్న వారికి అదిరిపోయే శుభవార్త!

గూగుల్ ఇంటి వద్ద నుంచే పని చేసే ఉద్యోగులకు అలవెన్స్ రూపంలో దాదాపు రూ.75,000 అందించాలని చూస్తోంది. ఇక జూలై 6 నుంచి ఆఫీస్‌లు తెరుస్తామని, ఆరంభంలో 10 శాతం మంది ఉద్యోగులు ఆఫీస్‌కు వెస్తారని కంపెనీ తెలిపింది. తర్వాత సెప్టెంబర్ కల్లా 30 శాతం మందిని ఆఫీస్‌కు తీసుకువస్తామని పేర్కొంది. ఇక మిగిలిన వారు ఏడాది చివరి వరకు వర్క్ ఎట్ హోమ్ చేసుకోవచ్చని తెలిపింది.

ఇకపోతే దేశంలో కరోనా వైరస్ కేసులు పెరుగుతూనే వస్తున్నాయి. కోవిడ్ 19 శరవేగంగా విస్తరిస్తూనే వస్తోంది. భారత్‌లో కరోనా కేసుల సంఖ్య 1.58 లక్షలు దాటేసింది. ఈ వైరస్ కారణంగా 4 వేల మందికి పైగా మరణించారు. ఇక అంతర్జాతీయంగా చూస్తే కోవిడ 19 సోకిన వారి సంఖ్య 57 లక్షలు దాటిపోయింది.



Source link

Leave a Reply

Your email address will not be published. Required fields are marked *